انهض بجنحان الرضا
 

مني نصيحه ودي تاصل كل مهمومن اضناه الكدر
اضحك للدنيا مهما همها داخل فؤادك خيم وسكن

السعاده ماهي بمحدوده لراعي الثرى من البشر
كم من فقير عايش بسعد ماشكى لآدمي ضيم الزمن

لاتنثني خلك صبور وصد المصايب بالحمد والشكر
انهض بجنحان الرضا مهما انغرس في قلبك رمح وركن

وسع خاطرك وابتسم واطرد كل مايشوش بالفكر
الله هو العالم بمستقبلك عيش الحاضر والماضي اندفن

اسلك دروب التفاؤل واحذر دروب الياس لانها خطر
تكفي اللبيب اشاره بدنياه تسعده و تريح له البدن

خلك بشوش الوجه لاتعبس خلك منشرح لا للضجر
ماينفع المخلوق بالدنيا غير ذكره الطيب الحسن

ياالله يالمطلوب يامنشي السحايب يامنزل المطر
تسعد المسلمين وتغسل من قلوبهم جزلات الضغن

وصلى الله وسلم على النبي عد الشجر وعد الحجر
وعد طواف بيت الله وعد من وطى في هذا الوطن

كلمات : معاند الدمعه