|
@@ الـــــــصــــدر ضـــاق @@
الصدر ضاق ... وقاضبته الهواجيـس=تجمّعـت بـه ... كنهـا في عماره نادت جميـع أشباحها والكوابيـس=وكلٍ حجز له ... ضلع يبغى وزاره واصبحت أضم أحرارها والمحابيـس=وايضا من اللي ... جايينٍ زياره هـذا... يثبّـت لوحته بالدبابـيس=وهـذا... يتحمّم لأجل يلبس غياره هـذا... يطبّل فـوق عشرة مراويس=لا ما قصدني ... يبغى تطفيـش جاره هــذا... يجـر دلال معهـا المحاميـس=يبي بوسـط الجـوف ... يشـب ناره وأنا اتفرّج ... والمشاعر معابيس=والكبد لا ما عاد ... فيها مراره وش السبب؟! ... ليه الحنايا مكابيس=وشلون شخص ... استعمر بوسط داره ومستعمرينه ... بالوصايف طنافيس=في داخله ... متجمعين بغزاره قمت أتلمّس ... للحقايق تلاميس=ابنشد قلبي ... قبل يعلن فراره يمرني الهاجوس ... يعرض لي ابليس!=وش جايبه؟؛ ... يمكن عليه الخفاره وفزيت صاحي ... من جميع النواعيس=واثريه حلـمٍ ... مختفي في ستاره وسألت نفسي ليه ... جتني المقابيس؟=وش السبب ... خلّت لي الصـدر حاره! واثري سببها ... غياب راع النواميس=اللي على الخلان ... يفرض وقاره بالٍ فضي ... وسدٍ مع الناس ما قيس=بيـرٍ عميقٍ ... ما يثبّت قراره ابو علي ... عنّدي فلا له مقاييـس=لو جاك في ليلٍ ... يبيّـن نهاره |
صح لسانك يابن عمي
|
اقتباس:
الــيزيـــد صح بدنك ياصاحبي اشكر لك مرورك دمت بود |
السلام عليكم صح لسااانك يالطيب وعساك علي القووه ننتظر جديدك الممدوح |
اقتباس:
صح بدنك ياغالي اسفرت وانورت بتواجدك أسعدني مرورك دمت بود |
راعي العليا صح لسانك مليوون
ماروع ماسطرت هناا تحياتي لك دمت بخير |
اقتباس:
aljawwal صح بدنك ياغالي مرورك شرف لي وتعليقك وسام على صدري لا حرمنا تواجدك وردك الجميل دمت بود |
اقتباس:
صح الله لسانك على عذب الأبيات ... ياللي من اسمه جر ظهري من اقصاه... جيتك وعهد الله على الصدر دكات وإلا بلوف العزم قد خارة قوااااه.. اكبر غنايم فزعتي صبر وسكااات.. يالفوده اللي من شقانا مغذااااه ! بيني على درب المدينه مسافات .. ضامي ومنهو يهتديني على رشاه. لا قـِدم عيني نهر دجله ولا فرات .. ولا تو مني حادي الدرب من ماه .. مرة سنه وشهور وايام وساعات من يحتري لحظة خلاصه ومرقاه! ناديت ولسان المعازيب حسرااات يا حلوه لساني رغم ملحة شفاااه محد ٍ درى وش يكشف الليل لا بات بعض السوايا والخزايا موراااه كن الصبر في تالي الصبر خفراات ادمى ظهرن مُودِع الِحمِل بإكرااااه (( .. راعي العليا ...)) صح لسانك وعساك على القوه ... ===> وش رايك بالممدوح كاسر خاطره المنتفخ :biggrin: تحيه عطره ‘‘ |
اقتباس:
صح الله أبدانك على كل ما فات=يالذيب ياللي مظهره فعل يمناه ذيبٍ تعلى فوق روس الطويلات=في منزل العِليا على الدوم تلقاه نسل الرجال أهل الكرم والمروات=ساق القدم للطيب ... بالطيب ممشاه طيبه مورّث ما حصل له بالأصوات= وكلٍ على ما قيل ... عوّد لمرباه ياصاحبي ... يأخذ بنا الوقت لفّات=وسيفه قطعنا ... يالخوي ما قطعناه نشقى ونتعب ... والليالي سريعات=ولا أحدٍ بنا يدري ... على وين مرساه وحنّا .. لعل .. وليت .. ومتى الإجازات=والعمر يمضي ... خلفنا ما حسبناه نسعى ندور ... الفايده والمسرات=والكل منا ما بعد ... صاب مرماه نحسب سعادتنا بجمع الريالات=وكلٍ تناسى الآخره وسط دنياه هيهات يرجع ماضي الوقت هيهات=وما قدّر المولى على العبد سوّاه وختامها منّي سلام وصلوات=على الرسول أعداد ما حيٍ أطراه هجير الشتاء يعطيك العاااافيه ما يحتاج كفيت ووفيت تقبل خالص تحياتي راعي العليا |
راااعي العلياا
صح لسااااااااانك،ولاهنت رائعة من شاعر اروع احساسك واضح بالقصيدة ولاتعني سوى الوفاء لابوعلي الله يعطيك العافية ملاحظة: ابنشد قلبي ... قبل يعلن فراره>>>>>>>>>>>>كن الوزن مش ولابد تحياااااااااااااااااااااااتي |
| الساعة الآن 05:51 AM. |