السلام عليكم <<< ادري تبي تقول بدري بس الجهاز مهب اللي تبي توه يزين

هذولا انا شايفهم بعيني بس الجنسية باكستانيين والنشاط احذية رجاليه وعلى طلبك اي صناعه تبيه made in والباقي على كيفك

كنت اروح لجده واسأل عنهم ولا احد يعطني سالفه وكنت اشتري من محلات الجمله وبعد فتره وثق فيني واحد من حقين الجملة ودلني على التاجر اللي يبيع على السوق كله وعطاني رقم جواله كنت ابي موديل معين ابغاهم بفصلون لي وكلمت التاجر وقال انا بصناعية مكه بالمستودعات وجلست اسبوع كل يوم اتردد عليهم علشان الطلبية


والمشكله مو انا بس اللي يطلب لقيت عنده مندوبين لشركات كبيره على مستوى المملكة ولها اسم في جدة والرياض والمدينه المنوره ومكة والطايف والدمام والجبيل والقصيم وحايل المهم مالكم بالطويله


وانا راجع من مكة للقصيم وقفة بالمدينه يوم ومريت فرع لشركةمن الشركات هذي ولقيت ارخص جوز عند من اللي اخذت انا واياه من حق مكه بسعر 250 ريال مع العلم ان سعر التكلفه 35 ريال وفيه شي يوصل الى 1200ريال وانا حدي ابيع 65 ريال هذا اغلا شي عندي


لكن ما خفي اعظم ولا ماجيت معامل العبايان والملابس النسائية تشوفون بالرياض وجده لكن البسو ولا تسألون الا عن السعر



ولكم تحياتي واشواقي

المـ عالي ـقام