درس الكتابه بالزرع
 

نعرض الآن النتيجة الي راح نوصل لها إن شاء الله في نهاية الدرس :

http://www.moq3.com/imgs/up_jpg/cOy73413.jpg


طيب .. نجي دحين نشوف الادوات الي راح نستخدمها إن شاء الله في هادا الدرس :


http://www.moq3.com/imgs/up_jpg/sML73413.jpg


هذه أهم الأدوات الي راح نستخدمها إن شاء الله ، والي ماعرف مكان الـ ( fx ) راح يلاقيها أسفل نافذة ( Layers ) طبعا هي أختصار لـ ( Layer Style ) .

وهذه الألوان الأساسية الي راح نحتاجها :

http://www.moq3.com/imgs/up_jpg/FQR73413.jpg


وهذه الأكواد : اللون التفاحي ( a8be40 ) و اللون الأخضر ( 328a26 )

دحين راح نبدأ الجد

نفتح ملف عمل جديد ومارح أقول لكم وين الي مايعرف يتعب ويدور ^_^
طيب تحطون المقاس الي تبغوه مافي شي محدد لكن في هذا الدرس راح نجرب المقاس ( 480 × 640 ) ، راح تفتح لنا صفحة بيضاء !

نجهز علبة الألوان أو مجموعة الألوان زي ماوريتكم فوق التفاحي في المقدمة و الأخضر في المؤخرة ، بعدين نختار أداة التدرج ، طيب قبل لا نبدأ نبغى نعرف أيش الفايدة من الخطوة الجاية ؟!

اللون الأخضر الغامق في الخلف يعبر لنا عن خلفية العمل أو الأرضية و اللون الفاتح - التفاحي - يعبر لنا عن إضاءة العمل أو مصدر إضاءة العمل !! طيب يا هو إيش الفيادة من الإضاءة و الزحمة دي ؟!!

مصدر الإضاءة أو موقع الإضاءة في العمل يحدد لنا أتجاه الظل ! يعني لو الإضاءة جاية من فوق راح تصير ظلال الأجسام في العمل إلى الأسفل ^_^ .. أتمنى تكونوا فهمتوا المقصود .

طيب أنا بجرب أخلي مصدر الإضاءة هنا في الزاوية اليسرى العلوية إن شاء الله ، وعشان يضبط الشغل غيرت خصائص أداة التدرج تغيير بسييييييط زر واحد بس شوفوه :

http://www.moq3.com/imgs/up_jpg/OC673413.jpg
ونسحب سحبة خفيييفة في ملف العمل ، نشوف كيف :


http://www.moq3.com/imgs/up_jpg/FBh73413.jpg


وهاذي النتيجة :

http://www.moq3.com/imgs/up_jpg/ODO73580.jpg


والأسهم توضح لنا مصدر الإضاءة على الأجسام .

طيب نجي للخلفية المعتقة و الحركات والبركات ، ناس قالوا فرش و ناس قالوا مدري أيش << نصاااااااب .

العملية بسيطة ، و ماخير رسول الله صلى الله عليه وسلم بين أمرين إلا اختار أيسرهما مالم يكن إثما !! يعني بدال ما نضرب مشاوير نعتق بالفرش و أوف دي مازبطت عيدها و نسوي طبقات أو لايرز بالهبل لا لا .. خلوكم معاي و أمسكوا الخط السريع ..

نجيب خامة معتقة وجاهزة زي هاذي :

من هنـــا
وهذا رابطها بحجمها الأصلي عشان الكل يستفيد :

من هنــا
طيب نجيب الخامدة هاذي ونحطها فوق البقراوند الي سويناه قبل شوي ونخلي المود حق لاير الخامة ( Overlay ) واللي مايعرف يشوف من هنا :


http://www.moq3.com/imgs/up_jpg/JFV73580.jpg



ونشوف أيش النتيجة !!!!!!

http://www.moq3.com/imgs/up_jpg/ba073580.jpg



ياااا حركااااااات

طبعا نخفف الشفافية أو الـ ( opacity ) حسب المزاج انتا تبغى الأرضية غااامقة وفااقعة ولا تبغاها باهته شوي ، بكيفك هادا الشي يرجع لذوقك ..


طيب دحين الحمدلله خلصنا الخلفية ، يبقى لنا نتعلم كيف نسوي التأثير !!

قبل لا نبدأ خلوني أديكم الصورة الأساسية في العمل الي هي صورة الزرع :

من هنــا

نرجع للدرس ..

