|
•~• آخـر مـن يـعـلم •~• الحلقة الرابعة •~•
• • • السلام عليكم مساء ,, صباح ,, ......................................... الخــــير ... كيفكم .. ان شاء الله تمام .. بدوٍن مقدمآ آ آ ت ,, كلنا او اغلبنا يعرف برنامج اخر من يعلم وكيف فكرته .. وعلى هذا الاساس راح تكون فكرة موضوعنا :. ألا وهي .. نستضيف عضو من مشآهيرِ الود . ,. ونبدأأ معه اسئله وأستجوبآت والبآقي تعرفونـه... واللي وده يكون حليف لنا يرسل لي على الخاص ويقول يبي يكون حليف لمين ويطلع لنا اسراره ... واذا كان فيه اعضاء عندكم اسرار لهم وحابين اننا نستضيفهم ماعليكم الا ترسلون رساله باسم العضو وباسراره ... القوٍآنيـــــــــــــــن .. •طريقة الاتصال بيني وبين الحليف تكون بالخاص رجاءا لحد يحط اسئلة هنا •مدة الاستضافه اسبوع كامل •في نهايه البرنامج راح نعلن عن اسماء الحلفاء •اختيار الضيف يتم من قبلي انا • • • |
, رجعنا لكم في الحلقة الرابعة .. من اخر من يعلم .. ضيفتنا اليوم ... طفلة بريئه عاشت طفولتها في ابها ... الحياة في نظرها عاروسه وحلاوه ..! لكن فيها شقاوه الكوون ..!! فامرحباً الف .. بـ بنت السحاب راح نعرف الكثير واالكثير عنها ... من خلال برنامجنا .. انتظرونا :) |
الله يعطيك العافيه رمز في انتظار الرائعه بنت السحااب مودتي :wed3000: |
هلا وغلا فيك رمز
اختيار مميز وبالتوفيق لضيفتكم الكريمة القديرة / بنت السحاب فائق احترامي الممدوح |
الله يعطيك العافية
رمز وعسااااااااك على القووة ضيفه قديرة بنت السحاب سنستمتع بالقااء معهاااا الله الله بالحلفاااء رمز اكرميهم ههههههههههههههه تحياااتي لك |
بنت السحاب غنيه عن التعريف فهي تلك السيده الراقيه بقلمها واخلاقها والتي استطاعة ان تفرض على الجميع ... الاحترام ..بادبها وتقديرها لذاتها ... كيس حلوى للجميع |
صبااحوو رمز
بصرااحه موضووعك قليل فيه كلمه أبـــــــــــداع يعطيك العافييه يالغلا على مجهودك فييه أجل ضيفتنا بنت السحااب اها نشووف المغامرات بالحلقه هذي سي يو للمتاابعه |
ضيفة ولا اروع عزيزتي بنت السحاب متشوقين بصراحة لمعرفه عن حياتها واسرارها متابعة :) |
..
آأهلين مشكورة رموزة على إختيآأرك لبنت السحآأب ننتظر .. |
, يعطيكم العافيه على الطله الحلوه وبانتظار بنت السحاب , |
بنت السحاب
اروع ضيفه قدمت لنا لها احترامها وتقديرها تفرض دوم لنا جمالها الاخلاقي مشكوره رمز على ابداعك |
اولاً اشكر ام المقالب وكاشفات الأسرار رمز على استضافتي ... حقيقة في البداية توقعت انها ستيأس من استضافتي لعدم معرفة كثير من الأعضاء لي ولكن بصراحه اثبتت انها تخوف والأخوف حلفائها الي الله يستر منهم :b070: والأخ مسافر يتوصى بهم... عموماً ارجو ان تكون حلقه مثيره وممتعه ولانصيبكم بالصداع النصفي:027: |
لفته ابتسامه باقة من زهور النرجس لك لجمال روحك ونقأها حفظك الله |
الممدوح التميز هو تواجدكم الرائع هنا حفظك الله |
.. بإنتظار القادم مع أنني أشك بأننا سنجد من يعرف [ بنت السحاب ] عن قرب |
االمسافر001 الله يستر من الحلفاء لاتوصي حريص هي جاية وناويه:wed33: اشكر لك لطف حضورك ومشاركتك |
