|
على ذآك الرصيف..!
السلام عليكم ورحمة الله وبركاته
أول طرح لـي أتمنى ينال إعجآب ذآئقتكم الشعرية ,.., ضاق صدري ورحت أفضفض قاصد (نفس الرصيف)! شفت نور الحي "زايد" وأنا خبري به ظلام..! والغريب انه خفوقي زاد نبضه مدري كيف..!! كني "طفل" يبكي خايف ضايع وسط الزحام أثرها (كانت وراي) والضياء ماكان طيف قبل ماأوقف وأسلم قلبي المشتاق قام..~ ماطرى في بالي إلا "يابخت" من لك وليف عينها بعيني ونظرة رجعتني كم عـــــام.. فجأة..! شفت أشجار تخضر وهي في عز الخريف وهذا هو حال المفارق يوم يطري له الغرام..~ يبتسم يشبه بشوقه للنظر شخص كفيف الأمل ضايع ولكن الأماني مو حرام..~ الثواني تمر وتمضي أشهد إن الوقت سيف فجأة قالت كيف حالك قبل ماأرمي السلام كنت أحسب إني قوي لين اكتشفت ان (احساسي زيف) ماعرفت أنطق بكلمة "شاعر" وخانه الكلام كيف أقول إني (بخير) وباين بقلبي النزيف! والملامح بان فيها عين ماعادت تنام مرتبك واقف وساكت (أنفض غبار الرصيف) بالعجل هزيت راسي يعني أخباري "تمام"..! وانسحبت بلا تردد لأني "إنسان ضعيف" والقوي (لاشاف موته) يوم يضعف مايلام..~ .. رآقتني مودتي ~ |
اصايل نجد / ياهلا وغلا فيك وحياك الله يعطيك العافيه على روعة الطرح اختيار مميز ونتطلع لنزف قلمك ,,, تقبلي مروري المتواضع ودمتي بخير ينقل للقسم الانسب |
هلا فيك خيو
يعافيك ربــي.. الروعة طلتكم.. أسعدني مرورك العذب |
. . . روعة ...من جد .. ((الكثير يستطيع النقل ،، لكن الندرة من يحسن الإختيار )) هنا يقف قلمي ليعيش عوااالم معاني هذه القصيدة،، هنا استوقفتني تلك المشاعر التي بين حنايا هذا المنقول ،، هنا ارتوت مداراتي من بديع ماقرأت ،، عندها أدركت بأني أقرأ منقولا لك ،، . . مودتي |
الروعة طلتك الغلا مرورك جدا أسعدني وأبهجتني كلماتك الراقية دمتي و دآم تواجدك معي |
| الساعة الآن 02:14 AM. |