قصه كسرت خاطري فكتبتها لكم عشان اتشاركوني فيها
 

الزوجه : قوم يا ريال روح الطبيب شوفلك حل مع هالحفره إلي على ظهرك ، والله خايفه عليك كل يوم تزيد و تدخل اكثر .
الزوج : ما تفهمين اني رحت للطبيب و مو عارف اشفيني يقول ما مرت عليه حاله مثل حالتي .
الزوجه : انزين روح حق غيره يمكن يلقالك علاج .
الزوج : انشالله من باجر الصبح اروح و امري لله .
راح الزوج مو بس لطبيب لأ راح لطبيب و طبيب و طبيب وهم طبيب بس كلهم عندهم نفس الاجابه و هي انهم ما يعرفون شنو هاللي بظهر الريال ... و تمر الايام و الحفره كل مالها و تزيد .. وصلت ليما اعماء الريال فإضطرو الاطبه انهم يحطون فاصل يفصل بينها و بين الحفره عشان ما توصل بس ماكو فايده ... خلاص الريال على فراش الموت ... فكرت الزوجه و قالت يمكن القى الحل عند شيوخ القرآن يمكن عين او اي شي ثاني ... كانت الزوجه تبي اي شي ينقذ زوجها ... فراحت لشيخ من الشيوخ
بعد ما قالت الزوجه للشيخ كل القصه رد عليها
الشيخ : بس ابيج اتروحين و تسألين زوجج سؤال .. قوليله انته اذيت مره قطوه او طقيتها .
سألت الزوجه زوجها و قعد يفكر و يفكر و تذكر شي :
الزوج : اي اذكر سالفه صارت لي مع قطوه بس هالشي كان من زمن طويل يمكن من سنه او سنتين.
الزوجه : قولي شنو القصه يمكن اهي السبب .
الزوج : كنت بالمزرعه و كان في قطوه مضايقتني .. كل ما كشيتها ترجع و ما اتخاف مني ... فقلت احذفها بشي يمكن اتروح ... خذيت 100 فلس و حذفتها عليها حذفه خفيفه ... بس مادري ليش تعورت و طاحت .. و قامت تناوي ... اكسرت خاطري لان ما كان قصدي اني اعورها خذيتها للطبيب ... فشاف حفره بالمكان الي حذفت 100 الفلس عليه و حطها عنده و كانت الحفره كل يوم تزيد و تزيد ليما يا اليوم و ماتت فيه القطوه .
يوم خلص الزوج من قصته حس ان كل شي صار بالقطوه الحين قاعد يصير له بس على شكل بطييييييئ و عرف ان نهايته راح اتكون مثل نهايه القطوه ... و صج بعد ايام مات الزوج ...
هالقصه رفيجتي قالتلي عنها ... ادري ان بعضكم ما راح اصدقها بس انا مصدقتها ... لأن صج هالاشياء موجوده ... فحطو بالكم ..

قصه مؤثره كثير
 

بصراحه القصه مؤثره كثير وهي عبره للي يؤذون الحيوانات لان الحيوانات مخلوقات بس لان مالها عقل زي الانسان ظنينا انها ما تتألم او يصيبها نفس الم الانسان بالعكس حتى الرجل جاه مثل ماجا للقطوه لان هي مخلوق وهو مخلوق مثلها ولها روح وله روح ليش يؤذيها ..

؟؟؟؟؟؟؟؟؟؟
 

*e *e *e

المسكين

الله يكفينا الشر

مشكوره يامحاره على هالموضوع

وننتظر منك المزيد

با11111111111111ي

مشكورة أختي على المشاركة الجميلة،،،
،،، وننتظر منك المزيد.

بس يا ليت تقرين شروط كتابة القصة في الموضوع المثبت أعلى الصفحة.

الله يعطيكي العافية

السلام عليكم ورحمة الله وبركاته

بصراحة انا اخاف من الاشياء هذي*1

مشكورين جميعا على مشاركتكم الحلوه و انشالله تكون القصه اعجبتكم و اشكركم لانكم عطيتوني الثقه و صدقتو انها مو من نسج خيالي لكنها شي موجود بواقع الحياه .... الله يعطيكم العافيه ....

مشكورة اختي محارة

واذكر :

( ارحموا من في الارض يرحمكم من في السماء )

سبحان الله

فعلا كما تدين تدان


مشكورة اختي جزاك الله الف خير

تحياتي

انا فعلاً خفت وايد
على العموم مشكورة واتمنى نشوف منك أكثر*a