منتديات الـــود - قصيدة في الدنمارك

شفت الخبر منشور عبر المحطات
إسـاءة للمسلمـيـن وإهـانـه
إهانـه تفـوق كـل الإهـانـات
إهانه اشرف من مشى بالديانـه
رسالة المعبـود رب السمـوات
جاه الأذى منهـم وربـه أعانـه
شفنا صحف بالدنمارك ورسومات
كل مسلـمِِِ قـراه زادت جنانـه
ياليت نحاربهم بكـل الصناعـات
أهل البقـر مافيهـم إلا الخيانـه
سب النبي عليه كـل الصلـوات
يشيب راس الطفل وهو بالحضانه
قاطعوا بضايعهم بليـا حسافـات
وصيـةِِ للمسلمـيـن وأمـانـه
اقروا قبل تشرونها من المحـلات
كانه من الدنمارك خلـه مكانـه
حنا بضاعتنـا عليهـا ضمانـات
حليبنا طـازج ماطـوف زمانـه
دايم بضايعهم عليهـا إشاعـات
حتي البقر ياما اشتكوا من جنانه
وبضاعة النرويج كلـه خرفـات
حنا بضاعتنـا عليهـا ضمانـه
حنا عطانا الله احلـى الديانـات
وكتابنـا القـرآن نـزل بيـانـه
تسلم يابو متعب قطعت العلاقـات
شلتوا سفير مـن ديـار مهانـه
ياخادم البيتيـن راع البطـولات
يعل عـودِِ ورثـك فـي جنانـه
الكل نايم وانت شلت الصعيبـات
حاكـم وحكيـم بعـرف وتكانـه
وصلاة ربي عد الاحياء والاموات
على نبـيِِ نفتخـر فـي حنانـه

مــنــقول