منتديات الـــود - ألا واهني اللي من الحب مايهتم ’’ حمد عبدالرحمن المغيولي ’’

بسم الله الرحمن الرحيم

هذهـ القصيدة للشاعر الكبير الذي أبدع في لون الغزل : حمد بن عبدالرحمن المغيولي - رحمه الله -

وهو من ’’ محافظة عنيزة ’’

قصيدة قديمة للشاعر , ومعانيها قوية جداًّ وقافيتها , أرجوا أن تعتبرونها هدية مني لكم بما أني عضو جديد .. وللمعلومية القصيدة شعبية إلى أبعد درجة .. وآسف على الإطالة ..

الا واهني اللي من الحب مايهتم=يطيب الزمان ويختلف شين ماهمه
معافى زمانه لايهوجس ولايندم=يقضي ليال شباط والقيظ عند امه
وانا اللي عيوني تزعج الدمع دمعه دم=واخفي جروح الروح والروح منسمه
سبب جاهل لاهوب يصخف ولايرحم=لو اني من اقصى الناس والا ولد عمه
حربني وانا ماني بطاغي ولامجرم=انا بالبخت ياهافي الوسط والذمه
الى صار دينك جايز ذبحة المسلم=فالى حل ذبحي خل ذبحي على يمه
الا يامربي قذلة تقل ذيل ادهم=من العنبر الغالي على بعد له شمه
ابي شربة تبرد غليلي من المبسم=اذا كان تسمح لي على مطلبي تمه
صويب الموده لو نجح دور ما يسلم=يسومل على همه وهو ناشف دمه
ياليت الثريا ماعترض دونها المرزم=لما الكبد يطفي حرها بارد الجمه
حرام الهوى غيرك من الناس مايلزم=الى صرت غيري ماتلد النظر يمه

أرجوا أن تكونوا إستمتعتم بقراءة القصيدة ..

تحياتي لكم ..

نـار الـشـوق