|
ll جبل داب ذِريّع ll تصويري الخاص
السلام عليكم ورحمة الله وبركاته صباح / مساء الورد موضوعي اليوم عن طلعة بريه لمكان تاريخي طلعتها أنا ومجموعه من الشباب عددنا 7 أشخاص كان الوقت قوبيل صلاة العصر إلى أن صلينا المغرب وبعدها رجعنا المكان : جبل ذّريّع <~~ وهو آصلاً مجموعة من ثلاثة جبال قريبه من بعض بين كل واحد والثاني من 5 إلى 10 كيلو تقريباً وهذه الضلعان توجد فيها ذئاب لوقتنا الحالي يقع جبل ذّريّع في وسط نجد أقرب مدينه له البجاديه التابعه لمحافظة الدوادمي التابعه لمنطقة الرياض والجبل هذا فيه غار أو ( دحل ) ويقول المؤرخون واللي لحقوا على السوالف القديمه إن هذا الغار فيه مويه ويحرس المويه داب ( ثعبان ) ويعتقد إن هذا الثعبان مسكون ( فيه جن ) اللي يجي يروي من مويته ولا يأذيه يتركه الداب يرتوي ما عادا فخذ من قبيلة ( حرب ) يُدعون ( الحنانيه ) ولكل من يقرأ هذا الموضوع يبحث في قوقل عن معلومات أكثر عن هذا الجبل وهذا الداب بكتابة ( داب ذريع ) في قوقل حتى تعرفون وش علاقته ( بقبيلة حرب ) <~~ أعتذر عن هذا التوضيح لكن عشان الكل يكون مُلم بالموضوع * طولت عليكم ننزل نشوف جوالي العزيز وش صور لكم في هذه الرحله 7 7 http://i56.tinypic.com/f4fbt2.jpg هذا الجبل يسمونه ابو رقيبه لان له إرتفاع مثل الرقبه نزلنا عزبتنا في أحد الغيران فيه من هنا كانت بداية الرحله / وبعدين رحنا لــ الضلع الثاني قريب منه يسمى على ما أعتقد ( أبو حجول ) <~~ بحثت عنه بقوقل عن هذا الإسم http://i52.tinypic.com/21l673q.jpg شوفوا سبحان الله كيف ثبت الصخرتين للي في يمين الضلع وهي على ميلان مع إنها ليست من أجزاء هذه الجبل لكن مثبتها الله وهذه صوره للضلع عن قُرب http://i56.tinypic.com/be683o.jpg وهذي صورة أقرب http://i56.tinypic.com/dxfvqe.jpg / الصورة القادمه لــ ضلع أبو رقيبه اللي عزبتنا عنده إلتقطة الصوره وأنا واقف عند ضلع أبو حجول http://i53.tinypic.com/2u598gg.jpg واضحه المسافة ما هي بعيده بينهم / أعجبتني هذه الشجره بجنب الضلع وقلت أصورها http://i55.tinypic.com/15cyrlt.jpg وهذي نفس الشجره لكن من زاوية آخرى سويت الخلفيه الشمس قبل الغروب بدقائق http://i56.tinypic.com/149qvr.jpg / الصوره القادمه ضلع صغير قريب لــ ضلع أبو شداد http://i53.tinypic.com/21meqsk.jpg / الصوره القادمه هو ضلع أبو شداد سمي بهذا الإسم لأن شكله من بعيد كأنه الشداد اللي يحطونه على ظهر البعير , وهذا الضلع اللي فيه الغار ( الدحل ) اللي يسكنه الداب http://i55.tinypic.com/2u44f12.jpg http://i52.tinypic.com/a9wo5l.jpg وهذي صورة الغار ( الدحل ) اللي فيه المويه اللي يحرسها الداب <~~ الناس يقطعون مئات الكيلو مترات عشان يشوفون هذا المكان يتبع 7 |
/ وهذي صورة حفره قريبه من الضلع محفوره من قِبل شركه يستفاد من رمل هذه الحفره في مشاريع الرصف والطرق الرمليه على ما أعتقد والنزول لقاع الحفره يكون بشكل لولبي بالسيارات بمحاذات جال الحفره بحيث كلما تنزل للقاع يقل عرض الحفره وكنا دائما بوقت البرد ننزل تحت لما نطلع نتعشى لانه تحت أدفى *_^ / غروب شمس ذلك اليوم كان القمر بدراً ساعتها لأن الليله للي طلعنا فيها ليلة 15 من هذا الشهر شهر ذي الحجه والقمر طالع بدري مع وقت الغروب / بعدين رجعنا لمكان عزبتنا عند ضلع أبو رقيبه وصلينا صلاة المغرب وبعدين مشينا وهذي صور الهايلوكسززززز <~~ دلع ^_^ سيارة العيال وفرووودي سيارتي <~~ دلع بعد *_^ طبعاً متوزعين بين السيارتين عشان الزحمه ^_^ والسيارات واقفه قبل نصلي المغرب إنتهت هذه الرحله وصراحه من أجمل الطلعات البريه اللي طلعتها وحبيت تشاركوني أجواء هذه الرحله ولو بالصور إن شاء الله اكون وصّلت لكم بعض من المعلومات عن هذه الجبل ( ذّريّع ) اللي كسب شهره بين الجبال على مستوى المملكه والجزيره العربيه لوجود ( داب ذريع ) فيه آسف ع الإطاله تحياااااااتي للجميع |
سبحااااااااااااااان الله
قمة برووووووووووووووووووووووووعه والأبدااااااااااااااع لاسيماااا الأمكااااااااااااان ولحظااااااااااات متفرقه غروب وصحوة الجو’’’’’’’’’’’وجماااااااااااااال الطرح الله يعطيك العااااااااااااااااافيه ويسعدك على صور والمعلومااااااااااااااااااااااات |
وعليكم السلام ورحمة الله وبركاته مشكور عطر ملكي على ها المعلومات من جد صار عندي فضول اعرف اكثر عنها صور رووعه والتقاط فيه مهاره ماشاء الله تسلم الايادي ويعطيك الف عافيه لاعدمناك |
يعطيك العافيه عطر ملكي ع المعلومات والصور الرائعه
نرقب الزود من هالابداع لاهنت |
صور روعه ومعلومات جميله بصراحه اول مره اسمع فيه وماشا الله تصويرك حلو يعطيك العافيه اخوي.. |
http://i56.tinypic.com/mab1xy.jpg
التصــــــــــــــــــــــــوير قمه في الابداع صرااااااااحه.... انا اول مره اسمع عن هذا الجبل..والحمد لله عرفت معلومــــــــات عنه..... مشكور عطر ملكي والله يعطيك الف عــــــــــــــــافيه....... |
http://i55.tinypic.com/15cyrlt.jpg يعطيك ربي العاافيه نشكرك اخوي الغالي عطر ملكي على هذا المجهود الجميل لتنقل لنى رحله جميله امتعتنى بجد بما تحمل من صور ومعلومات وننتظر دائماً جديدك وتقبل ودي وتقديري |
معلومات جيده ومفيده وصور راقيه واخرج جيد لاهنت ياعطر ملكي
|
معلومات جديده و اشتقت ابحث و اقرا عنه اكثر .. http://i56.tinypic.com/dxfvqe.jpg http://i55.tinypic.com/15cyrlt.jpg http://i56.tinypic.com/149qvr.jpg اهنيك على هذه الإلتقاطات ... فعلا جميله و فيها فن .. بانتظار كل جديد ... يعطيك العافيه :) |
| الساعة الآن 07:04 PM. |