( الكل في حاله ) مجاراة لقصيدة اخي شاعر الدرر ( ابرحل )
اقتباس:
بديت القاف بإسم اللي وزن بالمِدْ والمثقال=فعول ٍ للعرب ماهي خفيّه دوم تحصى له إله ٍ ماظلم خلقه وعدله عم كل اجيال=إلا منه مسسني الـضــُـر ربي دوم الجأ له نعيش الوقت والدنيا مراسيها ثقيل إجبال=حتى السيل لامن سال يمشي درب مسياله وكل ٍ بالحيا ماشي ثِقِيلِه مع خِفِيفِه شال=ماله كود صبر اليوم دام إن الحِمل شاله انا ماقول قولي دش لجل يقال نايف قال=أعَرْف القول لاقلته وحط القول منزاله اقول الناس فالدنيا كما هي حالة الجمّال=اشوف الوقت والدنيا وفيها الناس جمّاله كفايه دام فالدنيا لقانا في شهر شوال=عيد ونلتقي به يوم ثم الكل في حاله مشاغل والحيا فيها عيال وشغل ورزق ومال=حتى الخير ماياصل ولازم دون نسعى له صحيح إن الوفا مطلوب وننشد كيفها الأحوال=لكن من يغيب اليوم دوّر عذر ترضى له أهَمْ الشي لابه جرح او هَم ٍ ودمع ٍ سال=أمّا البعد فالدنيا فكل ٍ راح لأعماله |
اقتباس:
صــح الســـااانك ولا هنــــت اخــي / نــاايــف الشــريــف ... وصــح الســان شــاعــر الــدرر ... وااافيــه من راااس وااافــي لا عــدمتــك . تقبــل تحيّتــي وتـوااضـع مـروري . دمت بحفظ الله ‘‘ |
اقتباس:
صح لساتك ياذيب ولي الشرف في معرفتكم وتواصلكم وبيض الله وجهك على هذي الشامخة وما هي غريبة عليكم الجزالة وعودا حميدا ولكن لي مداخلة ياذيب اسمح لي فيها هلا ياذيب يا وافي يانسل العز والابطال=وانا كلي فخر يا صاحبي بالشعر ورجاله انا ادري وقتنا قاسي على قولك ابد ميَال=ولكن المنايا خبط عشوا من تهيا له صديق(ن) ما حسبني مكسبه في كفة المكيال=برغم اني وفيت الكيل ما حسَبت كرما له عطيته ود ما يفنى على مر الزمن ما طال=و رد الدين في ثوب(ن) تفانى حيل باسباله سألتك بالذي انزل محمد وانزل الانفال=وش اتسوي اذا انك مكاني يالخوي حياله |
اقتباس:
كل الشكر والتقدير لشخصكم الكريم اخي الحبيب راعي العلياء دائماً انت مثال للوفاء لاعدمتك |
اقتباس:
وجهك ابيض اخي الحبيب الحارثي ويعلم الله أني احبك في الله واحببت مجاراة قصيدتك الرائعة وإجابة على تسائلك وش اتسوي اذا انك مكاني يالخوي حياله اصك الباب من دونه وكثّر بالعدد اقفال=ودام إني نويت البعد مافكيت اقفاله انا عندي كرامه مير ماحصلت منه إقبال=جزاه اليوم إهمالي مثل مابان إهماله ودام إن العرب فيها كثير من العدد اشكال=وفيها للوفا ناس ٍ وفيها مثل اشكاله ببيعه وارخص القيمه ولو ينسام بألف ريال=ابا القالي خوي غيره وأعوّض لي خوي بداله وثوب ٍ ماخذه عيره افصّل ثوب لي تفصال=افصّل ثوب لي غيره وازيّن فيه تفصاله ودام إن الزمن حاضر ابدّل باليمين إشمال=زان الحال فالدنيا وجاد الوقت بأجياله صغيرة سن تلبس لي بلوزه مع طقوم إبدال=وجه ٍ يشرح الخاطر ليامن جيت فقباله اعيد إبها العمر وانسى واقول الهم راح وزال=( كثير الخيل فالدنيا ولكن هات خيّاله ) |
اقتباس:
صح لسانك اخي نايف وبيض الله وجهك على هذا الابداع مع اني ما كنت ادري بأنك كنت بالمنتدى الا من الاخوان وعز الله انك وافي ونعم ياذيب واحبك الذي احببتني فيه ويزيدني شرف والشئ الرائع هو تواجدكم العذب ورجعتك لمحبينك واخوانك وابرك الساعات يومن عرفناك وترى الحين بردك الاخير اصبت المعنى اللي خلاني اكتب قصيدة (ابرحل) وياكثر ناس تعطيهم واذا دورتهم ما تلقاهم تقبل تحياتي وتقديري واحترامي دمت بووووووووووووووود |
اقتباس:
صح بدنك وجهك ابيض اخي الحبيب الحارثي وانا اخي الحبيب اغيب واحضر بسبب مشاغلي والله لايشغلنا إلا في طاعته والاخوان بارك الله فيهم اوفياء ورغم تقصيري معهم إلا انهم لايقطعوني ويتواصلون لي وهذا من وفاء اهل الطيب وانت من الاوفياء بارك الله فيك وبحق انا احضر لاتعلم واستفيد من النخبة الرائعة الذين التقيهم واليوم كسبت اخ كريم تشرفت به وحاولت مجاراة رائعته تقبل شكري وتقديري لك |
الساعة الآن 04:36 AM. |