|
والله ماهي عيب !!
السلام عيلكم مقدمة: كيفكم جميع هذي اول رجعه لي بعد انقطاع دام حوالي السنة وهو لسبب ضروف خاصه ومتعدده ولكن هالمنتدى هو بيتي الاول وهذا انا رجعت له اتمنى لكم التوفيق والسعاده بالدنيا وبالاخره لكل منا ظروفه المتختلفه ,, الي متزوج والعزوبي والي سكان مع اهله. لنفترض ان البيت مافيه شغاله تطبخ والام هي الي تسوي الاكل او الاخت الكبيرة.. او انك عزوبي مغترب بمدينة بعيد عن اهلك (مثلي ) وجعت وتبي تاكل , وبطنك طلعت ريحتها من اكل المطاعم . وش تسوي.. هل تفكر انك تدخل المطبخ وتدهر فيه.؟؟ او تجلس خايف ومستحي او متكاسل؟ طبعا عني انا امس حققت احد احلام حياتي ورحت امس كشخت بالثوب وضبطت الشماغ ووزنت العقال على سنقة عشرة... وشغلت السيارة وعشقت االاول <<<<<<<<<< اخلص المهم وروح اقرب محل ادوات منزلية واشتريت "قدر " وخلاص من اليوم قررت اطبخ مسكت معاي بدل هالمطاعم الي قلبت علينا كبودنا.. صار الهندي او التركي يعرفني اول ما اقول الو.. خلاص عارفين وش تبي الحين يوصلك للبيت.. ليش بعضنا يالشباب يستحي ويتردد او يتكاسل.. والله ماهو عيب ولا شي بالعكس حتى للمتزوجين .. حركة وبادرة حلوة منك انك تطبخ العشاء لزوجتك او تساعدها او حتى تسألها عن وصفه. <<<<<<<<<< على فكر تراه ماهو دب ههههههههه عموما لا اطول عليكم اتحفونا بارائكم او على الاقل سلامكم تحياتي للجميع |
انا صراحه مااشوف فيها شي ابدا اخوي يوم راح يدرس برا الرياض طبخ والوضع عااادي
حتى جاه رمضان سوينا له شغلات وحطه عنده بالفريزر ولا بعد يسوي خوووووووووووش قهوه وكبسه طبعا ماذقت كبسته بس قهوته لانه عندنا مايطبخ حتى واحد من اخواني يوم سافرو شغالتنا بوقت واحد تعبنا وصار عندنا برمضان فطووووور كبيييييييير والله ان اخوي واقف معنا ويقلي ويطلع القلي ويقول يافلانه تعالي شوفي خلاص اطلعه ياحليله ماقصر وانا اقول عيشو يومكم ولا تكابرونوالمطاعم مامنها الاالمرض وجرثومه المعده انتبهوووو ويعطيك العافيه على موضوعك دمت بود |
هلا وغلا برجعتك نور المنتدى
ويسلمووو الشاكي ع الطرح انا واحد من اخواني يحب يطبخ ولا.... طبخه يجنن احلى من طبخي بس دايم الشغاله تشتكي من حوسته بالمطبخ خخخخخخخخخخ وهو صدق ليش الشباب يشوفون الطبخ عيب؟؟؟ وانه من عمل المرآه؟؟؟ معلومه لكم يالشباب ترى البنات يحبون اللي يعرف يطبخ ويشوفونه بقمة الرومنسيه اذا طبخ لزوجته يعني بالعربي لا تفكرون بالزواج الا بعد ماتتعلم كم طبخه .... تحياتي لك الشاكي |
ياهلا ومسهلا بك خيو الشاكى والحمدلله ع السلامه ...
يعنى يعنى اسميك الشيف ...>>خخخخخخخ والله مافيها شي ولا هي عيب انت تطبخ وع ضمانتك الاكل يعنى من يداتك تاكل ...وهذا شي حلو ونشاط لك وجرب >>ههههههههههه يمال اكلنا الزيت وحرارة الفرن >>>خخخخخخخخخ بالعكس مدام ع حيويتك ونشاطك اشتر مطبخ كامل رح تمبسط والله وتتمتع بالطبخ ورح تتفنن>>واي مساعده من فزووووووووو ابشر وانا فخوره فيك لان اكل المطباخ موراها الى الامراض >>> ع العموم بتوفيق ويسعدك ربي في حياتك ونشوفك في التلفزيون اكبر شيف >>خخخخ مودتي |
صح لسانك
وصح مو عيب ومرررره يسلمو ع الطرح الاكثر من روووعه شغف الحب |
طرح له عمق الآثر في الاعتماد على النفس متمني لك الأ يقف حدود طموحك وأمنياتك في حدود مطبخك فشباب العالم قد وصلو سطح القمر |
دخلت مرغما عندما وجدت معرفك .....!
أهلا وسهلا يا شاكي .. منذ ُ زمن يا رجل .. أعتذر فلم أقرأ طرحك ..لي عوده إن شاء الله .. وإلا ذالكم الحين ( الله يعينك ) ! سارب أو هجيــر الشتاء .. إن لم تزل تذكر .! |
ييعطيكم الف عافية حبايبي على المرور
تبقى وجهة نظركم محترمة لا تحرمونا تواصلكم تحياتي |
اخوي الشاكي هلابك
نورت برجعتك انا بصراحه من الناس اللي يحبون الطبخ وبالشقه انا اللي ماسك المطبخ صح ان اول اسبوع انواع القدور راحت من الحرق بس تعلمت . وصدق المطاعم والله مرض بس شنسوي هذا حال الدنيا فيه ناس كثير ماتعرف تطبخ . مشكور أخوي |
أكيد أن الشي هذا ماهو عيب
مثل مافيه بعض النساء تعمل وتساعد زوجها على مصروف البيت وهي متزوجه المساعده حلوه حتى أن النبي الكريم صلى الله عليه وسلم كان يساعد زوجاته في عمل البيت وهو أفضل وأشرف الخلق تحياتي أخي الشاكي وأشكرك على الوضوع |
| الساعة الآن 11:57 PM. |