الفية العسيري
ناسف للانقطاع ولكن للظروف احكامها
الف اولف يا جماعه قصيده = افكارها تحمل معاني جديــده احداثها تحكي مواقف عديده = لعلها اتلامس مشاعر ووجدان البا بدينا بسم رب الجلاله = الواحد الي ما رضيـنا بداله ثم الصلاة على محمد وآله = رسول من في الارض انس ومن جان التا تقول السالفه يا جماعه = شخصن فقير وعايش في قناعه لاعنده اموال(ن) ولا له بضاعه = ولا له ولدعم (ن) يروفه ولا اخوان الثا ثمانن هم بناته بلاذكور= ابو البنات اسمه وبه صارمشهور على حياة الذل والفقر مجبور = وموكل امره للولي عالي الشان الجيم جيرانه لحاله يروفون = لحتاجهم ماقصرو له يعينون وفوق فقره صار للناس مديون =يصد وجهه كل ما مر ديان الحا حوالي تسع مية ريالي = فاتورة الكهرب..والجيب خالي ظلامهم دامس بسود اليالي = يفرح إلا من شاف نور الفجر بان الخا خذا لاهله فتيله وفانــوس = يمشي اموره على قد لفلوس وانشهد ان المال للشخص ناموس = المال عز الدون ويذل شجعان الدال دخانن تصاعد من الدار = زادن يسوونه على واهج النار اما بتنور اوعلى جملة احجار= ما يعرف الا خبز مله وقرصان الذال ذاق المر فاول حياته=لو هو بيده كان عجل مماته ويزيد همه لا نظر في بناته = بنات مثل الورد للطل عطشان الرا رحوم القلب يعطف عليهم = لشاف حالتهم وما في ييدهم غير الفقـروالناس محدن يجيهم = مافيه عيب الا انه انسان فقران الزين زاد الحمل وانهد حاله = كنه بدنيا القهر عايش لحاله دايم يفكر في مستقبل عياله = ما نام ليله يقضي الليل سهران السين سالم هو من الناس جاره =عنده ونيت احمر مصدي غماره لكن سالــــم دوم يحسن جواره = يوقف معه ويقول ياخوك جيران الشين شافه يوم ممطر على البيت = ناداه وشبك لا تكون استخفيت قله حشى لله لكني ازريت = الماي ينزل من سقف بيت هريان الصاد صاح وقال والله مصيبه = يالعنبو هالدار.. مثل الزريبه والكل ياخذ في حياته نصيبه = وانا نصيبي هم والدار تلفان الضا ضحك سالم مثل ضحك مجنون= جاله وقال ابشر من الجار بالعون وابشرك تنحل وابليس ملعون = يبي ينسيه المواجع والحزان الطا طوى فرشه وحط الاواني = وسطه ووزاهـــــم بركنن يماني واهله ببيت الجار لنه اماني =وهو يرمم سقف بيته ولاركان الظا ظروف الوقت هزت كيانه = لو كان شخصن ثانين في مكانه كان انتهى عقله وزايد جنانه = لكن صاحبنا قوي صبر وايمان العين عقب اعوام مرت طويله = وعقب همن كان قلبه يشيله اليوم كل الهم يعلن رحيلـــه = جاه الفرج من رب راحم ورحمن الغين غاب البدر في تالي الليل = وهو يصلي يطلب الله تساهيل يدعي ودمعه فوق خده كما السيل = يطلب من المولى مثوبه وغفران الفا فرح لو كان ما هو بعاده = لكن بناته يجلبون السعاده قالو تخرجنا وهذي الشهاده = مـن فرحته دمعه جرى فوق لوجان القاف قالو له بناته على الفور = ربيتنا وعلمتنا الف مشكور ياما صبرت اسنين وايام واشهور=واليوم تجني الخير يا عز انسان الكاف كل الناس جوله مـهنين = بمناسبة تعيين ذيـك المزايين بناته الي رافعينه من الطين= الي هم افضل من رجال وشبان اللام لميا اكبر بناته وساره = شـرو لبوهم بالمدينه عماره واعطوه مالن يشتغل بالتجاره = والموتر الي يركبه وارد المان الميم مال الوقت والوقت ميال = ولا شي غير الله يبقـى على حال واليوم لا ينفعك عـــم(ن) ولا خال= ان كان جيبك عامرا فأنت كسبان النون ناسن يستهينو الاناثي= ان الله عطاه البنت سوى المراثي هذا جهل فيهم اضنه وراثي = بنتك تربيها على خير واحسان الها همـوم الناس صارة كثيره= منها العطاله مشكلتها كبيره خريج ما يقدر يكمل مسيره= تلقـاه باسط له بخوخ(ن) ورمان الواو وايضا مشكلتنا التباعد = لاهي لنا في ساس ولا قواعد لحتجت جارك هملك ما يساعد = ولا يزورك لو دري فيك مرضان اليا يقول آخر كلام العسيري =انثر لكم ريح المسك والعبيري واقول ياسحبن بها الخير سيري = واسقي هل المعروف في كل لوطان اتمنى ان تحوز على استحسانكم تقديري للجميع العسيري |
صح لسانك ولا هنت
وقصيده روووعه ومؤثره الله يعين تحياتي لك |
ستبقى .....
معادلة صعبة في سماء الإبداع .. إحساسك جميل .... ووصفك أجمل منتظر لكل ما هو جديد لك أخوك سي سي |
اخوي يمك دروبي
مرورك شرف لي واشادتك وسام اتقلده دمت سالما من كل سوء |
اخي الغالي مجرد قلم
الاجمل سيدي من كل هذا هو مرورك الرائع وكلماتك العذبه دمت بوافر الصحه والعافيه |
اديـــــــــب
صح لسانك قصيدة جزلة المعاني وافرة الشاعرية يعطيك الف عافية اخوي تــــــــــــــــحـــــــــــــيـــــــــــــــاتـ ـــــــــــــــــــــــي |
اخي جروووح روووحss مشرف همس القوافي
شرفتني بمرورك العذب وباشادتك المشرفه دمت وسلمت من كل سوء لك تقديري واحترامي |
العسيري . . حييت وأهليــــن
صح السااانك وسلم بوووحك ربي يعطيك الف عاااافيه ودمــــــــــــــــــت’’’ |
صح لسانك
كلمات جميله وحس عالي تقبل تحياتي |
اخي الفاضل / عتيبي ليا هبت الريح
صح بدنك شرفني مرورك الرائع دمت بخير |
الساعة الآن 07:52 PM. |