جاتني في عينها الدمـع والنظـره كئيبـه=
جسم ناحل وضع مزري طاغيً فيه الكأبـه=
والخدود اللي سوات الورد صاريتٍ شحيبـه=
أذبلت تنبئه بعلـمٍ صـار يدعـي للغرابـه=
وقتها حسيت أنا أنه بلفعل فيهـا مصيبـه=
والسؤال أبطى على الهقوه ولاحصل أجابـه=
حاولت تجمع قواها شـي شـي وتبتديبـه=
وأهرجت لي الفجيعه أمر مايحسب حسابـه=
قالت البارح خطبني واحد أبويـا صحيبـه=
شايبٍ عمره بعمر أبوي ومدري ويش جابه=
طالبٍ يـدي بينـي لـه حليلـه وأعتنيبـه=
والطلب والله رفضته بس أبوي اللي أعتنابه=
والغريب أبوي وافق كـن مافيهـا معيبـه=
وأتخذ هو القرار اللي عن الواقـع غدابـه =
قلت والله مايتم الا علـى راسـي نصيبـه=
داءم أنا من ذخر عودً له شموخ وله مهابه=
ودامك أنتي عاشقتني عشق طاهر يالحبيبه=
ولو أبوك ألكل شايب فك بين الناس بابـه =
أنتي أنتي من نصيبي مستحيل أنك نصيبـه=
داءم راسي حي ما يأخذك لو يتعب ركأبـه=
وأبتدت رحلة عذابي معك يالدنياء الغريبـه=
والهوى له في كيان الرجل شي من الصبابه=
بس والله ثم والله لاصل الشفـي وأجيبـه=
وأظهر اللقمه ولوهي داخل أحلوق الذيابـه=
الزواج أول شروطه وفق مافيهـا غصيبـه=
والذي يجبـر بناتـه واعذابـه واعذابـه=
ماهو بسلم الرجال اللي لهـا قـدرٍ وهيبـه=
مايبع البنت رجلً مـن معصبـة العصابـه=
صح مايكتب على المخلوق لابـده يصيبـه=
لو يطيـر لـو يوقـع ماكتـب الله جابـه=