|
وش الصح؟
كان قول اني احبك هو خطا=وش هو الي صح العكس الصحيح؟ ماحملت الكره لو انه عطا=كيف اقوى احمله كانه جريح؟ وكان ناس تحمل الكره بسطا=فاعرف ان القلب ماهو مستريح وانا ماعرف الا الحب هو اخر شطا=هو منالي وغايتي واخر ضريح انا والحب مثل خيال امتطى=خيله يدافع بسيفه عن شي شحيح يقتل عدوه لومايطيعه في الخطا=ويبكي من القهر لاشاف دمه يسيح يعدي لمحبوبه بكنز ولاعنه بطا=قرب يحييه ولقي الوفا منه يفيح وانا اقول قلبي مااغطيه بغطا=الي بقلبي دوم على لساني صريح ان كنت زعلان اقول زعلان وافرطا=وان كنت راضي ساكت لك ماابيح وبعد الزعل ارضى بعد ماني اشرطا=حق لي اطلب دون ماني استبيح ولاخطيت لو كانك انت تسلطا=وان خطيت اطلب انك لي سميح ولا وضعت النفس في جحر الوطا=ماغدرت وما كذبت وما ادور للقبيح ماتناسا ماضيه لاني فيه اربطا=وماتناسا حاضري دام فيه الي مليح وما لقيت مضرب مثل من شان اغبطا=لاني نادر في الزمان الي طليح كل مابغاه منك حبك بحبي اخلطا=شوف ناتج حبنا وقت الصفيح استشعر الحب باحساس وبطا=خلي انفاسك توقف ثم عودي للنفيح قبل اهوي في محادير الخطا=ينكسر ظهري ولا ينفع اصيح |
|
ســـــــــــــاني........لاهنت على الابداع الجميل وسلم بوحك........ ابدعت وتفننت اخي الكريم ان كنت زعلان اقول زعلان وافرطـا وان كنت راضي ساكت لـك ماابيـح وبعد الزعل ارضى بعد ماني اشرطـا حق لي اطلـب دون مانـي استبيـح دمت بود..........فزوووووو |
ساني
ياهلا بك وياهلا بهالمعزوفه ابدعت يالقرم لحدود بعيده الله لايضرك ولالفظ فوك صح لسانك مليون ولاتوفي سجل اعجابي ومتابعتي ولاخلا ولاعدم اخوك نايف الشمري |
صج لسانك اخوي ولا هنت
|
خفوق الروح
مما يسعدني ويشرفني متابعتك المستمرة وتعطيرك لصفحتي المتواضعة وان كان ثم ابداع فأن الابداع باشراقتك على ما اكتب فلك تحياتي اخوك الساني |
صح لسانك وعلا شانك
عزف رائع وجميل دمت بود |
فزولها
اشكرك على مرورك المستمر وتشريفي بهذه الكلمات واطلاعك على جديد ما اكتب لاعدمناك يافزولهاا تقبل تحياتي اخوك الساني |
نايف المايق
اشكرك على هالمرور والكلمات المشرفه من شاعر مبدع اتابع جديد ما يكتب واتغنى بابداعه لاعدمناك ولا خلا ولا عدم تحياتي يا نايف اخوك الساني |
اخو هدلا
اشكرك على مرورك واطلالتك لاعدمناك اخوك الساني |
| الساعة الآن 11:08 AM. |