منتديات الـــود - التمثــــال قصيده للشاعر حامد زيد

عفا اله عن خطا غدر الخناجر والضلوع ابطال****بسامح واتركك تحت الظلام الحالك الحالـــــك
دخيلك وفر دموعــــك ترى هذر الدمـــوع اذلال****ترى ما فيه احد يصبر مثل صبري بغربالــــــك
ترى عيب علي انقض كلامي والرجال افعال****واذا قلت اقطع حبالك ترانــــي بقطــع حبـالـــــــك
عشان اكسب هدب عينك تجرعت العذاب اشكال****وليتك ترأف بحال مثل ما ارأف بـحـالــــــــــك
مسوي في حياتي شيء مايذكــر ولاينقــــال****حشا حتى العدو وهو العدو ما يعـمــل اعمـالـــــك
تمسيني على الهم وتصبحني على الغربــال****تقلـطـنــــي فنـاجيـلــك وتقصـــر عنــــي دلالــــــــك
تحملت التعب لجلك وانا حملي يهد جبـــــال****رحلت من العذاب وما وقفت الا علــى جـــالــــــــك
علامك كل ما جيتك متواضع جيتني تختــــال**** معاك اليا متى بصبر وصبري معــك يحلالــــــــك
مثل ما أقبلت لعيونك لزوم تلد لـــي بقبــــال****ومثل ما قد حشمتك حس واحشم قلبي أشوالــــــك
انا ما أحد بجابرني اساير معك هالمنـــــوال****ترى لاني تبيع لك ولاني اصغــــــر عيـــالــــــــــك
اناجيت اعشقك نبض ومشاعرمااعشقك تمثال****انا جيت اسكنك وحياك وباقا فيك واقبالـــــــــك
انا جيتك ظما عاشق تعب يطرد سراب اللال****انا جيت استفز رضاك من فرقاك وألجـــالـــــــــك
انا ما همت بك عاقل انا كنت اعشقك بخبـال****انا ما كنت احبك حي انــا كنــت اعشقــك هالــــك
تخيل من كثر ما اخاف تلقى للزعل مدخـــال****اخاف اخطي على طيفك وادوس برجلي ظلالـــــك
تبعتك والعرب تتبع رعود البارق الهمــــــال****وانا شفت المطر يتبعك في حلـــك وترحــالــــــــك
كأن الي خلق حسنك خلقني مع جسدك ظلال****وصرت اقرب جسد يمشي معك بقفاك واقبالـــــك
ابي قلبك يحس انــه فقـــد بمحبتــــه رجــــال****ملكته من هدب عين وخسرت ارضاه باهمالـــــك
صحيح ان الفراق اقسى ولكن الوصال محال****وانا صعب علي ارضي غرورك واضغف اقبالك
بعد ما حققت عيني في بعدك للرقـــــاد امـــال**** اعـود للسهــر يا خـــوي فال اللـه ولا فــالـــــك
ببدل نظرتك فيني واجيك كــل يـــوم بـحــــــال**** بكـون اقــرب من ثيابـك عــلـيـــك ولا تهيـالــــك
بلمك وانثرك واجمعك وارجع انثرك بأهمـال****بخونك وازعلك وارضيك وازعل منك وارضالـك
ابرسم بالثرى وجهك وبادفن صورتك برمـال****ابشكي للعرب فرقـاك واضحــك عنـــد عـذالـــــك
ابهديك الوصال فراق وبهديك الفراق وصـال****بسوي مثل ما اشوفك تسوي وافعــــل افعالـــــك
عشان تدري منه الزعول ومن هووسيع البال****ابيــــك تذوق فنجالــــي وانــا بـذوق فنجـالــــك
نصيحه واحتفظ فيها قصر معك الزمان او طال****ابي تسمع كلامي زين وتحطه على بالــــــــــك
اذا حبك هبال اطفال لك عندي هبـــال اطفـــــال****ولا ابشر بعد باهبال حب ماهــــو هبالـــــــــــك
واذا قصدك تهين اسمي عشان تشمت العـذال****حشى لا انته ولا غيرك ولا عشره من اشكالــك

حبيت اهديكم القصيده هذي وهي اول شيء اكتبه في منتديات الود
وعسى ان تنول اعجاب الجميع اخوكم
يوسف القحطاني