|
ليله بكى فيها القمر
السلام عليكم ورحمة الله وبركاته
يسر توته ان تقدم على هذه الخطوة من انه تنزل اول رواية في حياتها هذي اول رواية اكتبها رواية خيالية رومانسية راح اترككم مع الراوية واتمنى تحوز على رضاكم بسم الله ليلة بكى فيها القمر طق طق : رد ماجد أدخل غلا فتحت الباب : جدي أمي تقول خل البندري تنزل بسرعة المعازيم وصلوا. البندري واقفة قدام المرايا وهي بكامل زينتها بس باقي الحلق رفعت حلق الألماس بيدها الناعمة ولبست حلق الأذن اليمنى وجاء ماجد من وراها وحط أيده على خصرها وقرب شفته من رقبتها بعدت البندري يد ماجد وقالت بكل دلع : ماجد أبعد مو وقته اللحين ولبست حلق الأذن اليسرى. ماجد مسك يد البندري ونزلوا الدرج ( السلم ) دخلت البندري صالة الحريم وماجد مجلس الرجال. في صالة الحريم قبل لا تدخل البندري : أم عمر تسأل خويتها أم أحمد : أقول يا أم أحمد ماشاء الله صالتهم هذي لحالها كأنه صالة أفراح بحالها. أم أحمد : يعني أنتي ماشفتي البيت من برى ماشاء الله هذا قصر مو بيت. أم عمر : طيب وش مناسبة العزيمة ؟ أم أحمد : يوووووه منك يا أم عمر وش فيك صايرة تنسين كثير , نسيتي أن أمس زواج أبو فهد ( ماجد ) والعرس كان عائلي ومسوين العزيمة عشان الناس تشوف العروس. دخلت العروس : أم غلا كلللللللللللللللللللللللللللوش كل الي بالصالة طارت عيونهم هذي العروس؟؟؟؟؟؟؟ دخلت العروس ذيك البنت الطويلة , جسمها نحيف , بيضاء و نااااااعمة , رسمة عيونها تجنن . الخشم سلة سيف , الفم الصغير والشفايف المنفوخة ( رباني طبعا) كلها ناعمة من فوقها إلى تحتها ولابسة فستان خصر واطي من فوق تول ومشكوك بألوان ومنطقة الصدر عليها بطانة ومن تحت نااافش. مشاعل صديقة هيفا تسأل : أقول هيفا متأكدة هذي زوجة جدك؟ هيفا النعومة ترد : أيه متأكدة رهف تسأل غيداء نفس السؤال ردت غيداء : أيه هي ماتشوفين أنتي رهف : ذي صغير هذي بعمرنا غيداء : أيه صغيرة مشاعل : بالله كم عمرها هيفا : أمممممم صغيرة عمرها 22 سنة توها متخرجة من الجامعة مشاعل : ماشاء الله جامعية بعد والله حرام هيفا : وش الحرام هي راضية ماحد غصبها مشاعل : تصدقين توقعت بتدخل علينا وحده عمرها في الأربعين وان كثرت نهاية الثلاثين هذي توها صغيرة كيف ترضى تتزوج واحد عمره في السبعين؟ هيفا : لا تقولين على جدي شايب بلاك ماشفتيه لو تشوفينه تقولين عمره 45 او 50 بالكثير شوفي هذي صورته بالجوال أمس صورته في عرسه. مشاعل : ماشاء الله أيه والله مو مبين عليه أنه كبير. الكل كان مبهور بالبندري من جمال وطول وجسم ورزة وكشخة وألماس وأكثر شي كانوا مبهورين منه صغر سنها وكيف رضت تتزوج واحد بعمر جدها؟ انتهت العزيمة وراحوا المعازيم بقت البندري بالصالة تنتظر ماجد وصل ماجد عند الباب وقال يالله يا عمري نروح الغرفة , لما وصلت البندري عند الباب قالت بكل دلع ماجد ماجد : ياعيون ماجد البندري : تسلم عيونك ماجد شيلني ماجد : !!!!!!!!!!!! أشيلك وأنا فيني حيل البندري : يوووووووووه مافيك حيل كل اللي صار أمس ومافيك حيل ماجد : أيه اللي أمس شي ثاني البندري : مالي شغل ماراح أطلع الدرج شيلني ماجد : بس أنتي تعرفين غرفتنا بالدور الثالث مسافة طويلة البندري : أنت اللي مسوي فيها وحاطني لحالي بالدور الثالث ماجد قرب منها وقال لأني أغار عليك ياقلبي ومابي أحد يشوفك على الطالعه والنازله لكن لعيونك أشيلك وأطلع الدرج ( السلم ) ( طبعا البيت فيه مصعد لكن ماجد بصحته وعافيته يحب يطلع وينزل من الدرج ) ماجد شال البندري وطلع فيها الدرج وبنص المسافة قال تعبت حبيبتي خلي الكم حيل الباقي فيني لما ندخل غرفتنا , ابتسمت البندري بكل حيا وقالت اوكي حبي أهم شي صحتك. اليوم اللي بعده : الأهل مجتمعين عيال ماجد وأحفاده وبنته أم غلا ( العيال ساكنين مع أبوهم في البيت وأم غلا مطلقة وعايشه مع بنتها عند أبوها ) جالسين يطالعون ( يناظرون ) التلفزيون ويسولفون وكانت البندري جالسة جنب ماجد وتطالع في الكل وجات عينها بعين رامي , ألا رامي يغمز لها البندري فركت عينها تبي تتأكد وتطالع إلا رامي يغمز لها مره ثانية لفت وجهها وصارت تطالع بالأرض. تعشوا وسهروا شوي ماجد : يلا بيبي نطلع الغرفة البندري: طيب أغسل يدي وألحقك طلعت الدرج وصلت الدور الثاني في الصالة إلا طلع بوجهها رامي ويناظر فيها من فوق إلى تحت وقال أموت أنا بالهطول خافت البندري وراحت تركض ودخلت الغرفة وهي تشاهق ماجد : وش فيك حبيبتي كأنك كنتي تركضين البندري : هاه أيه وأنا طالعه على الدرج سمعت صوت وخفت وجيت أركض ماجد : بسم الله عليك تعالي أشوف تحسس ماجد قلبها وقال بسم الله عليك وعلى قلبي ياحياتي قلبك يضرب بقوة بعدت البندري يد ماجد وقالت تتحسس ضربات قلبي ولا شي ثاني ضحك ماجد وقال طفي النور وتعالي. اليوم اللي بعده : رامي يموت في شي اسمه بنات وشاف البندري جديدة على ساحة بيتهم وحب يتحرش ونفس الشي وصلت الدور الثاني وطلع لها المرة هذي صارت قوية جلست على الكنب بكل دلع وحط رجل على رجل وقالت تعال الولد حق تعال قال : أجيك يسلم راسك وش لون ماجيك , جلس جنبها على الكنب بس بينهم تكية ( مركا ) البندري : أقول أنت وش فيك أول مرة تشوف بنت حلوة وتلعب بشعرها رامي : فتح فمه هاه , أولا أنتي ماعاد أسمك بنت لا تنسين هاه وثانيا أنا شفت بنات الرياض كلها لكن بجمالك مابعد شفت البندري : بكل برود هي تأدب أنا زوجة جدك يعني بمقام جدتك تقدر تغازل جدتك؟ رامي : أخسي ههههه أقصد أنتي مو مثل جدتي أنتي حليمة بولند أنتي زين العسكري البندري : وع بسم الله علي منهم أنا أحلى على الأقل أنا جمالي رباني مو مثلهم مكياج وشفط ونفخ رامي : أيه صح وأنتي الصادقة بس انتي شي البندري: يعني لازم ألبس جلابية وحجاب على راسي وطلع قذله فيها شيب عشان أصير مثل جدتك وتبطل تتحرش فيني. رامي : والله لو تلبسين خيشه أروح ملح أنا ألا غيداء واقفة عند باب غرفتها وحاطه أيدها على خصرها وتهز برجلها ماشاء الله أخ رامي وش قاعد ( جالس ) تسوي؟ رامي : بكل برود : أتجاذب أطراف الحديث مع زوجة جدي غيداء: نعم , أنت ماشفت نفسك شلون جالس فاتح فمك وتناظر فيها كأنك ماعمرك شفت بنات ماكان في أحلى بنت بالدنيا قدام عيونك ليل نهار رامي يبي يقهر غيداء : وحده حلوة قدام عيوني أيه تقصدين البندري مثلا عصبت غيداء رامي وبعدين معاك قوم معاي قربت منه ومسكت يده البندري: غيداء الله يعينك عليه غيداء: معصبة أنتي مالك شغل البندري : شفيك ماقلت شي أنا رامي : لالالا مااتحمل خلاص لا تتهاوشون علي أرجوكم البندري :لا ياروح أمك أنا عندي اللي مكفيني يلا قوم مع غيداء. اليوم اللي بعده : في الليل ماجد جالس بالغرفة وطربان ماجد : بيبي حبيبتي افتحي الدولاب ( الكبت ) البندري : أي واحد؟ ماجد : أول واحد فتحت الدولاب واو يا حياتي جبت لي البدلة فديتك أموه بوسة بالهوى ماجد : بالهوى عاد ضاعت بالهوى يلا ألبسي بدله الرقص وتعالي بوسيني لبست البندري بدلة الرقص لونها أحمر وفيها قروش ذهبية وشغلت المسجل ( ألواد قلبو بيوجعوا وعايز حد يدلعوا .......... ) وقامت ترقص وكل ما مالت على جهه مال ماجد معها وكل ماهزت يهز قلبه معاها وتجي وتقرب منه وتدلع عليه وكان ماجد مبسوط كثير وشوي وهو يصفق لزوجته ماوعت البندري ألا و يطيح ماجد على جهته اليمين وقفت رقص ماجد ماجد <<< خافت ماعرفت وش تسوي وكيف تطلع بلبسها هذا ؟ لبست روبها وراحت تركض لما وصلت الدور الثاني بالصالة لقت الأحفاد سهرانين قالت : ألحقوا على جدكم طاح مادري وش فيه؟ طلع معها رائد لأنه يدرس طب ويعرف بالأمور هذي . ورائد بفحص جده ألا البندري أنتبهت لملامح رائد لأول مره يالله وش الجمال هذا: طول , جسم , شعره البني الناعم والخصلات النازلة على عيونه , عيونه بنيه واسعه , رموشه مشربكه من كثرها وطولها , فمه المرسوم , تحديدة السكسوكه , حبة الخال اللي تحت الشفة , شفته كأنها فروالة كله كله على بعضه حلو يجنن ( بصراحة أنا تعبت وأنا أوصف طلع معاي واحد يجنن خخخخ ) سبحان الخالق المهم شوي وقام ( صحى ) ماجد كانت البندري واقفة عند حافة السرير وقربت ألا رائد يسمع صوت قرقشة ( صوت القروش اللي في البدله ) ابتسم رائد جاته الضحكة من صوت القروش قربت عند رائد وحك زندها بزند رائد من غير ماتحس لكن رائد حس برعشة غريبة وبعد عنها بسرعة قالت : الحمد لله على سلامتك ياقلبي خوفتني عليك رائد : أحم أسمعي يالبندري البندري : ناظرت بعيونه هلا رائد : شوفي جدي معاه القلب والفرح الشديد والحزن الشديد يخليه يتعب ويمكن تجيه نوبة قلبية لكن انتبهي عليه , المرة هذي الحمد لله عدت البندري : لكن أنا مازعلته رائد : يتلفت يطالع أجواء الغرفة بس شكلك فرحتيه يلا عن أذنكم ماجد : مشكو ياوليدي البندري بدلت ملابسها وجات عند ماجد على السرير ماجد : البنردي جد خفتي علي البندري : طبعا ياقلبي إذا ماخاف عليك أخاف على مين طلع رائد من غرفة جده وحس بشيء غريب دخل قلبه لكنه مااهتم ورجع للشلة رامي : رائد هاه وش شفت رائد : عفوا رامي : أقصد وش فيه جدي رائد: لا مافيه شي تعب شوي لكن الحمد لله رامي : رائد أكيد جدي كان لابس شورت وعليه بوسات حمره صح الشلة تضحك هههههههههههههه رائد : رامي عيب عليك تقول كذا على جدك رامي : أبوك يالمثالية رائد : اقول تصبحون على خير اليوم اللي بعده: الصبح عند الفطور كل عيال ماجد يسألون عنه وعن صحته لكنه طمنهم عن صحته وقال مافيني ألا العافية . في الليل طلبت البندري من ماجد يسمح لها تسهر مع أحفاده وهي طلبت هذا الطلب و عارفة ماراح يرفض لأنه ينام بدري عشان دوامه في شركته وهي ماعندها شي تسهر وتنام النهار كله الين يجي , وافق وراحت للأحفاد ( ماجد عنده خمس أولاد وبنت اللي هي أم غلا, الأحفاد , هيفاء , غيداء , ديما , رامي أخو رائد , ياسر أخو غيداء , فارس) وصلت عندهم وقالت ممكن أجلس أسولف معاكم ؟ استغربوا كلهم وقاموا يناظرون في بعض رامي : حب يكسر حاجز الصمت قال الله حيه حياك تعالي أن ماشالتك الارض تشيلك عيونا غيداء طرخ على ظهر رامي , رامي التفت هاه وش فيك , غيداء وجع أنت وبعدين معاك ماتتأدب هذا وأنا موجوده تسوي كذا أجل من وراي وش تسوي البندري ابتسمت بكل دلع : أصلا مايقدر يسوي شي لا تخافين رامي : لا أقدر غيداء ودك تشوفين غيداء : يوووه رامي وبعدين رامي: خلاص خلاص رائد : تصبحون على خير ياسر : وين رائد بدري رائد : وراي جامعة ياخي ياسر : كلنا ورانا دوامات لكن خلك شوي البندري جرئية شوي : تناظر فيه خلك رائد بسوي كيكة بمناسبة وجودي معاكم اليوم وان شاء الله كل يوم رامي : كل يوم !!!!! وجدي البندري : جدك سمح لي أسهر معاكم تدري لأنه ينام بدري هيفا : خلاص أنا بنزل بسوي لكم عصير فرش وتناظر فارس عشان اللي يحبون الفرش فارس : فديت الي بسوي عصير وفديت أصابعه ليتني البرتقالة اللي بتمسكينها بيدك هيفا : بسم الله عليك أنت ( ح كانت تبي تقول أنت حبيبي ) بس أسكتت واستحت لما شافت الكل ساكت ويتابع حوارهم. نزلوا المطبخ وكان عند البندري فضول تعرف عن قصص الحب اللي بين عيال العم وهي تحضر المقادير قالت أحم هيفا ممكن أسألك سؤال وإذا حسيتي أن في سؤالي إحراج لك لا تجاوبين عادي هيفا : لا وش دعوى تفضلي البندري : أممممممم أنتي تحبين فارس؟؟؟؟؟؟؟ هيفا : نزلت راسها مستحية واضح علي أني أحبه؟ البندري : أيه هيفا : طيب ياستي أنا أحب فارس وكل واحد فينا حنا يالبنات تحب واحد من عيال عمها تدرين أحنا من يوم و أحنا صغار عايشين في بيت واحد فتحنا عيوننا على الدنيا لقيناهم قدامنا وصارت قصص الحب بيينا تلقائيا وعلى فكرة الأهل يدرون عن القصص هذي بس هاه أنا مخطوبة لفارس وقريب الملكة أن شاء الله. البندري : ماشاء الله الله يوفقكم والتفت على غيداء قالت بس انا اعرف غيداء من تحب رامي غيداء تستهبل : يؤيؤيؤ وش دراك ( عرفك ) البندري : كل هذا وتقولين وش دراك باين أنك تغارين عليه كثير هيفا : ايه يحق لها تغار رامي يموت في شي اسمه بنات غيداء / هيوف عن الغلط رامي يموت في شي اسمه غيداء البندري : وأنتي ياديما مين تحبين ديما : أنا أحب أحلى واحد بالشباب أنتي وذوقك البندري جاء في بالها على طوول رائد هيفا وغيداء بوقت واحد لاااااااااااااااا من زينك أنتي وياسر ديما : شو شو حكيتوا غيداء : ديما تكلمي عدل شنو شو حكيتوا ما حكيتوا ديما : أنا أتكلم عدل كيف تبيني أتكلم غيداء : بس عشان أمك لبنانية تبين تسوين فيها ديما : لا موعشان أمي لبنانية أسوي فيها البندري يا جماعة خلاص حصل خير أنتوا دايم كذا تتهاوشون , يلا أهم شي كل وحده راضية ومقتنعة باللي تحبه صح ردوا : صح البندري : بس باقي رائد لا تقولون لي يحب غلا هيفا : لا رائد حالة خاصة وغلا هي اللي تحبه تشوفه مثل اخوها الكبير وهي دلوعة رائد هذا النك نيم حقها من يوم وهي صغيرة وهو يدلعها ويوديها ويجيبها ويشتري لها كل اللي تبيه تصدقين لما تطلب من أمها شي وترفض على طول تروح عند رائد ويسوي لها اللي تبيه مع هذا بس رائد معقد شوي من البنات ( طبعا الولد مو معقد عقدة نفسية لكن لأنه مايحب البنات ولا يكلمهم يشوفون أنه معقد) البندري : معقد !!!!!! غيداء : أيه مايحب شي اسمه بنات تصدقين ماعمره كلم بنت ولا يعرف يكلمها حتى . وحتى أحنا يابنات عمه يتحاشى يكلمنا هيفا : مافي غير غلا هي اللي ياخذ ويعطي معها وهي توها صغيرة بالمتوسط بكرة تكبر ويتحاشها مثلنا بعد غيداء : لا وفيه ميزة حلووووووة بعد تجنن البندري : وش هي غيداء : شديد ماعنده بنت تطلع لوحدها شلة بنات يطلعون لحالهم سوق ولا مطعم لازم معهم أحد من الشباب ( شفتوا الشدة يطلعون من الشباب عادي بس بنات لحالهم لا مايصير خخخخخخ ) البندري: أكيد في سبب خلاه يتعقد من البنات هيفا : صح فيه أمه البندري : أمه !!!!!!!!!!! هيفا : ايه أمه هو مسكين أبوه طلق أمه وعاش عند أبوه وماشاف أمه ألا لما كبر , ولما كبر أبوه طرده من البيت وجاء يعيش مع أمه وعمي البندري : ياحياتي تصدقين أنا من أول يوم شفته حسيت أن فيه شي ؟ طيف علاقته مع رامي؟ هيفا : عادية مهما كان هم أخوان خلصت الكيكة والعصير وطلعوا البندري : بما اني انا سويت الكيكة راح تذوقون منها على طريقتي الخاصة هيفا : بما أني أنا سويت العصير راح تشربون منه على طريقتي الخاصة رامي : وش طريقك يا البندري البندري : راح أأكل كل واحد منكم قطعة بس هاه البنات بيدي والشباب بالشوكة الشباب : ( ياسر , رامي , فارس ) : لا احنا نحتج وين المساواه بين الرجل والمرأة. فارس : هيوفه وانتي وش طريقتك هيفا : أصلا مافي طريقة ولا شي ماحد راح يشرب من العصير غير فارسي فارس : ياحلو أسمي وهو طالع من فمك أروح عصير أنا المهم البندري أكلت البنات بيدها والشباب بالشوكه ولما جاء دور رائد ألا طاحت الشوكة ومدت يدها بسرعة عند الصحن وجابت قطعة ثانية وأكلت رائد بيدها الشباب : احتجوا مره ثانية يييييييييييييييييييييييييييه لا مايصير كذا وش معنى رائد ؟ البندري : أممممم بصراحة حرام رائد تشفى بالقمة كان فاتح فمه وطاحت الشوكة وثاني شي رائد مو مرتبط فا مافي وحده بتقوم علي وتهاوشني رائد حس بإحراج وقام من الجلسه فارس : يالله حرام عليكم احرجتوا الولد ياسر: خله ينحرج مره ثنتين يمكن يتلحلح شوي شوفه قام حتى من غير مايرد على احد الله يعينه بس. انتهت السهرة وانبسطوا العيال والبنات كثير وصارت البندري تسهر معهم كل ليلة بعد ماتخلص سهر مع ماجد تجي عندهم. اليوم اللي بعده : في الليل بعد ماتعشت العائلة أبو فارس حدد ملكة فارس وهيفا وراح تكون الخميس هذا لما سهرت الشلة في الليل كانت هيفا جالسة جنب فارس ونص ظهرها داخل في نص صدر فارس ماسكين يد بعض ويسولفون ألا غيداء : أقول هيفا وش رأيك تجلسين بحضن فارس وتخلصينا هيفا انحرجت فكت يدها وبعدت عن فارس غيداء : هذا وانتوا بعد ماملكتوا أجل بعد الملكة وش بتسوين فارس عصب : هي أنتي احرجتي البنت وبعدين مالك شغل فيها تسوي اللي تبي كلها كم يم وتصير زوجتي تفهمني وش معنى زوجتي ؟ ديما بكل هدوء أعصاب : وش فيك ياغيداء عادي أول شي هم مخطوبين ثاني شي في لبنان عادي كل واحد يحب وحده يجلسها بحضنه بعد عااااادي شفيك غيداء : أها قلتيها في لبنان مو هنا ديما : وش الفرق بين هنا وهناك أنا أقولك وش الفرق , الفرق أن هناك كل واحد يحب وحده يسوي أي شي بيبه قدام الناس لكن هنا تحت سقف الفنادق والشقق ( قوووية صح ) غيداء : لا أنتي ماتفرقين بين مجتمعنا ومجتمعهم ياسر : غيداء خلاص تكلمنا في الموضوع هذا كثير وانتي بعدين معاك ماتعقلين مايمر يوم ألا وتتناقرين فيه مع ديما ماأقول غير الله يعين اللي بياخذك غيداء : ألا قول يابخته فيني وتناظر رامي ياسر : يناظر رامي يارب اللي تاخذينه بكسر راسك وبقص لسانك رامي يأشر بيده أكسر راسك واقص لسانك الشلة تضحك ههههههههههههههههههههههههه المهم أتفقوا بكرة يروحون السوق عشان يجهزون لملكة هيفا وفارس. اليوم اللي بعده : استأذنت البندري من ماجد تروح السوق مع أحفاده عند الباب فارس قال أنا بروح مع هيفا بسيارتي ورجاء مانبي دخلاء ياسر : اجل رامي دام سيارتك خربانه تعال معاي أنت وغيداء وديما طبعا ( السيارة ماتشيل أكثر من أربعة أشخاص ) من بقى بقى البندري ورائد ناظروا في بعض رائد : تفضلي خليني أوصلك وصولوا عند السيارة ألا غلا تنادي رائد أصبر بروح معاكم ركبت غلا قدام والبندري ورى رائد مباشرة شغل رائد السي دي محمد عبده : الأماكن كلها مشتاقة لك غلا : أقول رائد ما عندك غير محمد عبده رائد : التفت عليه وابتسم لا ماعندي غيره غلا : طيب أنا عندي طلعت السي دي حقها وحطتها منوعات وأول أغنية ( صدفة ومن بين كل الناس علقني ............ ) وجات عين البندري في عين رائد ورجع رائد يحس برعشة خفيفة , أما البندري طول الطريق عيونها على رائد واذا جات عينه بعينها تناظر بالجهه الثانية , وصلوا المجمع وتلاقوا عند ستار بوكس طبعا كل واحد أخذ حبيبته وراح يمشي معها لحالهم من بقى ؟ رائد , غلا , البندري البندري : يوه أحس بتعب شوي خلاص انا بجلس بالكوفي شوب روح يا رائد مع غلا وانا اذا صرت احسن بدق على غلا وتجوني لكن رائد ماعنده بنت تجلس لحالها في الكوفي شوب ماعاد ألا هي هههههههه وغلا تسحب في ثوب رائد يلا خلنا نروح وقف رائد محتار مايقدر يترك البندري لحالها ولا يقدر يخلي غلا تروح تتمشى لحالها لكن شوي الا غلا تأشر لخويتها ريم , رائد بروح مع ريم خويتي رائد : نعم ماعندنا بنات يتمشون لحالهم غلا : الله يخليك طيب أمها بتمشي معنا رائد: أذا كذا أوكيه بس أول اتصل عليك تجين بسرعة طيب قربت ريم من غلا وسلمت عليها وراحت معها غلا : هلا ريم ريم : أقول غلا من هذا اللي كنتي واقفة جنبه؟ ( البنت خقت لما شافت الولد ) غلا : تسحب خويتها يوه هذا ولد خالي رائد اللي سولفت لك عنه يلا تعالي نشوف الفستان هذا. رجع رائد عند البندري جلسوا قدام بعض البندري في نفسها ( فديته طالع يجنن في الثوب أخيرا صرت أنا وياه لحالنا ) تناظر فيه وهو مايعيرها أي اهتمام يناظر هنا وهناك تكلمت البندري : أحم أقول رائد أنت بأي سنة كان رائد يناظر بالجهه الثانية ولف وجهه هلا البندري : أقول انت بأي سنة أللحين؟ رائد : خلاص آخر سنة البندري : ماشاء الله باين عليك شاطر رائد : ابتسم ابتسامة صغيرة طيحت قلب البندري قال الحمد لله البندري : صعبة دراسة الطب؟ رائد : صعبة بس اللي يشد حيله يقدر يمشي فيها البندري : أممممممم طيب أنت الا غلا جات رائد : وش فيك غلا غلا :مافيني شي بس ريم وأمها راحوا يلا البندري ماصرتي أحسن خلينا نتسوق , راحوا يتسوقون وخلصوا. رجعوا البيت وراحت البندري غرفتها توري ( يشوف ) ماجد فستانها اللي شرته ماجد : البسيه وتعالي خليني أشوفك البندري لبست الفستان وجاته ماجد : وااااو يجنن يلا طفي النور وتعالي البندري : نعم أطفي النور قبل لا أبدل ملابسي ماجد : أيه الفستان يجنن عليك كأنه قميص نوم البندري : يؤيؤيؤيؤيؤ قميص نوم صدق انك شايب ماجد : شباب ولو يصير الراس شايب تصدقين لما أوقف بين عيالي يحسبوني أخوهم مو أبوهم البندري : أيه ماشاء الله. اليوم اللي بعده : اليوم يوم ملكة فارس وهيفا الكل مستعد وكاشح نزلت البندري من الدرج وهي بآخر أناقتها وشافها رائد انتبهت لوجود رائد وقامت تتدلع بمشيتها والتفت وراها تناظر رائد وتزلق رجلها وتطيح على الدرج وارتفع الفستان وبانت سيقانها آآه أسرع رائد بمشيته وجاء عندها سلامات شفيك لالالا تحركين رجولك أصبري شوي أشوف مسك سقاها وحست قطعة حرير اللي مسكت سقاها وتناظر بيده وش هالنعومة , هي على نعومتها ونعومة يدها تشوف يده انعم بعد أصابعه وأظافره الوردية والشعر الخفيف اللي يغطي يده ياااااااي قالت : آآه رائد : آسف لحظة شوي حرك رجلها وبعدها قال والحين البندري : أيه صارت أحسن إلا ماجد من وراهم في بداية الدرج رائد البندري وش فيكم التفت البندري , رائد بعد يده عن رجل البندري البندري : لا مافيه شي نزل ماجد ألين وصل عندهم وناظر في ساقها وش جالسين تسوون البندري : ولاشي زلقت رجلي على الدرج وجاء رائد يشوفها ماجد : بسم الله عليك ياعمري كم مرة أقولك لا تركضين على الدرج وبعدين معاك البندري : ناظرت في رائد قالت هاه ايه خلاص ماعاد بركض نزلوا تحت الملكة كانت عائلية تجمعت العيلة في الصالة والدي جي على آخره والبنات والشباب يرقصون وفله , البندري كانت جالسة جنب ماجد وقدام رائد مباشرة طول الوقت تناظر فيه تقول في نفسها وش الحلى هذا , تناظر في رامي رامي حلو بس رائد أحلى بكثير شوي تناظر في ماجد وتكشر بوجهها وترجع تناظر في رائد لكن رائد كانت تجي عينه بعينها وعادي يناظر لها مثل مايناظر الباقي ومو مهتم من نظراتها البندري : أقول مجودي ماجد : ياروح مجودي البندري : ما يأمر عليك عدو أبي أرقص ماجد : أعقب ترقصين لا مافيه البندري : ليه مافيه شوف أحفادك يرقصون مع بعض بعد ماجد : أيه أحفادي أهل وأقارب لكن أنتي زوجة جدهم خلي عندك هيبه البندري : مدت بوزها أي هيبه كل شي لالا ماجد : فوق بخليك ترقصين ألين تشبعين البندري : فوق ويصير فيك مثل ذاك اليوم ماجد : لا تخافين هالمره باخذ ف ........ ( عارفين أسم الدواء ) البندري : نعم وش ناوي على نفسك يصير فيك مثل الحاج متولي ترى انت رجال كبير وجسمك مايتحمل ماجد : رجال كبير ماتتحمل صحيح راسي كله شيب بس قلبي شباب افهمي شبااااااب وأتحمل البندري : طيب خلاص نتناقش فوق جلست البندري تناظر في هيفا وفارس وتشوف تبادل النظرات بينهم والابتسامات ولمس الأيادي وحز في نفسها منظرهم قالت يالله المفروض أنا مثل هيفا أتزوج واحد بعمري واحد يفهمني وافهمه , يحس فيني وأحس فيه , مو هالشايب اللي مايهمه شي غير ال ...... وبس مايحاول يفهمني او يحس فيني , ناظرت برائد وبعدها رجعت تناظر في ماجد وقالت ياشين الاستعجال ماجد : يلا بيبي نطلع الغرفة البندري سرحانة في رائد ماجد ضرب البندري على كتفها بشويش يلا عمري نطلع البندري : هاه يوووه ياماجد تو الناس خلنا مبسوطين ماجد : فوق راح تنبسطين أكثر خصوصا بعد ال...... البندري : بعد ال... يلا قوم نطلع وأمري لله. طبعا هذا اول بارت راح انتظر ردودكم وراح انزل كل يوم ان شاء الله بارت |
سلمت اناملك ياعسل
بجد قمة بالروعه وننتظر البارت |
يسلموووووو على كلامك الحلو ومرورك الأحلى
وانتظري البارت |
اليوم اللي بعده :
البندري قامت من النوم ونزلت تحت لقت هيفا وفارس جالسين على الطاولة يفطرون وفارس يأكل هيفا وهيفا تشرب فارس حست بالغيره بداخلها وماكملت المشهد رجعت تبي تروح الغرفة ألا صدمت برائد ناظرته وزادت الحسرة قالت أوه آسفة قال عادي حصل خير ناظر فيها قال وين رايحه ماتبين تفطرين قالت لا وهي منزله رأسها وطلعت فوق. طلع ماجد من الحمام لقى البندري جالسه على السرير ضامه رجلينها بيدها ومنزل راسها على ركبتها قال وش فيك حبيبتي في احد زعلك البندري : ماحد زعلني مافيني شي ( كانت جالسة تفكر برائد وفي هيفا وفارس ) البندري صارت تحب رائد غصب عنها صارت تفكر فيه ليل نهار وهي تدري أن اللي تسويه غلط لانها متزوجه ومايصير تخون زوجها لا و مع مين مع واحد من أهل بيته؟ في الليل لما تجمعت الشلة كانوا ناقصين جات البندري رامي : وش فيك تأخرتي اليوم البندري : أممممممم ماجد مو راضي يخليني اليوم أجي يقول أنه مشتاق لي كثير رامي : والله جدي فله البندري : الا وين هيفا وفارس غيداء : هيفا وفارس تكبروا علينا ماعاد يبون يجلسون معنا البندري حست بغصة بقلبها ليه مادري ديما : حرام عليك يا ياغيداء توهم ملكين خليهم ينبسطون ياسر : والله أنك ياغيداء ملقوفة اثنين وتوهم ملكين من حقهم يجلسون لحالهم وياخذون راحتهم. البنردي تناظر برائد لكن رائد سرحان مايدري عنها شوي قال تصبحون على خير رامي : وين بدري رائد : من عمرك لكن تدري عندي بحث التخرج ولازم أبدأ أشتغل فيه من اللحين البندري : حست أن هذي فرصتها ولازم تستغلها أقول رائد لو محتاج مساعدة أنا موجودة طول النهار أنا فاضية ماعندي شي أسويه البنات يجون من الجامعة وبنامون وأنا أجلس طفشانه ابتسم رائد قال لا تسلمين مابي أتعبك البندري : مافيها تعب ولا شي أقولك ماعندي شي أطفش طول النهار غيداء : رائد تكفى خلها تساعدك لأن هي فعلا ماعندها شي طول النهار غير أنها تجي تأذينا تصحينا من النوم وبس الشلة تضحك هههههههههههههه البندري : لا من جد رائد إذا محتاج مساعدة أنا تحت أمرك رائد : أعجبته الفكرة قال أوكي بكرة أنا ماراح أروح الجامعة أشوفك ونبدى. ( فارس وهيفا جالسين في غرفة فارس ) فارس جالس جنب هيفا على السرير يسولفون فارس : تدرين ياقلبي هذا أسعد يوم بحياتي أخيرا صرنا لبعض يالله عقبال الليلة الكبيرة هيفا : أحمرت خدودها من الخجل يووووووووه يافارس وش ليلته خلنا في ليلتنا هذي فارس : أقول هيوفه عمري هيفا : هلا ياروح هيوفه فارس : ممكن بوسة هيفا : وين فارس : أشر على الشفة هيفا : لا هنا ومدت يدها فارس : باس يدها، طيب مايصير أبوسك هنا وأشر على الشفة هيفا : يووووووووووووه منك أنت يالطماع يلا عيب أبعد شوي فارس : ماراح أبعد فديتك خليني أبوسك أن قبل اليوم ماكنت أقدر أبوسك هنا لكن قاطعته هيفا : لكن بعد اليوم أنا راح أسمح لك تبوس انبسط فارس قرب فارس وعطته خدها هيفا : قلت راح أسمح لك لكن هنا وأشرت على خدها تبوس مو مكان ثاني. هذي وأشرت على شفتها منطقة محظورة طيب فارس : ابتسم طيب لكن أنتي لاتنسين أنك بغرفتي والمفتاح بيدي هيفا : ياي خوفتني شوف أن ممكن أخاف من كل رجال بالدنيا وحطت أيدها دقن فارس ألا أنت ياقلبي مستحيل أخاف منك فارس : مسك يد هيفا وباسها وقال الله لا يرحمني منك. انتهت السهرة وراحت البندري وهي مو مصدقه نفسها مبسوووووطة أخيرا راح تلقى شي يقربها من رائد وتصير تجلس وتسولف معه. اليوم اللي بعده : قامت البندري من النوم ولبست برمودا بيضا وبدي أبيض . حزام ذهبي وصندل فلات ذهبي والحلق الذهبي حطت مكياج خفيف وناعم شوية مسكرة على كحل على جلوس وطبعا شعرها طويل نص ظهرها تقريبا فتحته وعدلته ووقفت ناظرت نفسها نظرة أخيرة على اللوك وقالت جاية لك ياروحي وأنزلت الدور الثاني وبعدها على غرفة رائد مباشرة الباب مسكر طق طق : رائد : أدخل البندري : تنهدت قبل ماتدخل وقالت فديت هالصوت , دخلت لقت رائد على السرير لابس بجامة النوم لابس سروال البجامة لكن مافي بلوزة يعني صدره مكشوف شافته البندري وحطت أيدها على وجهها قالت آسفة وطلعت ( تكلم نفسها واااااااااااي يجنن ) أنحرج رائد وبدل ملابسه وبعدها طلع من الغرفة وقالها تفضلي رائد :آسف حسبتك أمي البندري : أمي !!!!!!!!!!!!!!! وإذا أمك عادي تجلس كذا رائد بانت على وجهه علامات استفهام من جرأتها لكن مشاها أدري مو عادي لكن وش أسوي بأمي كل يوم لازم تجي