|
طبع شمر
السلام عليكم ورحمة الله وبركاته يمكن انا من النوع اللي متمسك بـ العادات والتقاليد بـ قوه وميلة العقال ما اتركه وكانت بنت بـ السوق وانا معي الاهل بـ السوق عشان العيد فـ ضحكت بنت قالت [ شوفي ميلة عقاله البدوي ] متحجبه .. وحبة الخال واضحه على شفتها طبع شمر . . . فديت انا عقالً علـى الـراس مايـل=لاصارت الضحكه بلا معنـى اخبـال هذا .. طبع شمر .. واراضينا حايـل=وانا ولد شمر .. ولي ميلـة اعقـال دنيـاك يابنيـه .. ترينـه هـوايـل=صار الرجل بنتً .. ولابس له الشـال خلـي علومـك .. لبنـات الحمايـل=كم راس شيخً دنسـه حبـة الخـال لي خالي الروقي من ارقـى القبايـل=وربعي طنايا هم لنا مضـرب امثـال فينـا شمـوخً يكسـر الثقـل كايـل=رجح موازين الفخر .. طيب وافعـال انـا عريـب الجـد والعمـر زايـل=لاشـك فعلـي باقـي للعـز تمثـال لاجاك شيطاني على الـراس طايـل=اقلب معانـي دنيتـك واطـي العـال شوفي خوالـي ملطميـن العوايـل=تضحك لي الدنيا من العـم والخـال ماتت شهامة رجلكـم مـن صقايـل=سالت شهامة رجلكـم مثلهـا سـال روحي تنقـي مـن كلامـي دلايـل=وشوفي الرداء في عقلك الشين منزال يابنت انا بفعلـي تـرى العـز نايـل=صوله وجوله ممتلي بطيب الاعمـال يابنت انا تاجً علـى الـراس شايـل=اسم الفخر والعز والطيب قـد شـال تحرقنا الرمضى مـع الحـظ مايـل=وناطى على شوك القهر ضيم واهوال نفـزع إلا جانـا عوايـلً وعـايـل=نصبح سمي الموت نخطف على الحال ولامن لفانـا المـوت عـز القوايـل=نصبح سموم البـرد والحـر مـازال يابنتٍ يا .. رفلاء .. حذار القبايـل=لايشغلك شيءً .. على الراس قد مال . . . فهد الشمري |
كبرياء الطنايا صح لسانك ونعم بشمّر تقبل تحياااتي ومروووري |
مَآْزِلْت ولاَ زِلْت كَعَهْدِيْ بِكَ تَكْتِبْ الشِّعْر بِهَكَذَا وَصْف ولاَ نَرَى غَيْر الشُّمُوْخ ..! وَمُتْعَة القِرَأَهْ ..! الشّمّرِيْ صَحّ لسَآْنَك .. وعَذْب هَتَّآْنَك أُسَجِّلَ إِعْ ـجَآْبِي الكَبِيْر قَبْلَ مُغَآْدَرَتِي صَفْحَتكَ النَّدِيَّهْـ المَلِيْئَه بِأَبْهَى وَ أَرَقّ وَ أَعْذَب كَلِمَآْت شَآْعِرِيَّهْـ..! أَزْهَآْرِي. |
صح لسانك
لاهنت ونعم مليوون في شمر واهل حايل خل ام شامه تقراها ودي |
صح لسااانك ولا هنت .. ياافهد ... وكل عام وانت بألف خير . وعلى قوولة العنود خل ام شامه تقراها . تقبل تواااضع المرور . دمت بووود |
متاابع صح بدنك وماعليك زود ومرورك مصدر سعاده لاهنت ولاهان حضورك |
انتظر ضمة غلاك صح بدنك اختي ولاهنتي على الاطراء ولاعدمت مرورك المشرف دُمتِ |
العنود الهواويه صح بدنك ومالك مهونه ماعليك زود يالغاليه ومايهم قرتها او لا .. لان مايعيب الناس .. غير المعيوب شاكر لك مرورك اختي دُمتِ |
راعي العليا صح بدنك يالغالي ومالك مهونه يابعدي ومثل ماقلت لـ العنود مايعيب الناس .. غير .. المعيوب شاكر لك مرورك المشرف يالغالي دُمت |
والله انــك فناااااااااان صح لسااانك
مشكوور ياااذوووق |
| الساعة الآن 04:59 AM. |