|
(( تفضل تقهوى من بنـآآآت الفكر لا فـآآآح ((
هذي القصيدة للشآآعر القدير العبيوي سندها لي وربما كان القصد منها معرفة القدرة الشعرية لدى مهآآجرة " انا البارحه ليلـي سـرى مانـي بمرتـاح=اردّ الدموع اللي رست فـي طـرف عينـي وأرددّ مع نفسي ..واقول: الجمـل لاطـاح=وكـاد انهـا تكثـر علـيـه السكاكيـنـي ألا يامـهاجره والعلـم ..قفـلاَ بـلا مفـتـااح=ولأدري المعانـي ويـن تبغـى توديـنـي شعبت الهجوس اللي ترك راعـي الملـواح=وشمخ بالسماا واقفـى يخفـق الجناحينـي سبب من ظلمني يامهاجره ..والقلـوب صحـاح=ظلمنـي ولاعـنـده ..شهود..وبراهيـنـي وانا اليا متى اجامل ؟..واحابي ؟.. وانا لمّاح=واقول : اصبر..وربك عليهـم يبـي يعينـي تعبنا ..نـدوس الشـوك.. ونقـدم التفـااح=نحسب العرب ..تحسب ..فعـول الكريمنـي ألا ياهل رماح افزعولـي ..وانـا برمـاح=ترى مابقى ألا أكلـم الشيـخ ابـو ثنينـي وانا اخوك جيت انشدك ..والهم لـو ينـزاح=ذرفـت الدموع..وقمـت افـرّك بيديـنـي (اذا قام غنا ...حبيّـب وصاحبـه القرقـااح=وقفتي مـع ..العتبـان.. والا القحاطينـي ) // // وهذي ردي المتوآآآضع على الشآآعر العبيوي " http://img33.picoodle.com/img/img33/...7m_ee15d6c.gif
هلا مرحبآ يا بارق(ن) في سمانا لاح= تخيله عيون الليل والصبح حاديني وعذب التحايا فوق صدر الورق ترتاح= لقاف(ن) تسطّر فوق حدب الضلاعيني لفتني حروفك صوتها دايمآ صداح=مزون تراعد فيضها الجم غاشيني علي تشتكي جرح الهوى والهوى فضاح =وأنا كيف أداوي علة بالشراييني نزف جرح قلبي قبلها وطعنته رماح= وفي لوحة النسيان سطرت بيتيني عسى الهم عن قلبي بساعة أمل ينزاح= وعسى الله يجبر خاطر الصمت ويعيني قصيدة ألم أشوفها لعالمي تجتاح = وتحرك سكون الليل والجرح يكويني بسند عليك هموم هجر وجفاء وجراح=وبقول لا تشكي علي ثم تبكيني تفضل تقهوى من بنات الفكر لا فاح= وكيف(ن) يعدل مايلات الموازيني أنا يا العبيوي جيت للمنتدى سواح=وفي نيتي أقطف ثمار البساتيني أسلي خفوقي بالشعر وأكتبه لا باح= ولي حكمة في الرد يا من تحاكيني أحب الصراحة والمعاني تجي بإيضاح=وأعشق الجزالة من بداية عناويني ولكن جسور البوح جد(ن) مهي بمزاح=تولعت في ركب الربوع المقفيني تعلقت في ثوب الأمل وأرتديت وشاح = وترانيم حرفي يا العبيوي تواسيني توكل على الله وأعقد العزم يا وضاح=وبالصبر تلقى كل شيء لك يزيني وبالله أملنا فالق(ن) فجة الأصباح=يغيث القلوب الممحلة مدة سنيني ومع سالفة ظلم العبيوي وأبن قرقاح= أنا مع خيوط الوصل والفجر بيبيني // // http://basmagm.files.wordpress.com/2007/11/268_2.jpg بآآقة من الورد لجماآآل بوحكـ أتمنى أن تحوز على رضآآآكم ,, // مهآآآجرة |
هلااا بالغاليه مشرفتنااااا
لا لا يامهاجره شهاتي فيك مجروووحه وانتي شاعره متمكنه بقوووه واحب القبك .. الخنساء .. لانك شاعره وارفع قبعتي لكي وعلى ماطرحتي أنا يا العبيوي جيت للمنتـدى سـواح وفي نيتـي أقطـف ثمـار البساتينـي أسلي خفوقي بالشعر وأكتبـه لا بـاح ولي حكمة في الرد يـا مـن تحاكينـي يا سلاااام عليك يالخنساااااااااء خلاااص مالي كلام والا راااح اتعرضك بالشعر تقبلي مروري يالخنسااااااااااء العبيوي |
