شدايد .. في شدايد .. ياعساها من تجي تشتل ..!!
سلام من الله عليكم ورحمته وبركاته مـثـل هـاك الهـدوء اللي سبق له عاصفة واختل=مـثل بعـض الكلام أصعب .. يكون لمسمع الخلان مـثـل هـذا الجنـون .. أصبح وقوفـه للفكر يحتل=واصفـق لـه بـدمع العيـن ويبقـى للفكـر عنـوان وجف أقصى غرام.ن. كان .. يـدور له على مبتل=وفصل الصيف خبري به على خبري قليل إحسان تنـاسيـت الفرح لانـه نسـانــي والخفـوق إعـتل=وبـدا وجـه التعب يـرسم مــلامح سيــد الأحـزان وتمنيـت الصبر فيني .. يعـادل فـارتفـاعه.. تل=عسى ظـلـه يسـاندني .. أخفـف لـوعة الحرمان شدايد .. في شدايد .. ياعساها من تجي تشتل=عـدو.ن. كنـت أهـلي بـه وخل.ن. كنـه النسيان ياليـت الغايب الحاضر .. يـداوي جرحي المختل=لاجـل أنسى معانـاتي وأحـس بقيمـة الإنسـان ياليـت الساقي الجاري .. بدل مايحيي المشتل=روى غصن الغـرام اللي مكانـه فأول البستـان . . لكم ولمنتدى الود الاحترام وكل الود |
صح لسانك اخوي خالد يعطيك العافيه وافيه من راس وافي وجزله من راس جزل تحياتي |
اقتباس:
خالد محمد العلي صح لساااانك .. واعتلاا بالعز شاااانك . ولا هنت .. وااافيه من وااافي . يسرني ان اكون من اوائل الماارين من هنا .. تقبل تواااضع مروري دمت بوود |
الاخ خالد
صح الله لسانك شدتني قصيدتك وكانة جباره بسحرها ورونقها وعذبها السلسبيل ونعومة الخد الأسيل اعترف بإن دمعي منها كاد يسيل تقبل مزحي وعسى ان لا يكون هزيل ولك الشكر الجزيل |
خَآْلِدْ بِنْ محَمَّد صَبَآْح الخيْر والرّضَى حيْنَ نُعَآْنِقْ ارْتِشَآْفَآْت بَوحكْ يَسْكُننَآْ الإِعْ ـجآْب والحَنِيْن إِلَى كأسْ شَوْقٍ يَجْمَعُنا بِقَصِيْدَه أُخْرَى لَك كُنْتُ هُنآْ لأُتْحِفَ النَّفْس وَ أُبْهِجُ الرُّوْح وتَأْنَسُ العَيْن بِما تَرَآْه ..! صَحّ لسَآْنك ..وعَذْب هَتَّآْنك دُمْتَ بِأَرِيْجِيَّهْـ. ودِّيْ. |
شدايد .. في شدايد .. ياعساها من تجي تشتـل عدو.ن. كنت أهلي به وخل.ن. كنه النسيـان الاخ خالد صح لسانك ياالغالي قصيدة جذبتني بشدة تقبل مروري |
ياليت الساقي الجاري .. بدل مايحيـي المشتـل روى غصن الغرام اللي مكانه فـأول البستـان خالــد العلي لك جوك ولك دربك ولك سحرك الخاص ياخي انت غير مفردة تُجبرني على السعي وراءها لأنها تستحق وأكثر من المتابعه تستحق التدوين بالذاكرة خالد دوني من معجبيكـ لان هندستك تروق لي |
ياسلاااام
ياخالد أبدااااع أخترتها كلها صح لسانك تقبل تحياااتي ومروووري] |
اقتباس:
اخ عزيز وغالي صح الله ابدانك وعافاك ربي . قدرك بصدري كبير . الف شكر لتواصلك الطيب وشكرا لك ولقلبك |
هلا بك خالد
بصرا حه سوء التنسيق اساء للقصيده بعض الكلمات لم اتمكن من قرا ءتها ولا كن لي ملا حضه بسيطه وهي على البيت اللى ذكرت فيه الصيف وفصل الصيف خبيري به على خبري قليل احسان اعتقد انه مو بضروره يقول فصل الصيف قليل احسان في بعض المناطق ما تجي النعمه الا في فصل الصيف ومنها المنطقه اللى انا منها كل امطارها في الصيف كذالك في فصل الصيف يا تي ليذوب الجليد ويصبح انهار وخضره وطيور وزهور واشياء كثيره حلوه في فصل الصيف انا ونت تعودنا على النقد الصا دق الهادف لك كمني كل اعجاب وتقدير ودي اقول ان باقي القصيده قمه في الرو عه مع مخالفتي لراي الجليد لا ن الغصن اللى في اول البستان هوه الا ولى بسقايه ولا بد ان يصله الماء في كل الحالا ت ومن المستحيل انه يتعداه لغير ه بما ان الماء جاء من السا قيه ومن المعروف ان السا قيه تمر اول شي بول البستان تقبل مرورى ولك مني الحب الصا دق الذي لا يعرف الا حقا د ابدا |
الساعة الآن 11:34 PM. |