يالله
 

طلبتك يالله الواحـد .. تِصَبِّـر قلبـي المجـروح
طلبتك ترحم دموعي .. وتبعـد حزنـي وآهاتـي


أنا ادري انه .. على بابك .. أكيد ان الرجا مسموح
وقفت بخشيتي وذلي .. لاجل تمحـي لـي زلاتـي


أنـا بـي هـمْ ذابحني.. وقلبـي بالالـم مفضـوح
رجيتك تنتزع همي .. تزيحـه مـن وسـط ذاتـي


أنا من جور مافيني .. مليت ارضي دموعُ ونـوح
لوِ انِّ الصخْر يسمعني.. بكـى مـن كثـر وناتـي


أحس ان العنا أصبح .. على بابـي يجـي ويـروح
مشاوير الحزن والهـمْ .. بهـا طالـت مسافاتـي


تعبت أمشي وسط دنيا بها الخافـق غـدا مذبـوح
تعبت اظهِر فرح زايـف.. وانـا تخنقنـي عبراتـي


ياربي هو كذا عمري .. قضيته في لعـب ومـزوح
قضيتـه دون مـا أدري .. غريقـة فـي ملذاتـي


ياربي قبل ما أرحل .. وتنزع مـن حشـاي الـروح
أبي تغفـر لـي ذنوبـي .. تِجـاوَز عـن خطيِّاتـي


وابي لامن غدا جسمي وسط ذاك الثرى مطـروح
تونس وحدتي وضيقـي .. تيسـر لـي حساباتـي


على قبري أبي الرحمة .. ترفرف .. تِعتِلي .. وتْلـوح
وابي لامِن قِضى عمري .. يِطيـب بْصافـي نياتـي


وابي من بين طيات الكفن ريـح الفضيلـة يفـوح
أبي دمـع النـدم فينـي .. يطّفِّـي حـرِّ جمراتـي


وداخل جنتك يارب .. تعَلِّي لـي قمـم وصـروح
وتجعـل زيـن أفعالي .. تنيـر سطـور صفحاتـي


أنا جيتك .. وانا لغيرك .. بذنبـي مانويـت آبـوح
أبـي أنـوار غفرانـك .. دليلـي فـي متاهاتـي

اعلم يا أخي بأنها أكثر من رائعة

وما أروع الروعه إذا لبست ثوب الدين

ليخرج النور من بين الحروف

صح لسانك وسلم بوحك

وحياك الله عضو بيننا يالغالي

المخلص&ذايع&

الاخ الغاااالي


ولد الراجحي .....


صح الساااانك ولاهنت طال عمرك ......


تحياتي وتقديري

اخووووك

عبيد السبيعي

سلمت اناملك على ما نقلت


لك ودي وتقديري



وتنقل الى القسم المخصص