كانت عائلة بدر الشوق تعيش في إحدى قرى المملكة يعني قراوى مايعرفون البيجر ولا الجوال بس كانوا يعيشون في سبات وبنات اقصد ونبات وكان برنامجهم اليومي قومة من الفجر والنوم بعد العشاء مباشرة وحط خطين تحت مباشرة لأنهم كانو يتعشون بعد المغرب
بدر الشوق / يا شباب الراشد والعاشق فيصل قوموا صلوا جعلكم ماتقومون عساها نومة أهل الكهف بدر الشوق مسوي رجال وشخصية قوية
وقام العاشق فيصل اول واحد لان نومه خفيف ولما بدر الشوق شاف العاشق فيصل ساله اخوك شباب الراشد بس مسلم بالاسم ولايصلي مع الجماعة عاد العاشق فيصل نذل نذل استغل الفرصة عشان يحرض بدر الشوق قال لبدر الشوق شباب الراشد وزوجته القلق وسن سهرانين البارح عند الدش
بدر الشوق وشو حاطين دش وانا آخر من يعلم يقوم بدر الشوق وياخذ العصا ويدخل على شباب الراشد وزوجته وسن في غرفة نومهم عاد شباب الراشد نومه ثقيل لو تكب عليه مويه نار ما قام
ويقوم بدر الشوق ويطق شباب الراشد على رجليه ذا السود الشهب


وتصرخ وسن ويقول بدر الشوق الحين انا اطق زوجك شباب الراشد وانت تصارخين اجل هو يشرب وانت تسكرين " خربها بدر الشوق آخ منك طلعت ايام البحرين ودبي ويقوم شباب الراشد وش عندك يا بدر الشوق ياالقلق ليش ماتروق المنقش تراك ازعجتنا " عيب عليك ياشباب الراشد اكيد انك شارب لبن مغشوش يومك صغير ولاماتقول هاالكلام لابوك المحترم الوقور الواجب انك تاخذ العصا منه وتعطيه كم وحدة الين يذن ويقعد يقول انا داخل على الله ثمن عليك ياشباب الراشد اعوذ بالله من الشيطان الرجيم .
ليش قلت ليش عشان تسوي شخصية قدام حرمتك الشيفة وسن سحيلة ام الخلاقين ام قميص ملون اللهم لك الحمد فيه حرمه عاقل تلبس قميص ملون لا وياليته الوان تفتح النفس اخضر على احمر لا ولابسة بعد تحته ترنق رياضة اسود على اصفر على برتقالي واذا بغت تروح مناسبة لبست جزمة شراع الله اللي توزعها وزارة المعارف سابقا على الطلبة وفوق كذا شعرها فيه عشرين مليون شباصة وتوكة تقول ألغام يالها انك تعافيها ولاتبتلينا وعليها صوت صوت خفافيش اقول اسكتي بس ياوسن لاتدافعين عن نفسك انا عارفك وخابزك عطني العصا خلني اقوم عليها اخليها تفرفش يالطرمة عشان كذا

وسن / شوف ياشباب الراشد انا مقدر اكمل وياك حياتي في ذاالبيت مع ابوك هااللقلق هذا اللي مايعرف كوعه من بوعه ولاعنده احترام لاهل البيت اجل وصلت به المواصيل انه يدخل علينا في غرفتنا
شباب الراشد / اقول لك عااااااااد هذا ابوي مهما يكون وهذا بيته وهو حر فيه
وسن / وش ذا الكلام ودني لاهلي
شباب الراشد هذا اللي انتو فالحين فيه ودني لاهلي ودني للسوق ماتعرفون الا هاالكلمتين ماوراكم الا الخساير
وسن/ هذا ردك علي وين كلامك ايام الخطوبة – عاد شباب الراشد كان مجرم ولا زال ايام الخطوبة كان دائما يسمع وسن كلام حب وغزل وكان رومانسي بشكل لايوصف كان يسرق من هاالقصايد ويعطيها تالي هالليول ( جمع ليل اللي يطلع فيه القمر

آخ منك ياشباب الراشد مجرم وطبيعي ان وسن الشينة توافق على الزواج من شباب الراشد وتوهقت فيه لانه علة يامن شراه له من حلاله علة هذا المثل قايلنه في شباب الراشد .
يوووووه نسينا العاشق فيصل زرعناه برا لا العاشق فيصل حكايته حكاية العاشق فيصل كان ملقوووف ولازال الين الحين ملقووووف مرررررة بشكل غير طبيعي مرة راح وياابوه بدر الشوق للبحر عشان يصيدون جرابيع بدر الشوق كان لابس فنيلة علاق ووزار أخضر تقول علم أفغانستان والمعلم مثل العادة طاق الترسيمة طاقية زري وقميص مقلم ( مخطط للي مايعرف عربي ) وسرواله الطويل أطول من القميص ياليت لونه ابيض اهو كان ابيض بس من زود النظافة صار لون اصفر وحوافه سود كنها ركب وسن القلق المهم شاف العاشق فيصل واحد قاعد يصيد سأله العاشق فيصل وش قاعد تصيد مارد عليه سأله مرة ثانية وش قاعد تصيد عطاه الخامس سأله مرة ثالثة وش قاعد تصيد رد عليه قاعد اصيد الملاقيف اللي مثلك – بحر يالعاشق فيصل يعني وش قاعد يصيد اكيد جرابيع شكلك غبي ياللي في بالي المهم قعد العاشق فيصل ويابدر الشوق يصيدون جرابيع من البحر الميت وبعد سااااااااعات صاد العاشق فيصل ابوه اثر السنارة نشبت في وزار ابوسند ويفرح العاشق فيصل كثيرا ويتشقق ماصدق ان سنارته علقت ولاول مرة في حياته

