منتديات الـــود - قصيده للامير الشاعر محمد بن أحمد السديري يرثي بها الشيخ أورنس الشعلان

يسقيك يادارٍ شمالي عنازة = غرب الولج ياعلي شرقي الطربيل
سقاك نوٍ ممطرٍ من عيازة = على رغاب القاع فيضن من النيل
عزالله أنه راح فيها جنازة = صميدعٍ توصف عليه الرجاجيل
له في عازاةٍ ولي فيه عازة =بوقت اللزوم اليا حصل بالدهر ميل
مالوم قلبي لو يزود اهتزازه = جر الونين وشاف ظيم الغرابيل
عيني كما شنن تفتق خرازه = عليه دمعات المحاجر هماليل
حرٍ جزع وادّا بقلبه حزازه = وتجرت شعبان قلب مباهيل
تقصر يمين اللي بالايام هازه = يرجع ذليل فاقد العقل بهليل
اللي على ضده ثقيلٍ حرازه = اخو محمد صافي الذهن حليل
من شبّته ياما قطع من مفازه = وياما ظهر من غرقةِ كنّها الليل
رقا سنام المجد والطيب حازه =وبيته لعصمان الشوارب مداهيل
قلبه من البالود ماهو قزازه = والغيظ قد فجّر قلوبٍ مغاليل
ان داخل الشردان رعب ونزازة = الذل مايلقى عليه المداخيل
هزيم حطّو حفرته بالعزازه = براس الطويله وارفع القبر بالحيل
ومن الذهب حطّو لقبره ركازه = ومن صافي الياقوت حطّو قناديل
حتى يجيه اللي بعيدٍ منازه = يلقى بقربه شمّخ القود والحيل
اعتضت به ربعٍ لقلبي لهازه = ربعه هل العليا عصاةِ مشاكيل
علمي ليّا جاهم سريع نجازه = وأنا لهم دايم عل الحول والحيل
هم فزعة المظيوم وم جهازه = وبالفعل للشعلان تشهد هل الخيل
شعلان فيهم للحرايب ميازه = جدعِ مدرّع فوق قبِ مشاويل
ربعٍ حماهم ما يقرّّب حجازه = وعدوهم يسقوه ويلٍ بثر ويل
إن حل ضرب مخلّصٍ بالبرازه = ارووا حدود سيوف حدب مناحيل
أحدِ يحوش الطيب غصبِ خازه = وناس عن العليا ضعافِ مهازيل
ويبين لك فرق الذهب من بيازه = فرق بعيد أبعد من الجدي لسهيل
البيض ترضع لين يابس غرازه = وبالألف يظهر واحدٍ به تنافيل
نواف دنياكم غريبٍ عجازه = دنيا بها يغدر ضحا صفوت الخيل
تاخذ رفيعين المباني برازه = ياليتها تعتاض عنهم تباديل
لو قيل مصخر بانحيازه = الذل ماله وسط قلبي مداخيل
أنا أحمد الله ماحضرني خزازه = وردون ثوبي ضافياتِ مضاليل

http://www.enazh.net/4images/data/media/1/trrrr.gif

الشيخ أورنس الشعلان شيخ مشايخ الروله