قصيدة روعة وصلتنى على الاميل
وحبيت انقلها لكم تأملوها
وقولو رايكم


ابيها بنت مختلفه ابيها غـــير كل النــــاس
وابي كل البشر خلفه تلاحقها وتناظــــــرها


ابيها عقد من فضه وابيها عقد من الماس
وابي غالي الذهب يبرق يحلي كل اساورهــا



ابيها وسم في صدري وابيها رسم عالكراس
وابي تكتب حروف اسمي بصفحه من دفاتـرها


ابيها وقت فعل الشر تكون لعقلي الوسواس
وابيها وقت فعل الخير هي اللي بس اشاورها


ابيها تضمني بالحيل وعلى صدري تحط الراس
وابيها وسط ذاك الليل نجومي اللي اسامرهـا


ابيها صوت يطربني يذكرني بصدى الاجراس
وابيها كل لحظاتي .. من اولها لاخرهــــا


ابيها اطهر العالم بعمره ما وطا الادنـــاس
وابي تقهر جميع الناس ولابه شي يقهرهـــا


ابيها دوم مبسوطه ابيها ماتشوف البــــاس
ابيها تكون لي ورده تعطرني واعطرهــــــا


ابي تسكن وسط روحي ابيها اقرب من الانفاس
وابي من غير ماتامر انفذ كل اوامرهــــا

ابيها قصر في قلبي ابي ضلوعي تكون الساس
وابي تفرش قصر حبي بلحظه من مشـــاعرها



ابيها تكون خاطرتي ابيها تكون لي احســـاس
وابي انا الوحيد اللي تحبه في خواطـــرها



ابيها تموت في نزفي .. تحبه حب بدون قيـاس
وابي لامن قرت شعري تضيع بحب شاعـرها