العبيوي شآآعر الكيبورد الجزل شآآعريتك جزلة ومعانيها وآآفية ولكن عندي نصيحة لك كأخت تقبلها إن شئت " أنت شآآعر كبير لما أجده من جمال التصوير في أغلب قصآآئدك وتمتزج شاعريتك بالثقافة والخيآآل الوآآسع وهذا وجدته في قصآئد غير هذي القصيدة لا يحضرني أسمها فلو كتبت القصيدة ونقحتها وقرأتها مرتين أو ثلاث مرآآت لكآن هذا أجمل وأبلغ لتخرج لنا نصآ شعريآ رآآقي ولوحة من البوح متكاملة وآآفية الشروط بلا خلل في الوزن ... // // حضور يسرني ومجـآآرآآة رآآئعة أستطعت بها أن تخرج بعضآ من المخزون الذي بداخلي والذي شعرت بأنه بدأ ينضب معينه . ولقب الخنساء يشرفني ولا تنسى بأني من حفيدآآت بخوت المرية يعني إذا ما كتبت شعر متكامل لا يمكن أن أكون من وريثاتها لحمل لواء الشعر . سعيدة جدآ بمجارآآتك وأنتظرك في أخرى .. كل الوفاء لشخصك " |
العبيوي قل ارفع عقالي مش قبعتي >>ههههههههههه
من جد قصيده اكثر من رائعه ومايحتاج مهاجره شاعره راقيه ... ومايختلف عليها اثنين... لاهنتي يالغلا مودتي |
السلام مسك البداية والختام السلام عليكم ورحمة الله وبركاته اقول والعلم عند الله انني كنت ولازلت اقول ان المحاورات الشعرية والردود بين الشعراء تعد مدرسة يتواصل بها العطاء ويستمر . عكس ذلك هو العزف المنفرد للشاعر فالشاعر حين يكتب قصيدة يسمع بها الناس دون ان يجد لها رداً , كأنما يتم وضعها في إرشيف المحفوظات , بينما الردود الشعرية تحرك القريحة وتجعلها متحفزة حاضرة دائماً , كما تنتج عنها إبداعات ادبية رائعة. انا حقيقة لست مع القول السائد بكلمة ( مجاراة ) فلم يعرف لا الشعر الفصيح ولا النبطي سابقاً هذه الكلمة او هذا الوصف للردود الشعرية , فالرد هو الرد . اليوم إستمتعت كثيرة بتلك الردود الشعرية بين ( العبيوي - مهاجرة ) وكم اتمنى ان يستمر هذا التواصل مع الاخرين اخي العبيوي اختي الكريمة مهاجرة إبداع قرأته لكما معاً حقيقة انا تستهويني هذه المساجلات الشعرية بين الشعراء تحياتي لكما وتقديري |
صح الساااانك .. & والساااان العبيوي .. يااامهاااجرهـ .. ولا هنتواا جميع .. يعطيكم العااافيه أستمتعناا بماا قرأناااه هنا .. تقبلوااا مروري دمتم بووود |
)*) مهآآجرة)*) قصيدة جميلة تعبر عن الم الفراق صح لسآآآنكـ وربي لا هـآآآنكـ ننتظر جديدك الرآآآئع ... كل الوفاء لحرفكـ" |
شاعرة
والرد يثبت ذلك (أحب الصراحة والمعاني تجي بإيضـاح ___ وأعشق الجزالة من بدايـة عناوينـي)هذا البيت رااااااااائع بحق صح لسانك وشكرا لك |
شاعرة
والرد يثبت ذلك (أحب الصراحة والمعاني تجي بإيضـاح ___ وأعشق الجزالة من بدايـة عناوينـي) هذا البيت رااااااااائع بحق صح لسانك وشكرا لك |
صح لسانك يالشاعرة مهااااجرة رد جزل بشهادة الجميع وكل الشكر للعبيوي اللي تسبب بتحريك السكووووون أسجل أعجابي وتقبلي خالص الود والتقدير |
الجمال ينبع من عمق المعنى دائماً وها انت ترينا الجمال بكل الوانه ومعانيه واوصافه الزاهية لا عدمناك وصح السانك مليون ويعطيك الف عافيه اسعدتنا في القصيده شاعرنا الــعــبــيــووي على ما جادت به قريحتك من خلال هذا الابيات الأكثر من رائعة سجل إعجابي بها وننتظر مزيدك وتقبل تحيتي وجل تقديري |
اقتباس:
شكرا اختي مهاجره صح لسانك ولسان العبيوي عز الله ماقصرتم الإثنين يعطيكم العافيه تحياتي |
