|
العدد رقم عشر طعش من ابياتي
دام الدنيا فانيه / ليه الزعل ؟ ليه الضيقه / وحرقة الخاطر ؟ ارمي الماضي / وصكّه بنعل :) والعب بوقتك لعبة الشـاطر .................................................. ...... وش حيلتك لاضاقت عليك الوسيعه ؟ وحلـم ٍ رجيتـه / مـيّت ربيعـه ! ونفـس ٍ عيّـت ترضخ لضعفـك ! وضعـف ٍ ابتلش بعـزّة رفيعـه !! .................................................. .. هوى بالي كاسبين النفيله قروم ٍ على روس الطويله لهم بداخل الروح مربـع كميّة غلا راهيـة ثقيلـه ............................................ ضيقة ٍ باالصدر زادت واستبدت انهكـت حالي وبحلمـي تغدّت كايـد وجعها لين اغرقت عيني ناشبه باالروح لين الروح ندّت ! .............................................. هوانا العنا وهويناه ! لعيـون منهو نحبّه ولوّه ذابـح ٍ بلـواه ولانافـع ٍ زاده وطبّه العذب اللي نقيّه مزاياه اللي عليه قلبي اربّـه ! ......................................... بمثل هالوقت كان موجود ! بمثل هالوقت اسامر حروفه ! اتنفّس طيب ازرق العـود واموت واحيـا على شوفه ! ............................................. انعش الروح يالساقي وبلل ظامي اوراقـي واكتب من حِداء حرفك مايسكن داخل اعماقي انت ليه متلفٍ حالي ؟ وتهنى بشوفة الشاقي ! حبيبي / لالا تعذّبني ! ولاتخلف هقوة اشواقي ! حبيبي / ماعاد بي حيله لاتبعثر باقي اوراقـي !! ............................................ شوقي ماحسّب ذنوبه ! ولاخاف في ذبحنا ربّه ! مشاعري منه مغلوبه ولاجاد علينا بطبّـه ! غصب ٍالتفت صوبه وابـرّد جروحي بهبّه الاليته اعلن التوبه ! من قبل روحي تحبّه !! ................................................. وبس :) |
تسلم يمناج مـــــدى ع الطرح والمسجات الروووعه
مبدعه كما عهدناج يحفظج المولى ننتظر المزيد والجديد من هالابداع دومااا |
الله الله ابيات في قمة الجمال المدى صح لسانك شاعرتنا كعادتك راائعه في نثر حروفك متميزه فوق الوصف ربي يعطيكِ العآفيه |
اقتباس:
شهاده اعتز فيها الله يحفظك تسلمين على الحضور اللي اتشرف فيه دمتِ بخير |
اقتباس:
صح بدنك ولاعليك زود يالغاليه تسلمين على جمال حضورك ويعافيك يارب |
يعطيك ربي العافيه
شاعرتنا المبدعه مدى نشكرك على هذه الابيات حاملت الحس الجميل ودائما ننتظر جديدك ودي وتقديري |
هلا باالاحساس ويعافيك ربي ياملك شهاده اعتز فيها ودّي وتقديري |
يَ سلآلآم صح لسانك شاعرة الود راقت لي كثيرآ واول وحده روعه يعطيكِ العافيه ودي وتقديري ^_^ |
هلابك يامحمد صح بدنك ياذوق شهاده اعتز فيها الله يحفظك ودي وتقديري ياخفيف الظل :) |
رووووووووعه الله يسعدك يارب
لاتحرمينا ابدااعك |
| الساعة الآن 03:32 AM. |