تشوف ألوحمه اللي بصدري لانها نفس الوحمة اللي بصدر أبوي, البندري أستغربت نفس الوحمة اللي بصدر أبوي شلون لكن ماهمها الموضوع ( صحيح أن رائد فيه وحمه بصدره مثل اللي في ابوه لكن الولد كان دايم يتخيل أن امه تجي وتشوف الوحمه يعني السالفة مو صحيح لأنه يعرف حقيقة العلاقة اللي كانت بين أمه وابوه , لما أنحرج لانها شافته من غير البلوزة ولا هو متعود ينام من غير بلوزه ) قام يحوس بأوراقه و هي واقفه تحرك بشعرها يمين ويسار تحاول تلفت انتباهه لكن مافي فايده طلع لها الاوراق قال شوفي هذا كلام بالانجليزي أبيك تطبعينه مثل ماهو أبيك تنتبهين زين أي غلط أنا أروح فيها البندري : لا ولا يهمك بكون منتبهه و خذت الأوراق ولما وصلت عند الباب ناداها رائد البندري لتفت البندري تقول في نفسها أكيد بيقول شي عن اللوك رائد : أقول أنتي وش تخصصك البندري في نفسها مالت : تخصصي رياض اطفال رائد : ماشاء الله خلاص شكرا روحي. البندري: أوكي إذا بغيت شي أنا تحت في مكتب جدك أطبع , نزلت على الدرج وهي تكلم نفسها ياربي كل هالكشخة والحلى والدلع ومانتبه مارمشيت عينه ولا هزيت ولا شعره فيه أف. رائد جالس على مكتبه يفكر وش هالجمال أنا أول مره أنتبه لشكلها حلوة كثير حتى أحلى من هيفا بنت عمي اللي الكل يتكلم بجمالها وأنا أقول رامي وش فيه عليها أثاريه شايف جمالها عدل مو أنا أنا اقدر أحط عيني بعينها حتى. ماجد دخل الغرفة بيبي , بيبي حبيبتي وينك الغرفة فاضية معقولة طلعت بس وين تروح ماتعرف أحد هنا نزل يدورها تحت ودخل مكتبه الا لقى البندري تطبع وهي مبسوطة ماجد : البندري البندري تروعت نعم ماجد : وش جالسة تسوين؟ البندري : ولا شي أطبع أوراق لرائد ماجد : رائد ؟؟؟؟؟؟؟؟؟؟؟؟ البندري : رائد حفيدك وش فيك ماجد : أدري انه حفيدي ناظر فيها وفي كشختها قال إذا خلصتي تعالي فوق مشتاق لك مووووت وجايب لك معاي مفاجأة البندري : ما تطالع فيه حتى لا خلاص قربت أخلص ماجد : أستغرب من مبالاة البندري لكن قال أنتظرك فوق خلصت البندري وطلعت عند رائد طق طق رائد : أدخل البندري : تبتسم أخيرا خلصت تفضل رائد : يعطيك العافية البندري : بس يعطيك العافية رائد ابتسم قال لو أنك غلا كان عطيتك شوكلاته البندري : طيب أعتبرني غلا ( في نفسها عطني الشوكلاته أي شي يجي منك حلو أهم شي تكون أيدك الحلوة ماسكته) رجع ابتسم ابتسامة خطفت قلب البندري فتح الدرج وطلع شوكلاته مد يده تفضلي البندري : تناظر فيه وهي مفهيه قربت وخذت الشوكلاته وتعمدت تخلي يدها تلامس يده ارتعش رائد من لمسة اليد أرتبك شوي وسحب يده. البندري في نفسها : كفاية عليك اليوم كذا , يالله أشوفك بكرة طلعت وراحت غرفتها طبعا أكلت الشوكلاته بالطريق وخبت القرطاس لقت ماجد جالس بالغرفة ومضبط الجلسة ماجد : وش هالحلى هذا كله لكن راح تطلعين أحلى لما ومسك الكيس قال خذي وش شوفي وش جايب لك فتحت البندري الكيسه من غير اهتمام الا قميص نوم لوت بوزها ( في نفسها هذا وقتك أنت بعد أنا كفاية علي لمسة يد رائد فديته ) ماجد : يلا ياقلبي البسي القميص وتعالي خليني أشوفك لبست القميص وجاته وكملوااااااااااا السهره. اليوم اللي بعده : وقفت البندري محتارة قدام الدولاب ( الكبت ) وش تلبس اليوم أممممممممممم بنطلون جينز وبدي أسود ( نفس كشخة أمس مع اختلاف اللون والموديل طبعا : الحزام , الصندل , الحلق والشعر والمكياج ) نزلت وهي تقول يارب يكون اليوم بعد مالبس ( عجبتها السالفة ) لقت الباب مفتوح وكان واقف عند مراية الدولاب يناظر في نفسه طق طق رائد :ابتسم هلا تفضلي دخلت وابتسمت قالت مالاحظت شي رائد كان يحوس بأوراق المكتب لا قربت من طاولته و حطت يدها الثنتين على الطاولة مثل الي مددتها ومالت على قدام شوي , طيب أرفع راسك لما رفع ابتسم ابتسامه ناعمة اها أنا وأنتي لابسين نفس اللبس بنطلون جينز وبدي أسود وش هالصدفة وحس برعشة من جديد لان فرقة صدر البندري كانت باينه البندري ابتسمت وعدلت من وقفتها وهي تبعد خصلات شعرها عن جبينها قالت أحلى صدفه رائد : يلا ماعندنا وقت خذي هذي الاوراق وروحي أطبعي البندري : رائد مايصير اطبع من جهازك رائد : لا أنا استخدم الجهاز آسف البندري : طيب عن أذنك لما طلعت البندري رجع يفكر فيها ويمر عليه المشهد اللي من شوي ويقول لالالا أعوذ بالله منك يا ابليس غلا جاتها صديقتها ريم في البيت قالت غلا تعالي الدور الثاني نجلس في غرفتي ريم تمشي مع غلا وعيونها طايرة في البيت أقصد القصر المهم وطلعوا بالمصعد , لما وصلوا الدور الثاني ألا ريم شافت البندري وهي طالعه من غرفة رائد كانت رايحة تعطيه الاوراق بعد ماطبعتها الا ريم ضربت غلا بكوعها غلا مين هذي الحلوة غلا : يوه هذي البندري زوجة جدي ريم : جد غلا : اللي قلت لك عنها غلا: البندري التفت البندري هلا غلا هذي ريم صديقتي البندري قربت من غلا وريم وسملت عليها شخبارك حبيبتي ريم : بخير الا رائد طلع برى الغرفة ( عاد ريم لما شافته خقت مثل ذيك المره ) نادى البندري أشوى مارحتي قربت البندري من غرفة رائد بكل لهفة هلا آمر رائد :مايأمر عليك عدو بس في أغلاط بالطباعة عقابا لك ترجعين تعيدين تكتبين من جديد البندري في نفسها : أحلى عقاب يصير أعيد الكتابة بغرفتك؟ رائد : أيه حياك أنا ماعندي شغل على الجهاز حقي انبطست البندري دخلت وجلست على المكتب الا تشوف رائد ياخذ جواله ومفتاح سيارته ويدخل البوك في جيب البنطلون من ورى البندري : رائد بتطلع ؟؟؟؟ رائد : ايه مواعد خويي مازن يلا لما ارجع ابيك تكونين مخلصة طيب ابتسم وطلع. البندري جالسه على الكرسي وتتحسس اللكرسي فديت اللي كل يوم يجلس على الكرسي وبدت تكتب. ( غلا وريم في الغرفة ) : ريم : أقول غلا هذا ولد خالك يجنن ياحظ اللي بتاخذه غلا : أدري يجنن فكينا بس ريم : تدرين أها شكلك تحبينه غلا : أيه أحبه مثل أخوي ريم : ريم عليناااااا غلا : وجع والله مثل أخوي أنا من يوم وأنا صغيرة بحضنه ريم : أيه وإلى اليوم وأنتي بحضنه غلا : وجع أقصد أني دلوعة العيله والكل يدلعني عاد هو اكبر واحد وفتحت عيني ولقيته هو اللي يدلعني يوديني ويجيبني الله يخليه لي بس ريم : طبعا الله يخليه لك ياغلا أنا صديقتك الوحيده قولي لي عن العلاقة اللي بينكم غلا : ووجع أن شاء الله وش الكلام هذا مالي علاقات وش شايفتني مثلك ريم : وش فيني أنا غلا : كل يوم مع واحد ريم : عادي أنا حدي شات وماسنجر مو مثلك مع ولد خالك على الهوى غلا ضربت ريم بالمخدة وجع يا حم ........ , لكن نصيحة لا تحطين رائد في بالك ريم :صدقيني بأجيبه غلا : تخسين ريم : ألا قولي لي اللحين الغرفة اللي طلعت منها البندري غرفة مين؟ غلا : غرفة رائد ريم : يؤيؤيؤيؤيؤ وكيف البنردي تدخل غرفته غلا : عادي هي تساعده في بحثه تطبع له أوراق ماسمعتيه وش قال لها أنها غلطت في الطباعة ريم : أها وعادي يعني تدخل وتطلع من غرفته غلا : ايه عادي ريم : بس تصدقين البندري ورائد لايقين على بعض هي حلوة وهو بعد حلو لما وقفت عند الباب عنده كذا حسيت كأنهم يحبون بعض غلا : مسكينه أنتي رائد مستحيل يحب بنت مو قلت لك عنه ريم : ايه قلتي بس مادري أحس يناسبون بعض. اليوم اللي بعده : قامت البندري من النوم متأخرة لان أمس كانت سهرانه مع زوجها , المهم لبست بسرعة وهي تنزل تكلم نفسها : يارب ماأكون تأخرت على رائد فديته تنزل وهي منزلة راسها تعدل الحزام الا صدمت في أم غلا أم غلا : من اللي تفدينه البندري : هاه من غيره سيد الرجال مجودي حبيبي أم غلا : تضحك ما اتخيل أبوي نناديه مجودي البندري : كانت مستعجلة تبي تلحق على رائد وأم غلا طايحة فيها سوالف أم غلا : تعالي تقهوي معاي البندري : أكملت بعد قهوى , أقول أم غلا اخلص طباعة واجيك أم غلا : ومتى راح تخلص البندري :خلاص اليوم آخر يوم للأسف أم غلا : للأسف ؟؟؟؟ البندري : هاه أيه للأسف لان لما صرت أطبع كنت أشغل وقتي لكن اللحين خلصت برجع للممل أم غلا :لا أن شاء الله مافي ملل البندري : طيب عن أذنك وصلت البندري لغرفة رائد طق طق مارد البندري : فديته أكيد جالس يلبس وقفت دقايق رجعت دقة الباب ماحد يرد قالت : يمكن نايم يالله فرصة اصحيه من النوم فتحت الباب ولقت رائد في سريره تعبان قربت ومن غير شعور قالت بسم الله عليك حبيبي وش فيك ( من غير شعور ترى ) رائد : صوته تعبان اشوى انك جيتي تكفين روحي نادي رامي يجي يوديني المستشفى البندري : المستشفى وش فيك رائد : مادري بطني يعورني لو سمحتي بسرعة روحي نادي رامي على مالبس البندري : أساعدك تلبس بعدين أروح انادي رامي رائد: تعبان ويشد على نفسه لو سمحتي نادي رامي راحت البندري تركض رامي ألحق على رائد تعبان يبيك توديه المستشفى راح المستشفى وجلست البندري على اعصابها الين مارجع رامي وصل لحاله الكل يسأل هاه وين رائد قال مافيه الا العافية ان شاء الله بس جاه تسمم ( بس والتسمم هين ) المهم أم رامي : تسمم وش منه رامي : لا بس أمس كان مآكل سندويش فلافل من بوفيه وشكله تسمم هم سوو له غسيل معده وخلاص راح التسمم لا تخافون عليه هو بألف خير غيداء : ياربي منه رائد ولد فقر إلى اليوم وهو يآكل من أكل الشارع رامي رد بعصبيه : غيداء ماأسمح لك مهما كان رائد أخوي ومارضى عليه اتفقوا الأهل انهم بكرة يزورون رائد بالمستشفى. اليوم اللي بعد : الكل مستعجل وينادون بعض يالله بسرعة مانبي نتأخر , تجمعوا الأهل وراحوا المستشفى معهم الشاي والقهوة وباقات الورد وكل واحد شايل بيده شي ألا البندري , وصلوا الأهل المستشفى عند رائد وتحمدوا له بالسلامة وبعدها طلعوا الكبار وبقوا الشباب يسولفون معه : فارس : ياشيخ خوفتنا عليك رائد : تسلم فارس هيفا : الله يسامحك يا رائد تدري أمس كنت أنا وفارس جالسين في البلكونه جلسه رومانسية ونشرب عصير شوي الا نسمع صوت صراخ وصجة , من جد خربت علينا رائد : آسف يا آنسه هيفا ماعاد أعيدها هيفا : لوسمحت مدام ولا أقولك حرم فارس ال ..... ( اسم العائلة ) ههههههههههه ( الشلة تضحك ) غيداء : هذي اللي ذابحك تصيرين حرم هيفا : أجل أنا أبش أنا فعلا أللحين صرت حرم وتناظر فارس وهم يسولفون استأذنت البندري منهم وقالت بروح وبرجع ,راحت عند الاستقبال وسألت متى يطلع رائد ؟ قالوا لها بكرة المغرب , رجعت الغرفة وطول الوقت ساكتة تفكر في رائد ديما : البندري ماسمعنا صوتك اليوم وش فيك ؟ البندري : لا مافيني شي ديما : اللي ماخذ عقلك البندري : تنهدت يتهني فيه ديما : ومين هذا اللي يتهنى فيه؟ البندري : واحد ديما : مايصير نعرف مين الواحد هذا ؟ البندري : طبعا لا غيداء : من غيره الشايب البندري : لو سمحتي لا تقولين كذا عن زوجي؟ غيداء: والله هو عاد جدي قبل لا يصير زوجك رامي يبي يقهر غيداء : أقول البندري ذاك اليوم شفتك وأنتي لابسه البرمودا البيضا والبدي الأبيض طالعه جنان قمر وربي. غيداء انقهرت : وجع رامي من جد أنت قليل أدب رامي : أنا قليل أدب دامني قليل أدب وش تبين فيني غيداء: قلبي اللي ماعنده سالفه وش أسوي فيه البندري : شباب بسكم هواش الولد تعبان فارس : أعذرنا نسينا نفسنا يلا شباب خلونا نمشي رائد : وين شباب خلكم تو الناس فارس : معليه أن شاء الله بكره نشوفك طلعوا الشباب من الغرفة ورجعوا البيت وطول الطريق البندري تفكر كيف تشوف رائد بالمستشفى بس مايكون معها أحد. اليوم اللي بعده : قامت البندري الصباح ولبست فستان وردي منقط بأبيض له كم قصير ضيق على الصدر والخصر وبعدها يوسع شوي من تحت ولبست صندل طقم مع الشنطة وردي وحطت مكياج ناعم ( أتخيل شكلها طالعة نعووووومه ) وطلعت كأنها بنت عمرها ( 15 ) سنة وطلعت مع السواق راحت المستشفى بكل لهفة وشوق لرائد دخلت الغرفة لقته نايم حطت علبة الشوكلاته وباقة الورد قربت منه وهي تناظر فيه وتقول ياحياتي ليته فيني ولا فيك سحبت الكرسي بشووويش وجلست عنده وحطت أيدها على جبينه. رائد فتح عينه لقى البندري تبتسم له وابتسم لها وتعدل في جلسته. البندري : الحمد لله على السلامة ياقلبي ماتشوف شر رائد : الشر مايجيك البندري : آسفه يا رائد جيت بدري بس حبيت أشوفك وأتحمد لك على السلامة بطريقتي قامت وجابت الورد وعلبة الشوكلاته قالت شفت الشوكلاته هذي أبيك تآكلها كلها لحالك ماتعطي أحد طيب الولد ساكت وجلس يناظر فيها حس بشعور غريب الشعور هذا أيه حس بالحنان الحنان اللي طول عمره يسمع عنه ولا عمره شافه أو حس فيه البندري انبسطت تحسبه سرحان فيها أشرت بيدها على عيونه ياهو وين وصلت انتبه لها قال عن أذنك بروح الحمام وأبدل ملابسي البندري :تبي مساعدة رائد : لا تسلمين رجع وجلس على السرير مو عارف وش يسوي وش يقول مرتبك قال أممممم أفتحي علبة الشوكلاته خلينا نآكل منها , البندري أنبسطت حست بتجاوب رائد معها فتحت العلبة وطلعت قطعة مد يده قالت لاااااا قلت لك أتحمد لك على السلامة على طريقتي وفتحت القطعة رائد : مو تسوين فيني مثل ذيك المره البندري : لا هالمره مافي عوائق ( تقصد الشوكة ) من يدي على فمك مباشرة أكلته وفعلا حس بالحنان وهي تحط اللقمة بفمه ( حس نفسه كأنه طفل وأمه تأكله ) لكن الولد منحرج ابتسمت له وجلست تناظر فيه تبي توخر ( تبعد ) عينها عنه مو قادرة هو ساكت يناظر البندري : أيه صح على فكرة أن شاء الله لما تطلع اليوم بالسلامة وتروح الغرفة بتلقى مفاجأة حلوة رائد : وش دراك أني بطلع اليوم البندري : أمس سألت متى بتطلع رائد أخيرا عرف طعم الحنان ( يالله البنت هذي تسأل عني وتداريني وتهتم فيني وأمي اللي هي أمي ماتدري عني ) الا قولي لي وش المفاجأة البندري : إذا رحت غرفتك بتعرف وش هي انتهت زيارة البندري ل رائد وقالت أنا تأخرت لازم أروح ورجعت البيت. العصر قالوا الأهل بنروح نزور رائد البندري : ماله داعي بيطلع اليوم الكل ألتفت عليها وش دراك البندري : ارتبكت ( لأول مره ترتبك خخخ ) قالت هاه لا أقصد أتوقع أنه بيطلع اليوم لأن التسمم مايحتاج لوقت طويل بالمستشفى مااهتمو ا من كلامها وراحو. دخلت أم رائد الغرفة وجلست عنده هاه رائد وش لونك اليوم رائد حس بالفرق بين دخلت أمه ودخلت البندري , البندري دخلت عليه وفي عيونها لهفة وخوف عليه لكن أمه دخلت عليه وعادي كأنها تزور واحد غريب ما كأنه ولدها من لحمها ودمها . غيداء ملقوفه طبعا : شافت علبة الشوكلاته وباقة الورد قالت من صاحبة الحظ السعيد اللي مرسلة لك الورد والباقة ؟ رائد : ارتبك وش يقول امممممم قال أيه هذي من مازن صديقي ديما : ماشاء الله عليه والله عنده ذوق غيداء: بس كأنه ذوق بنت مو ولد ياسر : لا أنتي ماتعرفين مازن ماشاء الله ذوقه حلو رائد : في نفسه الحمد لله ربي ستر قدر ياسر يرقع لي ولا كان وش يفكني من لسان غيداء. رجع رائد لغرفته وهو بكامل صحته وعافيته لقى على مكتبه وردة حمره وورقة مكتوبة بالكمبيوتر , فتح الورقة ( حبيبي أنا خلصت لك البحث وغلفته لك أتمنى يعجبك ذوقي ) نزل الورقة لقى ورقة ثانية ( أحبك والوردة هذي تعبير عن حبي لك ) وقف يفكر لثانية مين هذي ( دلخ صح ) بعدين تذكر أها اكيد هذي البندري ياربي وش فيها البنت علي وش تبي مني وش اللي جالسة تسويه حرام عليها أنا أبي أعرف بس وش تبي مني بالضبط ( كل اللي تسويه و مو عارف وش تبي منه بعد صدق انه دلخ ) شوي ألا صوت الباب طق طق , رائد : أدخل مازن : واقف عند الباب هلا رائد وماسك باقة ورد على طول رائد انتبه لمازن والباقة واسحبه بسرعة وسكر الباب مازن : رائد وش فيك رائد : أللحين اقولك تعال أجلس بس أعطى رائد مازن الورقة قال خذ أقرى مازن قرى طيب رائد خذ الثانية مازن قرى ورافع راسه وهو يبتسم أكشخ يارائد كل هذا يطلع منك من هذي اللي ميته عليك ورني الورده اشوف واو حمرا بعد رائد : أنت وين و أنا وين يامازن أنا راح انجن تدري مين هذي مازن : لا تقولي غلا رائد: غلا لا مو غلا غلا إلى اليوم وانا اعطيها شوكلاته بعدها ماوصلت لهذي المر حله بعدين والله هي مثل أختي أختي أفهم يارجال , هذي البندري زوجة جدي مازن : البندري زوجة جدك رائد: أيه مازن : طيب أنت قلت لي انها مبسوطة مع جدك رائد : مو هذا اللي مجنني هي مرتاحه مع جدي لكن وش تبي مني بالضبط أسمع بقولك ( قام رائد يقول لمازن كل المواقف اللي صارت بينهم من سالفة قطعة الكيك إلى الوردة والورقة ) مازن : سكت رائد : هاه وش رايك باللي قلته لك مازن يناظر رائد بكل استغراب ودهشة وحيره معقوله معقوله مو فاهم معقوله مو عارف البنت وش تبي منه معقوله ما فهم ان البنت تحبه وتبيه يبادلها الشعور؟ رائد : مازن وش فيك ماترد علي مازن : رائد أسمعني زين وركز معاي انا اعرف البنت وش تبي منك بالضبط رائد :تكفى قولي وش تبي مني ؟ مازن: اسمعني ولا تقاطعني : يارائد من الكلام اللي قلته لي ومواقفها معاك واضح ان البنت تحبك لا وتموت عليك بعد والي تبيه منك بالضبط أنك تحبها مثل ماهي تحبك. رائد : أحبها ؟؟؟؟؟؟؟؟؟؟؟؟؟؟؟؟ مازن : قلت لك لا تقاطعني أنت اللحين متفق معاي أنها تحبك رائد : مادري مازن : لا تقول مادري قول أيه رائد : طيب ايه مازن : اقولك على شي بعد رائد : قول مازن : وأنت تحبها بعد رائد : نعم أنا أحبها أنت صاحي مازن أنت أكثر واحد تعرفني ماعرف بالحب ولا افهم فيه مازن : ادري ادري لكن أنت حبيتها من غير ماتدري أنت حبيتها وأنت مو عارف وش الشي هذا تذكر لما كنت تسولف لي عن الرعشات هذا أكبر دليل على حبك لها لأنك دايم كنت تشوف بنات عمرك ماحسيت بالإحساس هذا وش معنى البندري ؟ اسمعها مني بس أنت تحب لكن ماتدري عن نفسك رائد :أنا مستحيل أحب بنت كلهم مثل بعض مازن : رائد مو كل البنات مثل أمك رائد : أمي مازن : آسف لكن ماعندي كلام غير ان البنت تحبك وانت تحبها وانت تحس في شي على صدرك والشي اللي على صدرك هذا هو الحب لكن مانت عارف كيف تعبر عنه ونصيحة مني لك اعترف لها بحبك لما تعترف لها بحبك راح تشوف ردة فعلها ولما تشوف ردة فعلها راح تعيش الحب هذا رائد :مازن تبي تجنني انا اعترف لها شلون مازن : انا اقولك لكن نصيحة ثانية لا تخليها تضيع منك والله انكم لايقين على بعض يارائد انت مافكرت ان البنت هذي هي اللي طلعتك من قوقعتك اللي كنت عايش فيها تدري وش تفسير انها قدرت تطلعك من قوقعتك انك قدرت تتجاوبت معها يعني تحبها وقدرت تتكلم معها وانت اللي قبل ماكنت تقدر ترفع عينك على وحده تصدق عاد انا احس انك تغيرت من دخلت البندري بيتكم وطبعا تغيرت للأفضل. رائد : يعني يامازن انت تبي تقول لي اني انا قدرت احب مثل هيفا وفارس و مازن : مثل كل الناس اللي تحب رائد: قولي كيف وش الطريقة اللي اعترف لها مازن : اقولك وتنفذ رائد : أنفذ مازن : روح لها وقول كذا كذا كذا ..................... مازن : على فكرة هي أشطر منك رائد : ليه مازن : قدرت تعبر لك عن حبها رائد : تعبر لي متى وشلون مازن : ضرب رائد على راسه والورده والورقة وش تطلع راح مازن وبقى رائد لحاله يفكر يالله أنا أحب معقوله أخيرا أخير بتحرر من قوقعتي وادخل عالم الحب عالم الحب اللي تمنيت طول عمري افهمه واعرف وش فيه اخيرا بعيش مثل الباقين حياة متوازنه مااصدق لكن انا لازم اتشجع واعترف لها بحبي مثل ماقال مازن. |
