منتديات الـــود - خاوتني الضيقه ..

على مواويل الهوى والذكريات
سهرت ليل البارح .. ولبيتها

بين القصيد العذب والاربع جهات
دورتها / وبغيتها واخطيتها

لو اقدر انساها / ولو مافات مات
ماحارت .. الخطوه بـ شارع بيتها

اغلى طروش البدو واغلى الامنيات
واثمن من الفزعه على توقيتها

مثل القصيد الجزل / بـ صدور الروات
حفظتها / وبين الضلوع اخفيتها

يفدى مواصلها السنين الماضيات
وعمرٍ / تقافى بعد .. ماحبيتها

كم / لي وانا بين السهر والالتفات
من واهج الفرقى .. ومن تشتيتها

ولا عرض الطاري وقال الحزن هات
ماعندي / الا فكرةٍ غنيتها

خاوتني / الضيقه ولوعات الشتات
وانا / من الحظ الردي خاويتها

سلامتكم