ويحاول يرفع ماقدر ويرفع ماقدر ويطلب العاشق فيصل المساعدة من الرجال اللي قاعد يصيد ويجيه بسرررررعة

ويحاولون يرفعون الكائن الغريب ماقدروا لان بدر الشوق ماشاء الله تبارك الله ولله في خلقه شؤون كان مدور ومربرب ولافيه رقبة لأن المكيف طاح عليه يوم كان صغير يعني لو تبغى تعطيه كف تجي يدك في الهوا اقول لك مافيه رقبة سبحان الخالق الناطق وقرر العاشق فيصل ويالرجال انهم يجيبون ونش وهذا يستخدم في رفع الذبايح واللي مومصدق يسال بدر الشوق اقصد الملحمة المقصبة المسلخ تعددت الاسماء والذبح واحد .
راح العاشق فيصل لبيتهم وجاب الونش وربطوه في شجرة وشبكوه في السنارة وحطه في رقبة الرجال اللي معه وتساعد وياه ورفعو بدر الشوق ويوم طلع وياليته ماطلع اثره يوم طاح في البحر خبطت صلعته بالصخور الرملية وسوت له طريق زراعي وعيونه ازرقت واحولت عشانه داخ وهو رافعينه فوووق ويقول نزلوني نزلوني ياعيال الذين العاشق فيصل كان نظره ضعيف والشمس كانت شاقعة في عيونه ماعرف ابوه وهو فوووق ولافهم وش يقول بدر الشوق لان بدر الشوق الله يهديه ماكان يتكلم عربي لان اللي مربيتهم خدامتهم الحبشية شكن كري شكن كرا وبدر الشوق يحرك يديه ورجليه العاشق فيصل يوم شافه كذا خاف يحسبه اخطبوط والرجال اللي معه قال ياكبر هاالفقمة والشمس اشعتها تصقع صلعة بدر الشوق ( انا اعرف ان اشعة الشمس اذا جت على الشيء مثل المراية تعكسها في خط مستقيم لا صلعة ابو سند كان وضعها مختلف كانت توزع اشعة الشمس على خلق الله وتشب صلعة بدر الشوق وتسوي حريقة

وجت المطافي عشان يطفون الحريقة التي أشعلتها صلعة بدر الشوق المصون

كانت صلعة بدر الشوق عجيبة وغريبة لدرجة ان منظمة الصحة العالمية طلبت تسوي عليها ابحاث ويوم سوو عليها ابحاث اكتشفو شيء غريب وشو هاالشيء لقوا ان راس بدر الشوق كله عبارة عن صلعة بس بدون مخ يعني مافيه تفكير يعني بدر الشوق لو يشوف الكنغر يلحقه الين يمسكه مو عشان يبيعه لا بينطل ولد الكنغر برا وبيركب مكانه – وطلبت منظمة اليونسكو صلعة بدر الشوق بحكم كونها مافيها مخ بناء على التقرير السابق عشان يعرضونها كأحد الآثار الفرعونية النادرة ولتكن البداية في مهرجان الجنادرية المهم نرجع لبدر الشوق في البحر العاشق فيصل بعد مادقق فيه عرفه وقال للرجال خله هذا ابوي الرجال ترك الونش وطاح بدر الشوق في البحر وصار احد الطحالب


العاشق فيصل المجرم راح ينادي خفر السواحل عشان ينقذون بدر الشوق المسكين

لما انقذوه عطوه ورقة وسألهم بدر الشوق وش هالورقة قالوا له ورقة غرامة لازم تسددها الحين قال بدر الشوق انا مامعي سيارة ولا اعرف اسوق قالواله لا انت لما طحت في البحر اشعة الشمس عكست على صلعتك في البحر السمك ظنه واحد يكبس فتحوه له الطريق السمك صقع في الصخور الرملية ومات وكذا خسرت الدولة ثروة سمكية ودفع بدر الشوق الغرامة حكومة غصب عليه يدفع وشال العاشق فيصل المجرم ابوه على ظهره وراحوا البيت ولما دخلوا قام شباب الراشد وزوجته الشيفة وعلى طوووول سفري وين اللي صدتوه قال العاشق فيصل هذا اللي صدناه ابوك
شباب الراشد وشلون يعني مانتغدى قال العاشق فيصل انا عندي فكرة بما احنا تماسيح انا وانت وابوك ليش مانتغدى على هااللي قاعدة مامنها فايدة اكل ومرعى وقلة صنعة خلنا ناكل حرمك المصون وسن اللي دايما تحش فينا وتقول علينا تماسيح وتعجب اشباب الراشد الفكرة وياكلون وسن الضعيفة ويشاركهم في الجريمة بدر الشوق سواها ساندوتشااات بدر الشوق لانه كان جوعان ابو كرشة وتجي المباحث وتحقق معهم ويروحون في خرايطها ويودوعن في السجن واللي يبغى يزورهم تراهم في سجن حاير ومحتاجين فول وعدس وورق عنب عشان تنبت صلعة بدر الشوق عشان اذا طلع يلقى بنت الحلال اللي ترضى فيه .