دحين نكتب الي بدنا أياه كل واحد بكيفه بس خلونا نجرب كلمة أممممممم .. مثلا " فراس " الي هوا أخوي الصوغنن ، نختار أداة النصوص ونكتب الي نبغاه بلون أبيض ونخلي الشفافية 50% مثلا شوفوا معايا

http://www.moq3.com/imgs/up_jpg/0v073580.jpg



طيب نجي الآن ونحط خامة الزرع الي حطينا رابطها فوق ونحطها تحت الكلمة الي كتبناها " فراس " ونصغرها ونضبطها حسب المزاج لكن عشان نعطي العمل هنا شوية واقعية نخليها صغيرة بحيث تضبط الأبعاد إن شاء الله ..

طيب نحدد الآن كلمة " فراس " وطريقة التحديد معروفة والي مايعرف كيف يحدد لاير كامل يجرب يضغط زر ( ctrl ) وتضل معلق عليه وتروح عند الاير الي تبغى تحدد وعندنا هنا لاير النص الي كتبناه راح تلاقي ايقونة الماوس تغيرت وصارت يد وفوقها مربع منقط ، المهم تضغط ضغطة بسيطة على الاير أو الطبقة الي تبغى تحددها بالكامل .


http://www.moq3.com/imgs/up_jpg/hrY74548.jpg

طيب الآن نبغى نحدد حرف الـ س بس !! أيش نسوي ؟؟ يعني نجيب المساحة ونمسح التحديد ؟؟!! في طريقة نقدر نمسح بيها التحديد بكل بساطة نستخدم أداة التحديد المستطيلة و أختصارها M من الكيبورد ونغير في خصائصها بحيث تمسح التحديد الي نحدده عارف أن أمخاخكم هنّقت هههههه شوفوا كيف وراح تفهموا إن شاء الله :




يــــتـــــبــــــــــع

هنا نختار هالخيار من فوق شريط خصائص الأداة :

http://www.moq3.com/imgs/up_jpg/wKk74548.jpg


وهنا الحركة الي راح نسويها :

http://www.moq3.com/imgs/up_jpg/Fsc74548.jpg


وهذه النتيجة :

http://www.moq3.com/imgs/up_jpg/9Mi74548.jpg



صارت الـ س محددة لوحدها ^_^ .. طيب نجي الآن للشغل الجااااااااامد و الإبداع أنامل كل واحد منكم يعني الخطوة الجاية تعتمد على إبداع الشخص وكلكم مبدعين بإذن الله ..

نختار أداة الحبل ( Lasso Tool ) وراح نستعمل خيارين في هذه الأداة :


http://www.moq3.com/imgs/up_jpg/4z974548.jpg



الأول يزيد في التحديد يعني انت محدد شي تقوم تحدد شي زيادة فا يصير التحديد الأساسي حسب مازودته وربي مارح تفهمون إلا لمن تجربوا خخخخخخخ .. طيب والثاني العكس ينقص في التحديد ..

نشوف تجربة :

http://www.moq3.com/imgs/up_jpg/HVT74750.jpg


لا حظوا أني قاعد أتتبع أماكن الزرع يعني شي طالع اتتبعه ، أتمنى أنكم فهمتوا الي أقصده .. دحين نشوف الـ س كاملة

http://www.moq3.com/imgs/up_jpg/hTW74750.jpg


طيب دحين نختار لاير أو طبقة خامة الزرع من نافذة ( Layers ) ونسوي نسخ طيب ليش اخترنا الطبقة أول ؟؟ عشان عملية النسخ تكون في هذه الطبقة بس طيب ممكن نسوي نسخ عن طريق القائمة المنسدلة ( Edit ) أو C + Ctrl من الكيبورد ، ومن ثم نلصق ما نسخناه وسنلاحظ أن التحديد سيختفي !! لو نبغى نحفظ التحديد الي سويناه نضغط كلك يمين وأحنا مازلنا مفعلين اداة الحبل ونختار خيار ( Make Work Path ) ونختار القيمة 1 بيكسل عشان يجيبه مثل مارسمنا بالضبط إن شاء الله وراح نلاقيه في نافذة ( Paths ) إن شاء الله .. نرجع زي ماقلت نسوي نسخ ولصق بعد ماحددنا لاير أو طبقة الخامة عشان ينسخ لنا منها ..

وهاذي النتيجة :


http://www.moq3.com/imgs/up_jpg/0Jh74750.jpg



طبعا أخفيت لاير كلمة " فراس " ^_^ .. شايفين كيف ؟!!!!

