|
*,’(( ما كل رجال " يبدل برجال ))’,*
الناس تسأل بعضها كيف الاحوال تسأل وهي اصلآ تعرف الإجابه الناس تسأل تحسب ان بينها حبال لكنها الدعوى كلام وذرابه دنيا يشاركنا بها ألوان واشكال فيها الرجل قيمته ، كم في حسابه ! ؟ عندك ريال إعرف ترا قدرك ريال ولايهمك صوت عوي الذيابه والناس غصب تحب من يملك المال لو كان طول العام مقفول بابه لامن دخل بالمجلس اهتز من جال لو كان ما يملك صفات النجابه دنيا نعم دنيا ويا كثر الازوال فيها الردى والطيب تالي تشابه ما عاد يحشم عم فيها ولا خال كل ٍ على يمـِـه يشدد ركابه الرجل فيها ما يتعـّـنز على عيال يا عوين من حط الرجاء بالقرابه حط الذهب بالشمس واقعد بالأظلال حطه لعينك لو يتعـّب ذهابه وانا صغير السن فيها لي آمال لكن اشوف الوقت ركـّـز حرابه بعض البشر تكسبه لاصرت عـذّال والبعض يزعل من مجرد عتابه (( ما كل رجال"يبدلبرجال )) لوه تشبه به ويلبس ثيابه كم رجل في رجله من الحرمه عقال وكم رجل له حرمه تسنع زهابه الرجل سيف ٍ تصقله بنت الابطال وكم سيف مسلول " دخل في جرابه في عيني اشوف البشر داخل إقتال وكل عن الاخر يخفـّـي صوابه لاتغـّـرك دموع العرب فوق الاطلال من بينهم لا عشت كنك بغابه ما شفت فيهم واحد " صافي البال ولا لقيت المهتني في شبابه سعادة الدنيا تجي بعين الاطفال اكبر هموم الطفل لاشفت , مابه تدري السعاده ليه يا رجل الاعمال مافكروا في ناطحات السحابه ويا مدّور الراحه عسا اسنينك طوال وين انت غادي عن دروب الصحابه إنعيش ما كن الله بيوفْ الآجال ما كنها الايام تنِـهب نهابه دار الشقاء الدنيا , تعب , هم , غربال ودار البقا الاخر وفيه الرحابه الموت شرع الله ولا دونه إمهال الموت سهم ٍ لانوى الشخص صابه الموت ما ينفع به اقفاي واقبال ياخذ غريمه لو زبن عند لابه يقوله ابن قريش لا قيل من قال اسمي ويحفظ لي حقوق الكتابه لـ محمد بن قريش القحطاني |
يعطيج العافيه ملكة الرومنس ع الطرح والاختيار الرائع
ننتظر المزيد لاهنتي |
قصيده ممتلئه في المعاني الراقيه في المخاطبه
صح السان شاعرها وناقلها يسلمووووووو |
كل الشكر لتواجدك الغالي شمس القوايل والمميز هنا
ودي وتقديري |
كل الشكر لتواجدك الغالي ملكة الخواطر والمميز هنا
ودي وتقديري |
,, تَحَمَلِونْ بَيْنَ أَنَفْاسُكِم وَطَنْ اَلْإبدَاع مُتْرَفٌين بـِــ الج َّـــمَال والأَلَق لاعَدَمْنَا ضِيَاؤُكِم http://jp59.j.p.pic.centerblog.net/v39qw9pl.gif |
كل الشكر لتواجدك الغالي يحيى الشاعر والمميز هنا
ودي وتقديري |
| الساعة الآن 03:49 PM. |