القصة خطيرة واتمنى تكتبي التكمله في اسرع وقت
بس صدق غبي ودلخ رائد |
يسلموووووووووووو اخوي الفارس على مرورك الحلو وانتظر التكملة
|
اليوم اللي بعده :
غلا جات من المدرسة فرحانة وتصرخ من دخلت من الباب يماا باركي لي نجحت أخيرا تخرجت من المتوسط واااااااااااو أم غلا: تضم بنتها مبروك يابنتي ألف مبروك عقبال ما تدخلين علي بشهادة الجامعة اموووووووه تبوس بنتها غلا : يما من بكرة لا من بكرة أيش اليوم اليوم نروح السوق ونجهز لحفلتي لازم تسوين لي حفلة تخرج أم غلا: و أحلى حفلة تخرج بعد غلا: رائد أبيك تودينا أنا وأمي السوق نتقضى للحفلة رائد : ولا يهمك كم غلا عندي وحده البندري حست بالغيرة اممم اقدر اروح معاكم أنا طفشانة البنات ونايمين وماعندي احد. كشخ رائد بالثوب والغترة طلع واااااو قمر لما شافته البندري ( طاح سعبولها ) البندري في نفسها وش هالحلى طالع قمر فديته وصلهم المجمع , البندري : تبي أي فرصة عشان تجلس مع رائد وبسرعة جاتها فكرة قالت مثل ذيك المره تعبانه شوي بجلس هنا اذا صرت احسن لحقتكم ( كانت عارفة أن رائد ماراح يخليها تجلس لحاالها وعارفة بعد أن أم غلا بتقول : رائد خلك مع البندري اذا صارت أحسن ألحقونا هنا رائد انبسط قال هذي فرصتي جلسوا قدام بعض وهي تناظر فيه مبسوطه على الآخر حس برعشة وقال لازم اتشجع واتكلم لازم ألا البندري تكلمت : أقول رائد وش رايك بالبحث؟ رائد: يجنن تسلم أيدك البندري : والشوكلاته والباقة رائد : لا هذي شي ثاني ومالقى نفسه ألا هو يقولها عن سالفة الشوكلاته والباقة مع غيداء بالمستشفى , بعدها سكت شوي وقال كيف اعترف لها , انا عارف ماراح تطلع مني الكلمة حس أن المكان مو مناسب بعد تردد قال: البندري أقدر أشوفك الليلة البندري: ايه عادي مثل كل يوم رائد : لالالا مافهمتي أبي أشوفك على انفراد البندري : اوكي بس وين رائد: في غرفتي البندري : ( مسويه فيها ) غرفتك ؟؟؟؟؟؟؟؟؟ رائد : لا تفهميني خطأ البندري: مبسووووطه على الآخر اوكي ولا يهمك يلا نروح في الليل والشباب سهرانين سولفوا كثير وانتهت السهرة بسرعة وكل واحد راح غرفته طبعا جاء انتهاء السهرة بدري على مزاج البندري ورائد , البندري طلعت لغرفتها وهي حاطه في بالها أنه تشوف رائد قالت لماجد بطلع برى الغرفة أضبط هدية غلا ومابي ازعجك قالها اوكي طلعت من الغرفة ونزلت الدور الثاني لقت رائد ينتظرها في الصالة دخلوا الغرفة ورائد قفل الباب التفت البندري بخوف رائد رائد :خفتي البندري : لا عادي بس ليه قفلت الباب اول مره تسويها رائد : لا بس اخاف أحد يشوفنا رائد مرتبك والعرق يصب منه واقف ومحتار كيف يفتح الموضوع معها البندري : تناظر فيه رائد شفيك وش بغيت مني رائد راح عند الدولاب قال وش رايك وش البس بكره ثوب ولا البندري : لا البس ثوب وشماغ اليوم الثوب عليك طالع يجنن كأنك أمير ماشاء الله زادت شجاعة رائد ومسك البندري وجلسها على السرير وجلس هو على ركبته قدامها رائد : يتذكر كلام مازن حرفيا البندري قد مره أحد قالك أنك حلوة البندري : بكل غرور كثيــــــــــــر بعدها نسى كلام مازن وبدى يتكلم البندري اسمعيني زين مسك يدها وقال أنا أدري انك تحبيني البندري : فتحت عينها وجات تبي تتكلم انا رائد : لا تقولين شي اسمعيني للآخر وبعدها تكلمي شد على يدها وقال البندري انا أحبك البندري : تنهدت هذي الكلمة اللي كانت تتمنى تسمعها منه رائد : أصبري ماكملت البندري انا قلت لك أحبك بس من غير شعور أو أي إحساس , انا أبيك تعلميني الحب , تعلميني الحياة مع الحب كيف تصير , أنا أبي أعيش الحب معك أنتي وبس مابي اعيشه مع غيرك , ارجوك انا دايم أسمع الشباب في الجامعه وهنا في البيت أحب واحب ويجون يوصوفون لي شعورهم , انا انبسط لهم لكن ماقدرت اعيش الحب ماقدرت. البندري : دخلت اصابع يدها الثنيتن في شعر رائد ومسحت على شعره وقالت يابعد كل هالدنيا وأنا موافقة اعيش معك هالحب وقلبي راح يكون لك مو لغيرك وقفت وسط الغرفة قالت تصدق وش ودي اسوي اللحين رائد : أيش البندري : ودي اطلع الشارع واصرخ بأعلى صوتي وأقول ياناس ياعالم أنا أحب رائد أحبه رائد : لا واللي يسلمك لا تفضحينا المهم رائد تعلم الحب وصار ولا قيس بزمانه وفهم كلام مازن لما قالها اعترف لها وشوف ردة فعلها ردة فعلها هي كانت لما قالت له انا موافقة اعيش معك هالحب وصار عاشق و هيمان ينام ويصحى وهو يفكر في البندري صارت كل شي بحياته صار يحبها أكثر من نفسه ونسى كل كرهه للبنات معها وتغير كثير صار يسولوف مع بنات عمه وعادي ياخذ ويعطي والكل حس بالتغير هذا. اليوم اللي بعده : بدت الحفلة الكل كاشخ ومستعد غلا عند باب غرفة رائد , طق طق رائد : ادخل غلا : تناظر في رائد أول مره تشوفه واقف قدام المرايا ويتضبط رائد : هلا غلا وش فيك تناظريني كذا غلا : لا ولا شي رائد : تبين شي محتاجه شي غلا : لا رائد :ابتسم اها تبين شوكلاته صح غلا : لااااااااااا خلاص أنا كبرت على الشوكلاته رائد : طيب يلا تعالي ننزل البندري كانت كاشحة وجايه لرائد لكن شافته وهو طالع من الغرفة وماسك يد غلا وحست بالغيرة ونزلت , كانت الحفلة من أروع مايكون وقدموا الهدايا وانبسطوا وانتهت الحفلة. المهم في الليل والشباب سهرانين قاموا يتكلمون مع رائد عن السر وراء التغير المفاجئ هذا رامي : صدقوني يا شباب رائد طايح على بنت بس مايبي يعلمنا ولا وش تفسرون تغيره وكشخته؟ ياسر : رائد من جد احنا نتمنى تلاقي بنت وتحبها عشان تعيش مثلنا مو معزول عننا رائد : بدون أي ارتباك بكل ثقة , صحيح أنا تغيرت وللأفضل لكن السبب وراء تغيري مو بنت انا الين اللحين وأنا نظرتي ماتغيرت عن البنت. البندري انقهرت وقالت عن أذنكم . طلعت غرفتها ألا ماجد جالس ومضبط الجلسة حيا الله بيبي البندري : تتكلم من ورى نفسها أنت مانمت؟ ماجد : لا أكلت الدواء ...... وحسيت بنشاط عاد توني كنت بجي آخذك منهم القلوب عند بعضها وسبقتيني وجيتي لي. البندري : في نفسها وهذا وقتك أنت بعد أقول أنا تعبانه وأبي أنام ماجد : تبيني أزعل منك البندري فكرة لثانية قالت خليني أخلص منه وبعدها , أروح لرائد أشوف سالفته خلصت سهرة ماجد. البندري: انا بروح عند الشلة أكمل سهر ماجد : توك تقولين تعبانه خلاص تعالي نامي انا عن نفسي أحس أني تعبت البندري : بكل دلع بس انا صرت زينه وأنت ياما قلت لك لا تاخذ الدواء ماتسمع الكلام ماجد : انبسط صارت زينه بعد أل ..... قال طيب روحي ( حس أنه فعلا قوي وانه إلى اليوم يقدر على أل....... ) نزلت بكل حذر طبعا مافي شلة ولا شي وراحت عند غرفة رائد بسرعة دقت الباب ودخلت وقفلت الباب , رائد :البندري البندري : اشتقت لك رائد : انا أكثر , خير حبي في شي البندري فيه شيين رائد : شيين وش هم البندري : اول شي ثاني مره مابيك تمسك يد غلا لا تحسب ماشفتك شفتكم اليوم وانتوا نازلين للحفلة , ثاني شي ليه تقول ماتغيرت نظرتك للبنات هاه؟ رائد : ابتسم ابتسامته الساحرة قال بصراحة مانتبهت أني ماسك يد غير يد حبيبتي بس ولا يهمك ماعاد أعيدها , أما عن كلامي من شوي انا قلت كذا لان مابي الشلة تنشب لي , صحيح تذكرت أبي أطلب منك طلب بس أخاف ترفضين , البندري: عمري اطلب تمنى آمر بس رائد: مايأمر عليك عدو اممممممم أبي رقم جوالك البندري :ارفعت حاجبها جوالي؟ رائد : ايه ودي اجلس معك طول اليوم بس أنتي عارفه الظروف على الأقل نكلم بعض ونتراسل مسجات. البندري : ماطلبت شي بس الجوال ورقم الجوال وراعية الجوال كلهم تحت أمرك سجل عندك 050 ............. , امممممممم راح تسجل رقمي بأسم أيش رائد : أمممممممم أنتي وش تحبين اكتب اسمك؟ البندري : شوف أنا نكي مجروحة برمشك رائد : مجروحة برمشك يعني رمشي جارحك لالالا مو حلو هذا النك نيم بعذبني اممممممممم ايه عرفت وش اكتب القمر البندري : القمر حلو مو بطال , ماقلت لي احد يمسك جوال؟ رائد: لا ماحد غير مازن خويي وغلا اذا تبي مسجات لكن لا تخافين أي مسج منك راح احطه في حافظه واسوي عليها قفل وانتي بعد سوي مثلي. البندري : يلا عمري تأخرت لازم ااروح بس قبل ماروح بسوي شي مسكته وقالت يلا على سريرك انسدح وغطته وقالت له تصبح على قلبي اللي يعشقك ( أحبك ) رائد حس برعشة وانتي من اهل قلبي ( أحبك ) طلعت وطفت النور وسكرت الباب. صار رائد يكلم البندري اذا كان ماجد مو موجود ويرسل لها عشرين مسج باليوم صار ماينام ألا لما يسمع صوتها ومايصحى ألا على صوتها ارسلت له البندري رسالة بريد صوتي بصوتها ( تصبح على قلبي اللي يعشقك ( أحبك ) ) <<<<< في المساء ( صباح النور على أحلى واحد بالدنيا ( أحبك ) ) <<<< في الصباح. طبعا رائد والبندري اتفقوا يكون لهم يوم في الأسبوع يشوفون فيه بعض طبعا من غير ماحد يدري يتلاقون في غرفة رائد بعد مايخلصون سهر مع الشلة. ورائد والبندري ينتظرون هذا اليوم بفارغ الصبر.