دحين نسوي نسخة ثانية و ثالثة و رابعة لحرف الـ س بعد اللصق

نجي للنسخة الأولى نسوي عليها تأثيرات من ( Layer Style ) الي هوا الـ ( fx ) ، نشوف مع بعض القيم و المؤثرات الي راح نسويها :


http://www.moq3.com/imgs/up_jpg/E6J74750.jpg


حطيت قمية شفافيتها 40% ركزوا .. عشان يبان لنا تأثير النسخة الثانية .

http://www.moq3.com/imgs/up_jpg/J5n76523.jpg

http://www.moq3.com/imgs/up_jpg/daQ74750.jpg





يــــتــــــــبــــــع

وهاذي النتيجة :


http://www.moq3.com/imgs/up_jpg/n4U74911.jpg

مع التذكير أنو في نُسخ تحتها لسى ماسوينا لهم أي تأثير ^_^

طيب دحين نسوي التأثيرات على النسخة الثانية :

http://www.moq3.com/imgs/up_jpg/Nfo74911.jpg


http://www.moq3.com/imgs/up_jpg/ejn74911.jpg


وهاذي النتيجة :


http://www.moq3.com/imgs/up_jpg/ObJ74911.jpg


واتمنى اتمنى من كل قلبي أنو كل واحد فيكم يجرب يغير القيم ويختار القيمة الي يرى أنها مناسبة لا تقيد نفسك أبدا بأرقام معينة أنا أخترت هذه الأرقام و اكيد في أفضل منها .. وأنتوا راح تكتشفوها ^_^

كمان حاجة بسألكم : الأماكن الي حددتها بدائرة خضراء ليش ما غيرنا قيمها ؟؟ فكروا !


طيب نجي دحين لأهم حاجة والشي الي إلى الآن ماضبطته تمام الي هوا " الظل " الظل هو أقوى شي يجسم لك عملك يعني لو صرت فنان في تضبيط الظلال راح ترتاااااح
لأنك وقتها راح تكون قادر على تجسيم رسومات الـ 2D ^_^ ..

الطريقة سهلة إن شاء الله وهيا أننا نضيف ظل للنسخة الثالثة من ( Layer Style ) بهذه القيم :

http://www.moq3.com/imgs/up_jpg/3Yf74911.jpg


و النتيجة :

http://www.moq3.com/imgs/up_jpg/bBV75054.jpg



نجي نحدد النسخة الرابعة ونصبغ لونها بالأسود !

وعندنا طريقتين الطريقة الكلاسيكية الي هيا نحدد اللير ونجي لأداة التعبة و " طاااخ " نصبغها أسود أو نسويها من ( Layer Style ) :

http://www.moq3.com/imgs/up_jpg/xOL75054.jpg


بعدين نجي للقائمة المنسدلة ( Filter ) ونختار Blur >> Gaussian Blur

ونحط هالقيمة :

http://www.moq3.com/imgs/up_jpg/LU175054.jpg


ونرجع للقائمة المنسدلة ( Filter ) ونختار Blur >> Motion Blur

ونحط هالقيمة :

http://www.moq3.com/imgs/up_jpg/Rev75054.jpg

وبعدين نحرك هالطبقة أو الاير لتحت وكمان لليمين إلى أن نشوف أنه تمام

بعدين نمسح الظل الي طالع في الجهة المعاكسة اقصد جهة الضوء :


http://www.moq3.com/imgs/up_jpg/2X975161.jpg


وبعدين نخفف الشفافية حقها أو الـ ( opacity ) إلى 80%

والنتيجة :

http://www.moq3.com/imgs/up_jpg/NrN75054.jpg


نشوف نظرة سريعة لنافذة ( Layers ) :

من هنــا
وخـــــلـــــصـــــنــــــاااااااااااااااااااااااا اااااااااا

دحين نكمل بقية الحروف بنفس الطريقة ^_^


وهذا ملف الـ psd عشان الكل يستفيد

من هنـــا
------------------------------------

شوفوا يا أخوان كل ماترجع تسوي الدرس كل ما كنت أكثر دقة ، الممارسة ثم الممارسة الفنون كلها تعتمد على الممارسة

في مفاجأة مخبيها لناس معينين !! مين هم ؟؟
الي يقدر يطبق هذا الدرس بأسلوب مختلف لمن أقول بأسلوب مختلف يعني مختلف مو طريقة مختلفة هذه متفقين عليها انكم كلكم راح تحاولوا لا يعني مو لازم عشب أخضر ؟؟ مو لازم عشب جرب شي تاني وشوف ^_^ في هدية حلوة ..

تحياتي
دلــــــع

دلع

الله يعطيك العافيه ولاهنتي

الدرس اكثر من رائع ويحتاج تركيز

طبقته على سريع وماطلع مثل اللي مطلوب لكن العذر منك



http://nazf999.net/files/4244.jpg


الله يعطيك العافيه ودمتي بود

نزف المشاعر


منور الصفحه ويسلمو عالأضافه

سلطان القصيم


منور الصفحه,,,