صدى الذات اشكر لك أطرأك الجميل وحضورك بارك الله فيك |
°ˆ~*¤H (*LadyLvoe*)§*~ˆ° تسلمين لتواجدك الكريم كلك ذوق حفظك الله |
الجذابه ياهلا فيك نورتي يالغاليه كل منا يحمل ذكريات ومواقف منها الجميل وخلافه وبكل صدق سأكون معكم اشكر لك حضورك المميز دائماً حفظك الله |
ع‘ـآأزفة الألح‘ـآأن ..~| ياهلا فيك كلك ذوق حفظك الله |
عبير الود التميز هو حضورك هنا ..ومشاركتك لها وميض مختلف حفظك الله |
][عبق الحروف][ وانا اشك اكثر منك الله يستر:Rolleyes: اشكر لك جميل حضورك بارك الله فيك |
استاذه رمز . . في انتظارك |
, ياهلا فيكم متابعينا الكرام .. ومازلنا متواصلين معكم , , ومع ضيفتنا القديره بنت السحاب ... مثل ماذكرنا من قبل فيها شقاوه الكوون ...(: ولها مع السباحه حكاياااات ..!! و في يوم من الايام كنا بنفقد بنت السحاب .. بسبب نص ريال ..!! .:: ومعنا لها صور ::. http://upload.al-wed.com/uploader/up...1269879591.gif http://upload.al-wed.com/uploader/up...1269879591.jpg http://upload.al-wed.com/uploader/up...1269879697.jpg , |
~ بنت السحاب أخت قديرهـ فرضة احترامها على الجميع بأخلاقها العاليه أهنـيـــك على الموضوع المميز رمز متتابع بـنــتــظار جديـدك ودي وتقديري ~ |
سجلوني من متابعين هالحلقه
غلاتي بنت السحاب أخت عزيزه و غاليه للاسف ما اعرفها كثير بالمنتدى لكن بعد هالحلقه راح اعرف شخصيتها اكثر و اكثر لبى قلبها رمز يعطيك العافيه ع هالاستضافه |
http://upload.al-wed.com/uploader/up...1269879591.gif هههههههههههههههه هذا الخروف حكايته حكايه ونقدر نعطيه لقب كلب السعوديه... قضيت معظم طفولتي بجده وكنا في سكن عسكري بحكم وظيفة الوالد الله يحفظه وكان السكن يعج بالأمريكان وانتم عارفين أن المنازل الأمريكيه لاتخلو من الكلاب اجلكم الله وكنت اشاهد الأمريكان يتمشون على الشاطيء بكلابهم وعاجبني المنظر جداً وزداد تعلقي وملاقيت غير خروفنا اربطه انا وبنات الجيران ونتمشى به على الشاطيء وطبعاً كنا فرجه لهؤلاء الأفرنجه وياأرض ماعليكي قدي على بالي معجبين الا تلاقونهم يقولون وش ذي المجنونه رسمي المهم خروفنا ماجمل لمن شاف كلابهم تنبح الا وهو على الشاطي من الخرعه والحمدلله جات سلامات ..ماطلع من الماء الين جا ابويه وسحبه وسحبني معاه واخذت المقسوم على باله بحرم هههههههه |
اتخيل شكلك بالبحر وخروووف
ولا مربووط بعد وهـ شكلي حبيته ^_^ ضيفه اكثر من رآئعه متآبعه مـ الشوق ـلاك |
اسير الصمت الكايده ملاك الشوق اشكر لكم متابعتكم وتواجدكم الكريم لاعدمنا هذا الحضور الطيب حفظكم الله |
طبعاً بديت بالخروف لأانه شد انتباهي حقيقة مررت بتجارب صعبه مع السباحه ولي حكايه كان في السكن نادي نسائي وهو خصص بالاساس للجاليه الأمريكيه ولكن كان لنا حظ فيه يالسعوديات كنت ادرس في الصف الخامس وبنت الجيران المطفوقه راحت معاي المسبح تسلقت بنت السحاب خشبة القفز وانا امزح معاها واقلها بقفز والأيمه استغلت الموقف وتتحداني وكل شيئ ولاحد يتحداني عمق الماء تقريباً ثلاثة ا متار ان ماهو اكثر تقديري وهي تعلق اتحداك إذا انت بنت امك وابوك اقفزي يالله واجيكم على قولت العسيري زحلطن ودب في الماء وصراع مع الموت وتجي المدربه وتطلعني وتعملي اسعافات اوليه .. ولمن ارتحت وانا اقولها ها تحديتك صح ولا لا...قولي صح ولالا العالم مستنفره موت ومشاكل وانا قلبي في التحدي شوفتو برائه اكثر من كذاههههههههههههه |
