هاتي التذاكر والسِفَر عجلي به = وإن كانها الرحله على البر ياليت
نمشي طريق الحِب محد ٍ دري به = وإن طالت الرحله فلا قلت مليت
طرقي مشاه الدرب راضي نصيبه=رحّال ماهو عاشق ٍ جلسة البيت
منهو مشى فالدرب خاوا حبيبه=ماهمه البنزيم ولا همه الزيت
موتر جديد ولجل عينك اجيبه=لا حنّ له صوته انا قمت حنّيت
امشي وخالي البال وانتي قريبه=وإن زادت السرعه على الدرب هديت
اسري ولا اخشاه القمر في مغيبه=انتي قِمَر عيني وانا فيك مخطيت
أقْرُبْ تراه القُرب انا اهتنيبه=قولتك ( لا ) تِز ْعِل ليا مِنك عيّيت
اقْرُب ولاهي قولتي بالغِصيبه=تِبْعِد ولا ادري وش من الشّي سوّيت
هرج وحكي هاتيه قول إنكحي به=وإن كان مابه هرج انا قمت غنيت
أَنْشِدْهِ جرح القلب منهو طبيبه؟=إن قاله انتي شلت بالصوت جرّيت
اقنِب قنيب الذيب توحي قِنيبه=لاوالله ألاّ طحت فالحِب طبيت
طِرقة هواي وعجّلت بالمصيبه=اشرح هوايه مير ماظن وفيّت
وقت ويمُر وكنت انا احتري به=كلمة هوى لاقلتها قِلت كفيت
تبدى كلام وحبنا تنتهيبه=محلاك يا هرج الهوى يوم هلّيت
وابدى كلام وفالهوى ابتديبه=وإليا فهمت القصد انا قلت تميت
قولي ومر الوقت انا محتسيبه=إليا نويت القول عوّدت لفيت
خايف على قلبي بشي ٍ تصيبه=خايف من القسوه ليامنك رديت
حظّي و غصب الحظ انا ارتضي به=ماظِن يوم إنّه بدى الدرب سمّيت
والعاقبه درب ٍ يجي اقتضي به=هاك الزمان وقبل لابداه صلّيت

المشاركة الأصلية كتبت بواسطة ~امـيـرة بـجـمـالـي~ (المشاركة 3754416) . . يعطيكـ‘ العافيهـ‘ خيـؤ أنامل ذهبيهـ‘ سلمت يمناكـ‘ http://poupounetty.p.o.pic.centerblog.net/4zdttgeh.gif .

دبدوبِك اللي شايل الورد ِ دبدوب=صِنْعه قماش وقطن واقبل عليّه
اهلاً هلابه دب طيّب وحبوب=اهلاً هلا به دام جاني هديّه
له قِصِة ٍ مالت على الوجه وتذوب= والبسمه اللي ماوراها الثنيّه
مدري علام السِن مخفي ومسحوب=القصد شكراً يوم جاني عَطِيّه

المشاركة الأصلية كتبت بواسطة الـعـاطفي (المشاركة 3754620) الله الله في غاية الروعه والجمال صح لسانك يالغالي لاهنت ولا هان هالمنطوق العذب والذرب تحياتي واحترامي واشواقي

المشاركة الأصلية كتبت بواسطة صادقـ الاحساس (المشاركة 3754694) نايف الشريف ابدعت بكلماتك العذبه والمعاني الجميله كلماتك مبنتهى الرقه والجمال بمشاعرك واحساسك العذب الرايع تحياتي لك شاعرنا ولاهنت يالذيب