السلآآآآآآم عليكم جميعاً مشآآآآءالله عليكم .. العبيوي +مهآآآجره انتم جزآآآله الشعر الحقيقي ,,, وآآآضح من القصيدتين ,, هذآآ وانآ الى الان مآآقريت القآصآيد الاخرى ولكن لقطآآآآآآآآآآنآكم انتم مطآآآآآآآنيخ اعجبني عنوآآآآآآآآآآن الموضوع ,, وخآآآصه فوحآآآآن الفكر <<< مذكر ,, جميل جدا جدا جدا ,, يخليك تآآقف عند الشطر هذآ وتتمعن فيه , وبعدهآآآآ تقووول كفووووو يآآآمهآآجره وتكمل القرآآآءه اشكركم اثنينتكم <<<< سودآآني هع لآآآآآآآآآآآهنتم |
السلام عليكم ورحمة الله وبركاته بداية انا سعيد بكوني عضو في هذا المنتدى الرائع والحق يقال انه من افضل المنتديات اللتي زرتها مما حدا بي الى التسجيل فيه والمشاركة الحقيقة اجد نفسي بين شعراء فطاحل انا سعيد جدا أن اكون بينهم اكتسب منهم واتعلم من شعرهم وأستمد من نبض اقلامهم الاخ العبيوي الأخت مهااجرره قصيدة رائعة من العبيوي ورد جميل جدا من مهااجررة قرأتها اكثر من مرة ورددتها فأطربتني كثيرا وأعجبتني معانيها وسلاسة اسلوبها لا غرابة من حفيدة بخوت فهي قمة في عالم الشعر فلا نستغرب جزالة شعر مهااجرره اذ هو منحدر من اصل عريق في الشعر تحيااتي للجميع |
م ـهَآْجْرَه | وَ بَوْحْ مُ ـحْكَمْ مُ ـفْعَم بالجَمَآْل والرِّقَّهْـ سيمفوْنِيَّةْ شُعَرَآْء تَرَآْقَصَت عَلَى نَغَمآْتهآْ الحرُوْف وطُرِبَتْ لَهَآْ المَسَآْمِع يَآْ مهَآْجْرَه مِنْ ضِيَآْءِ الرُّوْح قَدْ غَزَلْتِي القصِيْدَهْ بَيْت بَيْت صَحّ لسَآْنِك مَلاَيِيْن إِلَى حِيْنهْـ لَكِ منِّيْ أَنــــا شَخْصِياً كُلّ تَحِيَّآْتِي وأُمْنِيَآْتِي القَلْبِيَّهـ لَكِ بِدَوَآْم التَّمَيُّزْ والتَّوْفِيْق. |
صح السنتكم جميع ولاهنتو نصين في قمة الروعه والجمال لا تحرمونا جديدكم ودي وتقديري |
صوت وصدى قمة في الابداع ماشاء الله عليك اختي المهاجره رد جميل وهذا يدل على معدنك الاصيل صح الله السنتكم ولاهنتوا ... شاعر الغربة |
ردي على قصيدة العبيوي
هلا مرحبآ يا بارق(ن) في سمانا لاح= تخيله عيون الليل والصبح حاديني وعذب التحايا فوق صدر الورق ترتاح= لقاف(ن) تسطّر فوق حدب الضلاعيني لفتني حروفك صوتها دايمآ صداح=مزون تراعد فيضها الجم غاشيني علي تشتكي جرح الهوى والهوى فضاح =وأنا كيف أداوي علة بالشراييني نزف جرح قلبي قبلها وطعنته رماح= وفي لوحة النسيان سطرت بيتيني عسى الهم عن قلبي بساعة أمل ينزاح= وعسى الله يجبر خاطر الصمت ويعيني قصيدة ألم أشوفها لعالمي تجتاح = وتحرك سكون الليل والجرح يكويني بسند عليك هموم هجر وجفاء وجراح=وبقول لا تشكي علي ثم تبكيني تفضل تقهوى من بنات الفكر لا فاح= وكيف(ن) يعدل مايلات الموازيني أنا يا العبيوي جيت للمنتدى سواح=وفي نيتي أقطف ثمار البساتيني أسلي خفوقي بالشعر وأكتبه لا باح= ولي حكمة في الرد يا من تحاكيني أحب الصراحة والمعاني تجي بإيضاح=وأعشق الجزالة من بداية عناويني ولكن جسور البوح جد(ن) مهي بمزاح=تولعت في ركب الربوع المقفيني تعلقت في ثوب الأمل وأرتديت وشاح = وترانيم حرفي يا العبيوي تواسيني توكل على الله وأعقد العزم يا وضاح=وبالصبر تلقى كل شيء لك يزيني وبالله أملنا فالق(ن) فجة الأصباح=يغيث القلوب الممحلة مدة سنيني ومع سالفة ظلم العبيوي وأبن قرقاح= أنا مع خيوط الوصل والفجر بيبيني أشكر كل من توج متصفحي بعبق كلماته ولم يسعني الرد عليه مهآآآجرة |
~. مهآآآآجرة .~
متآلقة مبدعة رآئعة مميز ة يعطيج آلف عآفية على آلطرح آلآكثر من رآئع لآ تحرمينآ جديدج آلمميز تقبلي مروري شمس القوايل ..~ |
| الساعة الآن 05:34 PM. |