وطبعا كانت تشوفه وهي بلبس النوم ( بجامة ) وهو بعد مايصير يكشخون بآخر الليل بعد. اليوم اللي بعده : طبعا خصص رائد والبندري يوم يتقابلون فيه لكن اليوم كان الثلاثاء المهم كانت البندري تمشي على الدرج شوي ألا اللي جاها من وراها مسك يدها ولفها على ورى وأيده الثانية حطها على فمها وسحبها تبي تلتفت مو قادرة دخلها الغرفة وفقل الباب البندري : رائد يا مجنون وش اللي سويته رائد : فعلا انا مجنون بس مجنون فيك ياقلبي البندري : اليوم مو الأربعاء وين اتفقنا مانخربط بالأيام رائد : ادري بس أنتي التفتي شوفي اللي على السرير البندري : واااااو ايش هذا رائد: كل عام وانتي حبيبتي البندري : ياحياتي اليوم عيد ميلادي رائد: وميلادي انا بعد وميلاد حبنا يا كل الحب كان على السرير باقة ورد وعلبة على شكل قلب لونها اصفر وعليها رسمه شمعة وورد أصفر وأبيض وجريدة ونظارة وكوب شاي . ( ذوقه حلو الولد ) كان حاط أيده ورى ظهره طبعا مانسيت وطلع لها علبة شوكلاته ياقلبي تسلم لي , المهم قربت منه وضمته كانت أول ضمة وأحلى ضمة , حس برعشة وهي بعد حست برعشة رائد رجع على ورى وقال أرجوك البندري انا آسف مابي أتهور البندري : انحرجت شوي وقالت طيب حبي فتحت العلبة كان داخلها شغلات حلوة شموع وورد مجفف وبرواز فيه صورته وعلبة صغيرة. رائد: اسحبي العلبة الصغيرة في مفاجأة أن شاء الله تعجبك البندري : اكيد راح تعجبني ياروحي كل شي منك حلو ياحلو وحطت يدها على دقنه البندري : سحبت العلبة ولما فتحت العلبة ألا خاتم ألماس ياقلبي فديتك يجنن رائد : أن شاء الله يجي على مقاسك البندري : أمممممممم ممكن تلبسني رائد: يناظر فيها هاه ألبسك وليه لا ولبسها الخاتم وكان على مقاسها جلسوا ياكلون الشوكلاته طبعا أكلته واكلها مايبي له كلام ويسولفون : البندري : أقول رائد ودي أسألك سؤال بس اخاف تزعل أو تتضايق رائد :افا انا أضايق في احد يضايق من روحه في احد يزعل من نفسه قولي ولا يهمك ياقلبي البندري : ودي اعرف سبب طلاق أمك من أبوك وسبب طرد أبوك لك من البيت ؟ اذا فيه إحراج أو ماتبي تتكلم بالموضوع انسى ولاكأني سألتك شي رائد: لا ياعمري الموضوع ماعاد يضايقني هذاك اول لما كنت وحيد بالدنيا هذي لكن اللحين انتي معاي ياقلبي ومن حقك تعرفين كل شي عني مثل ما انا عرفت كل شي عنك , انتي مستعدة تسمعين القصة : البندري : مستعده رائد : شوفي انا امي تزوجت ابوي , ابوي رجال على قد حاله كان يموت في امي يحبها حب مو طبيعي لكن أمي للأسف ما قدرت الحب هذا المهم سكن ابو رامي جنب بيت امي وابوي طبعا ابو رامي ولد عز مثل مانتي عارفه أمي حبت الجار أولا لجامله ثانيا لفلوسه وطلبت الطلاق , ابوي عرف باللي بينهم طلقها وكنت توني مولود ابوي طلقها وكرهها كثر ماحبها وقال لها مالك ولد عندي البندري : تسمع القصة وهي مستغربة كثير معقوله وش القصة هذي مو حقيقة خيال معقولة , طيب ابو رامي كان متزوج؟ رائد: لا كان عزوبي البندري : طيب كمل رائد: انا ما أنكر أنه رباني احسن تربية وبصراحة كرهني في امي في صغري لكن انا لما كبرت انا كرهتها زيادة لأنها تخلت عني وراحت ورى الفلوس مافكرت فيني البندري : قامت تبكي كسر خاطرها رائد: قرب منها ومسح دموعها انا مااتحمل أشوف دموعك ألا دموعك امسحيها عشان خاطري البندري : ياعمري انا بكي عليك يعني ما عرفت الحنان طول عمرك أمك تركتك وأنت توك صغير رائد: فعلا انا ما عرفت الحنان طول عمري ماعرفته ألا منك يا كل الحنان , أكمل القصة المهم ابوي رباني احسن تربية وماتزوج ألا لما صار عمري خمس سنوات بعدها تزوج , وزوجة ابوي ماكانت قاسية كانت عادية معاي بس ابوي كان يحبني كثير ومايرضى علي عشان كذا ماكانت تقدر تسوي لي شي , المهم انا عايش مع ابوي الين تخرجت من الثانوي طول السنين ماشفتها ولا عرفت شكلها غير في صورة وحده كان ابوي محتفظ فيها صورة زواجهم المهم في يوم من الأيام ومن غير أي سبب جاني ابوي و قالي شيل إغراضك واطلع من بيتي مالك مكان هنا البندري : يؤيؤيؤيؤيؤ معقوله ابوك يسوي كذا ؟ طيب ليه؟ رائد : ليه مادري لكن بعد كذا عرفت من الناس ان زوجة ابوي سوت لابوي سحر عشان يكرهني لانها كانت تغار من حبه لي يالله عليك هالناس تغار من حب اب لولده البندري : ياحياتي فديتك والله عانيت كثير , طيب شلون جيت هنا وكيف رضوا يدخلونك بيتهم؟ رائد: ماكان قدامي غير اجي عند امي عشان اكمل الدراسه . اما عن استقبالهم امي ترجت زوجها اعيش معهم وصدقيني لما دخلت ماحسيت بأي عاطفة ناحية أمي ضمتني وماحست بأي شعور انها تحبني او مادري خلاص طلعينا من هالسالفة . البندري : طيب خلاص يالله ياعمري لازم اروح رائد: تو الناس اليوم يوم ميلادك البندري : الأيام جاية ان شاء الله. |
اليوم اللي بعده :
غلا جات من المدرسة فرحانة وتصرخ من دخلت من الباب يماا باركي لي نجحت أخيرا تخرجت من المتوسط واااااااااااو أم غلا: تضم بنتها مبروك يابنتي ألف مبروك عقبال ما تدخلين علي بشهادة الجامعة اموووووووه تبوس بنتها غلا : يما من بكرة لا من بكرة أيش اليوم اليوم نروح السوق ونجهز لحفلتي لازم تسوين لي حفلة تخرج أم غلا: و أحلى حفلة تخرج بعد غلا: رائد أبيك تودينا أنا وأمي السوق نتقضى للحفلة رائد : ولا يهمك كم غلا عندي وحده البندري حست بالغيرة اممم اقدر اروح معاكم أنا طفشانة البنات ونايمين وماعندي احد. كشخ رائد بالثوب والغترة طلع واااااو قمر لما شافته البندري ( طاح سعبولها ) البندري في نفسها وش هالحلى طالع قمر فديته وصلهم المجمع , البندري : تبي أي فرصة عشان تجلس مع رائد وبسرعة جاتها فكرة قالت مثل ذيك المره تعبانه شوي بجلس هنا اذا صرت احسن لحقتكم ( كانت عارفة أن رائد ماراح يخليها تجلس لحاالها وعارفة بعد أن أم غلا بتقول : رائد خلك مع البندري اذا صارت أحسن ألحقونا هنا رائد انبسط قال هذي فرصتي جلسوا قدام بعض وهي تناظر فيه مبسوطه على الآخر حس برعشة وقال لازم اتشجع واتكلم لازم ألا البندري تكلمت : أقول رائد وش رايك بالبحث؟ رائد: يجنن تسلم أيدك البندري : والشوكلاته والباقة رائد : لا هذي شي ثاني ومالقى نفسه ألا هو يقولها عن سالفة الشوكلاته والباقة مع غيداء بالمستشفى , بعدها سكت شوي وقال كيف اعترف لها , انا عارف ماراح تطلع مني الكلمة حس أن المكان مو مناسب بعد تردد قال: البندري أقدر أشوفك الليلة البندري: ايه عادي مثل كل يوم رائد : لالالا مافهمتي أبي أشوفك على انفراد البندري : اوكي بس وين رائد: في غرفتي البندري : ( مسويه فيها ) غرفتك ؟؟؟؟؟؟؟؟؟ رائد : لا تفهميني خطأ البندري: مبسووووطه على الآخر اوكي ولا يهمك يلا نروح في الليل والشباب سهرانين سولفوا كثير وانتهت السهرة بسرعة وكل واحد راح غرفته طبعا جاء انتهاء السهرة بدري على مزاج البندري ورائد , البندري طلعت لغرفتها وهي حاطه في بالها أنه تشوف رائد قالت لماجد بطلع برى الغرفة أضبط هدية غلا ومابي ازعجك قالها اوكي طلعت من الغرفة ونزلت الدور الثاني لقت رائد ينتظرها في الصالة دخلوا الغرفة ورائد قفل الباب التفت البندري بخوف رائد رائد :خفتي البندري : لا عادي بس ليه قفلت الباب اول مره تسويها رائد : لا بس اخاف أحد يشوفنا رائد مرتبك والعرق يصب منه واقف ومحتار كيف يفتح الموضوع معها البندري : تناظر فيه رائد شفيك وش بغيت مني رائد راح عند الدولاب قال وش رايك وش البس بكره ثوب ولا البندري : لا البس ثوب وشماغ اليوم الثوب عليك طالع يجنن كأنك أمير ماشاء الله زادت شجاعة رائد ومسك البندري وجلسها على السرير وجلس هو على ركبته قدامها رائد : يتذكر كلام مازن حرفيا البندري قد مره أحد قالك أنك حلوة البندري : بكل غرور كثيــــــــــــر بعدها نسى كلام مازن وبدى يتكلم البندري اسمعيني زين مسك يدها وقال أنا أدري انك تحبيني البندري : فتحت عينها وجات تبي تتكلم انا رائد : لا تقولين شي اسمعيني للآخر وبعدها تكلمي شد على يدها وقال البندري انا أحبك البندري : تنهدت هذي الكلمة اللي كانت تتمنى تسمعها منه رائد : أصبري ماكملت البندري انا قلت لك أحبك بس من غير شعور أو أي إحساس , انا أبيك تعلميني الحب , تعلميني الحياة مع الحب كيف تصير , أنا أبي أعيش الحب معك أنتي وبس مابي اعيشه مع غيرك , ارجوك انا دايم أسمع الشباب في الجامعه وهنا في البيت أحب واحب ويجون يوصوفون لي شعورهم , انا انبسط لهم لكن ماقدرت اعيش الحب ماقدرت. البندري : دخلت اصابع يدها الثنيتن في شعر رائد ومسحت على شعره وقالت يابعد كل هالدنيا وأنا موافقة اعيش معك هالحب وقلبي راح يكون لك مو لغيرك وقفت وسط الغرفة قالت تصدق وش ودي اسوي اللحين رائد : أيش البندري : ودي اطلع الشارع واصرخ بأعلى صوتي وأقول ياناس ياعالم أنا أحب رائد أحبه رائد : لا واللي يسلمك لا تفضحينا المهم رائد تعلم الحب وصار ولا قيس بزمانه وفهم كلام مازن لما قالها اعترف لها وشوف ردة فعلها ردة فعلها هي كانت لما قالت له انا موافقة اعيش معك هالحب وصار عاشق و هيمان ينام ويصحى وهو يفكر في البندري صارت كل شي بحياته صار يحبها أكثر من نفسه ونسى كل كرهه للبنات معها وتغير كثير صار يسولوف مع بنات عمه وعادي ياخذ ويعطي والكل حس بالتغير هذا. اليوم اللي بعده : بدت الحفلة الكل كاشخ ومستعد غلا عند باب غرفة رائد , طق طق رائد : ادخل غلا : تناظر في رائد أول مره تشوفه واقف قدام المرايا ويتضبط رائد : هلا غلا وش فيك تناظريني كذا غلا : لا ولا شي رائد : تبين شي محتاجه شي غلا : لا رائد :ابتسم اها تبين شوكلاته صح غلا : لااااااااااا خلاص أنا كبرت على الشوكلاته رائد : طيب يلا تعالي ننزل البندري كانت كاشحة وجايه لرائد لكن شافته وهو طالع من الغرفة وماسك يد غلا وحست بالغيرة ونزلت , كانت الحفلة من أروع مايكون وقدموا الهدايا وانبسطوا وانتهت الحفلة. المهم في الليل والشباب سهرانين قاموا يتكلمون مع رائد عن السر وراء التغير المفاجئ هذا رامي : صدقوني يا شباب رائد طايح على بنت بس مايبي يعلمنا ولا وش تفسرون تغيره وكشخته؟ ياسر : رائد من جد احنا نتمنى تلاقي بنت وتحبها عشان تعيش مثلنا مو معزول عننا رائد : بدون أي ارتباك بكل ثقة , صحيح أنا تغيرت وللأفضل لكن السبب وراء تغيري مو بنت انا الين اللحين وأنا نظرتي ماتغيرت عن البنت. البندري انقهرت وقالت عن أذنكم . طلعت غرفتها ألا ماجد جالس ومضبط الجلسة حيا الله بيبي البندري : تتكلم من ورى نفسها أنت مانمت؟ ماجد : لا أكلت الدواء ...... وحسيت بنشاط عاد توني كنت بجي آخذك منهم القلوب عند بعضها وسبقتيني وجيتي لي. البندري : في نفسها وهذا وقتك أنت بعد أقول أنا تعبانه وأبي أنام ماجد : تبيني أزعل منك البندري فكرة لثانية قالت خليني أخلص منه وبعدها , أروح لرائد أشوف سالفته خلصت سهرة ماجد. البندري: انا بروح عند الشلة أكمل سهر ماجد : توك تقولين تعبانه خلاص تعالي نامي انا عن نفسي أحس أني تعبت البندري : بكل دلع بس انا صرت زينه وأنت ياما قلت لك لا تاخذ الدواء ماتسمع الكلام ماجد : انبسط صارت زينه بعد أل ..... قال طيب روحي ( حس أنه فعلا قوي وانه إلى اليوم يقدر على أل....... ) نزلت بكل حذر طبعا مافي شلة ولا شي وراحت عند غرفة رائد بسرعة دقت الباب ودخلت وقفلت الباب , رائد :البندري البندري : اشتقت لك رائد : انا أكثر , خير حبي في شي البندري فيه شيين رائد : شيين وش هم البندري : اول شي ثاني مره مابيك تمسك يد غلا لا تحسب ماشفتك شفتكم اليوم وانتوا نازلين للحفلة , ثاني شي ليه تقول ماتغيرت نظرتك للبنات هاه؟ رائد : ابتسم ابتسامته الساحرة قال بصراحة مانتبهت أني ماسك يد غير يد حبيبتي بس ولا يهمك ماعاد أعيدها , أما عن كلامي من شوي انا قلت كذا لان مابي الشلة تنشب لي , صحيح تذكرت أبي أطلب منك طلب بس أخاف ترفضين , البندري: عمري اطلب تمنى آمر بس رائد: مايأمر عليك عدو اممممممم أبي رقم جوالك البندري :ارفعت حاجبها جوالي؟ رائد : ايه ودي اجلس معك طول اليوم بس أنتي عارفه الظروف على الأقل نكلم بعض ونتراسل مسجات. البندري : ماطلبت شي بس الجوال ورقم الجوال وراعية الجوال كلهم تحت أمرك سجل عندك 050 ............. , امممممممم راح تسجل رقمي بأسم أيش رائد : أمممممممم أنتي وش تحبين اكتب اسمك؟ البندري : شوف أنا نكي مجروحة برمشك رائد : مجروحة برمشك يعني رمشي جارحك لالالا مو حلو هذا النك نيم بعذبني اممممممممم ايه عرفت وش اكتب القمر البندري : القمر حلو مو بطال , ماقلت لي احد يمسك جوال؟ رائد: لا ماحد غير مازن خويي وغلا اذا تبي مسجات لكن لا تخافين أي مسج منك راح احطه في حافظه واسوي عليها قفل وانتي بعد سوي مثلي. البندري : يلا عمري تأخرت لازم ااروح بس قبل ماروح بسوي شي مسكته وقالت يلا على سريرك انسدح وغطته وقالت له تصبح على قلبي اللي يعشقك ( أحبك ) رائد حس برعشة وانتي من اهل قلبي ( أحبك ) طلعت وطفت النور وسكرت الباب. صار رائد يكلم البندري اذا كان ماجد مو موجود ويرسل لها عشرين مسج باليوم صار ماينام ألا لما يسمع صوتها ومايصحى ألا على صوتها ارسلت له البندري رسالة بريد صوتي بصوتها ( تصبح على قلبي اللي يعشقك ( أحبك ) ) <<<<< في المساء ( صباح النور على أحلى واحد بالدنيا ( أحبك ) ) <<<< في الصباح. طبعا رائد والبندري اتفقوا يكون لهم يوم في الأسبوع يشوفون فيه بعض طبعا من غير ماحد يدري يتلاقون في غرفة رائد بعد مايخلصون سهر مع الشلة. ورائد والبندري ينتظرون هذا اليوم بفارغ الصبر.وطبعا كانت تشوفه وهي بلبس النوم ( بجامة ) وهو بعد مايصير يكشخون بآخر الليل بعد. اليوم اللي بعده : طبعا خصص رائد والبندري يوم يتقابلون فيه لكن اليوم كان الثلاثاء المهم كانت البندري تمشي على الدرج شوي ألا اللي جاها من وراها مسك يدها ولفها على ورى وأيده الثانية حطها على فمها وسحبها تبي تلتفت مو قادرة دخلها الغرفة وفقل الباب البندري : رائد يا مجنون وش اللي سويته رائد : فعلا انا مجنون بس مجنون فيك ياقلبي البندري : اليوم مو الأربعاء وين اتفقنا مانخربط بالأيام رائد : ادري بس أنتي التفتي شوفي اللي على السرير البندري : واااااو ايش هذا رائد: كل عام وانتي حبيبتي البندري : ياحياتي اليوم عيد ميلادي رائد: وميلادي انا بعد وميلاد حبنا يا كل الحب كان على السرير باقة ورد وعلبة على شكل قلب لونها اصفر وعليها رسمه شمعة وورد أصفر وأبيض وجريدة ونظارة وكوب شاي . ( ذوقه حلو الولد ) كان حاط أيده ورى ظهره طبعا مانسيت وطلع لها علبة شوكلاته ياقلبي تسلم لي , المهم قربت منه وضمته كانت أول ضمة وأحلى ضمة , حس برعشة وهي بعد حست برعشة رائد رجع على ورى وقال أرجوك البندري انا آسف مابي أتهور البندري : انحرجت شوي وقالت طيب حبي فتحت العلبة كان داخلها شغلات حلوة شموع وورد مجفف وبرواز فيه صورته وعلبة صغيرة. رائد: اسحبي العلبة الصغيرة في مفاجأة أن شاء الله تعجبك البندري : اكيد راح تعجبني ياروحي كل شي منك حلو ياحلو وحطت يدها على دقنه البندري : سحبت العلبة ولما فتحت العلبة ألا خاتم ألماس ياقلبي فديتك يجنن رائد : أن شاء الله يجي على مقاسك البندري : أمممممممم ممكن تلبسني رائد: يناظر فيها هاه ألبسك وليه لا ولبسها الخاتم وكان على مقاسها جلسوا ياكلون الشوكلاته طبعا أكلته واكلها مايبي له كلام ويسولفون : البندري : أقول رائد ودي أسألك سؤال بس اخاف تزعل أو تتضايق رائد :افا انا أضايق في احد يضايق من روحه في احد يزعل من نفسه قولي ولا يهمك ياقلبي البندري : ودي اعرف سبب طلاق أمك من أبوك وسبب طرد أبوك لك من البيت ؟ اذا فيه إحراج أو ماتبي تتكلم بالموضوع انسى ولاكأني سألتك شي رائد: لا ياعمري الموضوع ماعاد يضايقني هذاك اول لما كنت وحيد بالدنيا هذي لكن اللحين انتي معاي ياقلبي ومن حقك تعرفين كل شي عني مثل ما انا عرفت كل شي عنك , انتي مستعدة تسمعين القصة : البندري : مستعده رائد : شوفي انا امي تزوجت ابوي , ابوي رجال على قد حاله كان يموت في امي يحبها حب مو طبيعي لكن أمي للأسف ما قدرت الحب هذا المهم سكن ابو رامي جنب بيت امي وابوي طبعا ابو رامي ولد عز مثل مانتي عارفه أمي حبت الجار أولا لجامله ثانيا لفلوسه وطلبت الطلاق , ابوي عرف باللي بينهم طلقها وكنت توني مولود ابوي طلقها وكرهها كثر ماحبها وقال لها مالك ولد عندي البندري : تسمع القصة وهي مستغربة كثير معقوله وش القصة هذي مو حقيقة خيال معقولة , طيب ابو رامي كان متزوج؟ رائد: لا كان عزوبي البندري : طيب كمل رائد: انا ما أنكر أنه رباني احسن تربية وبصراحة كرهني في امي في صغري لكن انا لما كبرت انا كرهتها زيادة لأنها تخلت عني وراحت ورى الفلوس مافكرت فيني البندري : قامت تبكي كسر خاطرها رائد: قرب منها ومسح دموعها انا مااتحمل أشوف دموعك ألا دموعك امسحيها عشان خاطري البندري : ياعمري انا بكي عليك يعني ما عرفت الحنان طول عمرك أمك تركتك وأنت توك صغير رائد: فعلا انا ما عرفت الحنان طول عمري ماعرفته ألا منك يا كل الحنان , أكمل القصة المهم ابوي رباني احسن تربية وماتزوج ألا لما صار عمري خمس سنوات بعدها تزوج , وزوجة ابوي ماكانت قاسية كانت عادية معاي بس ابوي كان يحبني كثير ومايرضى علي عشان كذا ماكانت تقدر تسوي لي شي , المهم انا عايش مع ابوي الين تخرجت من الثانوي طول السنين ماشفتها ولا عرفت شكلها غير في صورة وحده كان ابوي محتفظ فيها صورة زواجهم المهم في يوم من الأيام ومن غير أي سبب جاني ابوي و قالي شيل إغراضك واطلع من بيتي مالك مكان هنا البندري : يؤيؤيؤيؤيؤ معقوله ابوك يسوي كذا ؟ طيب ليه؟ رائد : ليه مادري لكن بعد كذا عرفت من الناس ان زوجة ابوي سوت لابوي سحر عشان يكرهني لانها كانت تغار من حبه لي يالله عليك هالناس تغار من حب اب لولده البندري : ياحياتي فديتك والله عانيت كثير , طيب شلون جيت هنا وكيف رضوا يدخلونك بيتهم؟ رائد: ماكان قدامي غير اجي عند امي عشان اكمل الدراسه . اما عن استقبالهم امي ترجت زوجها اعيش معهم وصدقيني لما دخلت ماحسيت بأي عاطفة ناحية أمي ضمتني وماحست بأي شعور انها تحبني او مادري خلاص طلعينا من هالسالفة . البندري : طيب خلاص يالله ياعمري لازم اروح رائد: تو الناس اليوم يوم ميلادك البندري : الأيام جاية ان شاء الله. |
شكرا توته وارجو التكمله في اسرع وقت
قصه مشوقه الفارس الرومنسي |
تسلم اخوي على المتابعه وخلك معاي وان شاء الله مااتاخر عليكم
|
| الساعة الآن 06:01 AM. |