ههههههههههههههههههههههههههههه ههههههههههههههههههههههههه اوما الخروف لحااااااله ضيفه مميزهـ وراااائعه بانتظار الباقي ^^ |
ههههههههههههههههه حلو موقف المسبح بس الحمدلله جت سليمه وفزتي بالتحدي:tongue: متابعه لضيفه ولا اروع (: |
بالنسبه للنص الريال...... هههههههههههه احب الفلوس من صغري هذي القصة حصلت في ابها وانتم عارفين ان البيوت في ابها لها رفوف من الخارج وانا اللعب في السطوح شاهدت على واحد من الرفوف نص ريال والنص ريال هوليله زمان لها صنه ورنه يشتري دكان >>>من باب الإثاره تراه مو كذبه فكرت عادبنت السحاب واشتغل مخيخ الذكاء عندها ليش ماقفز واخذ النص ريال ومن ثم اتسلق واطلع السطوح سلاحف ننجا على غفله ... والله ربي ستر على آخر لحظه وامي تجي وتسحبني من على الجدار ولا كان انا في خبر كان |
http://upload.al-wed.com/uploader/up...1269879591.jpg هذه سلمكم الله ذكريات العيد الله عليها من ايام بجد حنيت لها العيد كان بالنسبه لي عروسه اجمل عيديه تتقدم لي ... عرايس زمان مو عرايس اليوم تخرع والدي الله يحفظه كان يشتريها ويدسها تحت السرير وصباح العيد يبداء يوزع العيديه احنا ثلاث خوات وهو عارف اني مسيطره من يومي كان يجيب العرايس ويخليني اختار قبل اخواتي خايف من الأعتراضات ومع ذلك مايسلم تحلى في عيني لما يعطيهم ههههههه وتبدأ المشاكل خخخخخخخخخخخ |
http://upload.al-wed.com/uploader/up...1269879697.jpg هذا ولدي الكبير ماشاء الله عليه طالع ذكي زي امه كنت لما اخرج مشوار للسوق اقوله رايحه المستشفى وانا كنت اعتقد انها تمشي عليه ومره خرجت واخوه يبكي وانا انادي الشغاله مستعجله ابغى اروح السوق ورد عني يقوله بتروح المستشفى لاتبكي ويغمزلي ويقولي روحي روحي السوق تراه صدق ههههههههههههههه....ماستوعبت لحظتها صدمه يومنك عارف اني اروح السوق ليش الأعتراض وتخليني اكذب عليك جيل ماشاء الله عليه ماينضحك عليه |
الله يعطيكم العافية جميعاااا
بدااايه مشوووقه جدااااا ههههههههههههههههههههه ههههههههههههه امااا اتخيل شكلك انتي والخرووف ههههههههههههههه تحفه كفوووووو بنت السحااب قد التحدي هههههههههه والحمد لله على السلامه متاااابع لكم الله يسعدكم |
ههههههههههههههههههههههه بنت السحاب اتخيل شكلك وانتي ماسكة الخروف وعلى البحر متابعة وبقوووة :) |
ههههههههههههههههههههههه
يافديته يغمز ماشاء الله عليه ربي يحفظه لك ان شاء الله |
اتوقع بانها استضاافه من مذاااق خااااص الف شكر لك ِ رمـــــز والف شكر لك بنت السح ـــآآب متابعــــــــــه |
رمــز . . نقِّـيتي فـ أحسنتِ ( بنت السحـآب ) نهـرُ عـذِبُ يجري :wed000: ولا أعلم سِـرُّ الإبتسامةُ عندما قرأتُ مُعـرِّفُكِ هُنا . . ! تبين الصراحه رمز تخـوف :) لا عليكِ سأبقى بالجـوآر , |
| الساعة الآن 04:26 PM. |