منتديات الـــود
(
http://vb.al-wed.com/index.php
)
-
المكتبة الأدبية
(
http://vb.al-wed.com/forumdisplay.php?f=65
)
- -
ضميتها وقامت تشاهق مثل الاطفال
(
http://vb.al-wed.com/showthread.php?t=254691
)
خـليجـيـ مـآرگـہ
17-10-2009 07:17 PM
ضميتها وقامت تشاهق مثل الاطفال
OoOضميتها وقامت تشاهق مثل الاطفال OoO
جتني تشكّى من عنـا الدهـر فيهـا
جتني تقول جروحها ألوان واشكـال
جتني وانـا قلبـي حزيـن عليهـا
جتني واشوف بعينهـا كـل غربـال
قامت تلعثـم واختلـط مـع حكيهـا
نغمة حزن أضفت على الصوت موّال
ظلم الدهر(شـنّ) المعـارك عليهـا
كن البنيـه مهـرة ٍ والظلـم خيّـال
لحظـة تأمّـل وقفتـنـي بيديـهـا
(ضمّيتها) وقامت تشاهق كالاطفـال
(عانقتهـا) ودموعـهـا تنتشيـهـا
وفتحت انا قلبي لجل تشكـي الحـال
فجـأه لقيـت العيـن تنظـر إليهـا
شاهدت انا منظر يليّـن لـه جبـال
شفـت الغـراق بعينهـا يحتويـهـا
شفت الكحل إختلط مع دموعها وسال
فزّيـت انـا فـزّت شجـاع ٍ ايبيهـا
حبي لها ( قد كـان يبقـى ولازال )
هاتـي همومـك حمّلينـي أبيـهـا
أبغـى أشيـل الهـم والهـم ينشـال
أبغـى أكـون بدنيـتـك مهتويـهـا
هاتي يدينك وانسـي القيـل والقـال
إنتي حياتي .. لا .. حياتـي مابيهـا
إلا وإنتي بوسطها في كـل الاحـوال
وان كان قصـدك دنيتـك إتركيهـا
خليني اسرح في سما الحب واختـال
يالله تعالـي وبسمـتـك إفرديـهـا
إمـا نفعتـك والا مانيـب رجــال
وكـل الهمـوم السابقـه أنكريـهـا
واعترفي بشي ٍ وحيـد ٍ لـك لحـال
بمسح دموعـك ضيقتـك إرفعيهـا
وجازي ليال الظلم والظلـم باهمـال
والله تـرا الدنيـا حقيـره وفيـهـا
فيها الكريم وبسطهـا كـل الانـذال
حطيت انـا يـدّي بممسـك يديهـا
وابحرت انا والغاليه ببحـور الامـال
رحنـا لديـره وردهـا مستضيهـا
وعشنا حيـاة الحـب أيـام وليـال
؟ فلسفة شاعر ؟
31-10-2009 02:31 PM
لاااااااااااهنت على روعة الطرح
اختيار مميز وانت الاميز ,,,,,,,,
دام وجودك يالغالي
خـليجـيـ مـآرگـہ
01-11-2009 12:36 AM
اقتباس:
المشاركة الأصلية كتبت بواسطة طع شوري (المشاركة 3935297)
لاااااااااااهنت على روعة الطرح
اختيار مميز وانت الاميز ,,,,,,,,
دام وجودك يالغالي
يسلمووو ع المرور الرائع يالغالي
الساعة الآن
10:30 AM
.