ابيك تذوق ما ذقته قبل ما تطيح من عيني
 

حدد موقفك تكفى وعلمني وش الطاري .؟
... وعلمني وش اللي جاك مني لأجل ترضيني


انا من جيت لك علمت قلبك اني الشاري
... وكنت اشوف حبي لك يكفيني ويغنيني


قبل لا اقول وشلونك.؟ تسئلني عن اخباري؟
... واقول بخير وفي نفسي اقول ( الله يهديني )


تعمدت ابتعد عنك واعيش بدنيتي ساري
... واقول ارجع واتأخر واقول ماعاد يمديني


وألقاك بطريقي ذاك تسبقني على داري
... وبك لهفه وبك وحشه وبك اشياء تشقيني


وبي رجفه وبي رعشه وتطفى بشوفتك ناري
... احبك .. واللي خلاني احبك واسكنك فيني


لا اسلب كل احساسك.. معي حقي .. ابي ثاري؟
... ابيك تذوق ماذقته قبل لاتطيح من عيني


ابي تفهمني ليه اكتب؟.. وليه اسطر اشعاري؟
... انا شاعر ولا استشعر وشعري بس يكفيني


وشعري لو تستر بي ولاشافه ولاقاري ..؟
يكفي انت تقرا لي وتسمعني ... وتحييني


تحس بصدق ابياتي تفك رموز اسراري.؟
... لان اشعاري تهدالك واذا حبيت تهديني


إزعل مني وأزعلني قبل لا اجيك بأعذاري
... عشان اكتب قصيده فيك من قلبي وفي يديني


قلم يشتاق لك دايم مثل ما اشتقت لإظهاري
... لعالم شهرة الشعار واقول: اشعاري اخذيني


وخليني للي راح وانا ما اظني بداري
... وش اللي ضايقك مني وانا ما اخطيت ... تخطيني


واذاك مصمم فراقي واذاني جيت بالطاري
... تناسى كل حبي لك ... وكذا من جد ترضيني ؟؟




وسلامة الجميع

المستشار
 

المستشار

سلمت وصح لسانك

والله مبدع مستشار من احساس هائل مستشار

تقرا عدة مرات لجمالها الصادق

تحياتي وتقديري

نقرة حضوضى

الاخ / المستشار
 

وشعري لو تستر بي ولاشافه ولاقاري ..؟
يكفي انت تقرا لي وتسمعني ... وتحييني


تحس بصدق ابياتي تفك رموز اسراري.؟
... لان اشعاري تهدالك واذا حبيت تهديني

_______________________

صح لسانك

كلمات ومعاني رائعة

تحياتي لك..

هلا اخووي نقرة حضوضى
صح بدنك
ومشكور على الرد الجميل
كفيت ووفيت
تحياتي لــك يالغالي

هلا اخوي دموع القلم
صح بدنك
ومشكور على الرد يالغالي
تحياتي ..

هلا اختي آخرة العنقود
صح بدنك
ومشكوره وما قصرتي على التشكر الجميل
كفيتي ووكفيتي
تحياتي لــك ..

السلام عليكم
تحييتي ,,
صح لسانك على هذه القصيدة الجميلة
وتسلم يمينك يوم خطت الحروف الزهيده
وعزة شمالك عن أفعال مشينه
والله يسلمك يا غالي على هذه الكلمات الرائعة

هلا اخووي يسود الصمت
صح بدنك
ومشكوور وما قصرت على الرد الجميل والرائع
بصراحه كفييت ووفيت
لاهنت
تحياتي لــك ..

! المستشار !

العذر منك على التأخير 0

وصح لسااااااانك 0 وكاعادتك دائماً لا تكتب إلا كل ما هو جميل ومميز 0

أبيات جميله كجمال ونقاء روح كاتبها 0

كل التوفيق اتمناه لك 0

بنــــــــدر