روّح العام غادرنا بخيره وشره=انطوت صفحته يالله حسن الختام
السجل انكتب ماضاع مثقال ذره=ينفتح ساعة فيها الخلايق قيام
يوم اغبر كفانا الله من جور حرّه=يوم مابه خيار ولا يفيد الكلام
يوم عن الف عام وفيه حلوة ومره=اما نار توقّد او جنان السلام
يوم كل البشر كلا سكن في مقره=فيه ناس تهان وفيه ناس كرام
وانت يانور عيني خذ من الوقت عبره=قبل ساعات فيها مايفيد الملام
اعسف النفس عن درب الهوى والمضره=اجتهد واجعل الباقي لرب الانام
واللسان احفظه عن كل هفوة وغرّه=لايوديك شرق ولايوديك شام
والجماعه عليهم يافتى لاتشرّه=حتى لو كان منهم ماتذوق المنام
الجماعه ذرا في ساع ضيق ومسره=رجل من دون ربع للاعادي طعام
واعلم ان الصبر خير ومبرّه=ماندم رجل حط الصبر عهد ومرام
بالفرايض تمسّك كرّة بعد كرّه=لاتهاون تراها حق عهد وذمام
واحذر البخل لايطريك لو كان مره=دايم الاجودي جوده بصدره وسام
واكرم الضيف من يكرمه لله دره=والدينك وجارك خلهم في الامام
واكتم السر في صدرك واحرص وزرّه=واحذر انك تذيعه عام من بعد عام
وان حداك الزمن اعنز لرب المجرّه=كل هذي البسيطه ماعليها دوام
يوم صافي وشمسه شاعقه مستمره=ويوم لابد مايغشاك بعض العسام
والف صلوا عداد الخلق بحره وبره=تبلغ المصطفى المختار خير الانام

●●●
انتقـآء رآئــع, وطرح جميــل كجمال روحك
دآئمـآ مآنرى الإبدآع والتميز يلآمس انتقائك
ربي يعـــآفيك وآلف شكـر لك. دمت بكول خير وسعادهـ
مع تحيآتي : قلب الزهور .ببآي

المشاركة الأصلية كتبت بواسطة شمس القوايل (المشاركة 5579248) ~ ! الطلحي 2000! ~ صح السانك واعتلى شانك ولاهنت دمت ودام نبض القلب والقلم ننتظر كل مايجود به قلمك كل الود شمس القوايل

المشاركة الأصلية كتبت بواسطة قلب الزهـــور (المشاركة 5579304) ●●● انتقـآء رآئــع, وطرح جميــل كجمال روحك دآئمـآ مآنرى الإبدآع والتميز يلآمس انتقائك ربي يعـــآفيك وآلف شكـر لك. دمت بكول خير وسعادهـ مع تحيآتي : قلب الزهور .ببآي http://files2.fatakat.com/2011/7/13100144191815.gif

المشاركة الأصلية كتبت بواسطة على بـن قنور (المشاركة 5579798) ياسلام عليك يالطلحي صح لسانك والله لايهينك قمة الأبداع قصيدة وافية من رآس وافي تحياتي وآحترامي لك