|
يا خاطفي وين ألقى عزتي في زمان المذلة ! البآآرت السآدس والثلآثون أذكرٍ . . ‘ إنّيْ كنُتٍ ( جُنبكّ ) وٍأذكرٍكّ عنّي | لهَيْتِ . . ! وٍأذكرٍ . . ‘ إنّيْ قلتٍ : أحٍ'ـَـًبّكٍ ‘ بَسُ مَآ أذكرٍ | وٍفيَتْ . . ! بَسُ مَآ أذكرٍ | وٍفيَتْ . . ! بَسُ مَآ أذكرٍ | وٍفيَتْ . . ! وصلوآ لبيت شهد وشآفوآ سيآرآت كثيره برى البيت وبسرعه دخلوا عندها شهد والتعب باين عليها : اخيرا جيتوا تعالوا على المطبخ هنادي تهمس : في أحد شهد : أيه غدير ومريم وخالتي وام محمد هنادي كشرت : بسرعه دبري شي البسه جايه ببجامتي شهد وصلتها لغرفة النوم : شوفي اللي يعجبك بالدولاب والبسيه .. طلعت وخلتها تلبس وراحت للمطبخ عشان تحضر بعض الاشياء قفلت الغرفه على نفسهآ وفتحت دولاب شهد وبعد تفكير طويل أختآرت بدي موف غآمق مع بنطلون جينز فآتح استشورت شعرهآ بسرعه وحطت روج ولبست سآعه لقتهآ على التسريحه وتعطرت .. بعدهآ أتجهت للمطبخ هنآدي : ويش رآيكم احس كبير عليآ رغد : بالعكس مره حلو ومقاسه منآسب شهد ابتسمت : أموت على النعومه .. طالعه كيوت مرآآآ رغد تمد لهآ الصينيه : يآلله ودي الشآي عند أم يوسف وبنآتهآ هنآدي بحده : مستحيل تبوني انا اروح .. حدي أغسل وانظف غير كذآ لا تحلمون شهد بترجي : هنوده شآيفه حوستنآ كيف الله يخليك وديه تأخرنآ فيه هنآدي بأستسلآم وبدون نفس : هآتوآ الصينيه الله يكون بعوني .. أخذتهآ ومشت لغرفة الضيوف ... سمت بالله قبل ماتدخل وأخذت نفسه طويل هنآدي ( وين جرآئتك ياهنآدي ... ترآك محتآجتهآ الحين .. ) اصطنعت ابتسآمه هآديه ودخلت هنآدي : السلآم عليكم وقفوآ كلهم وردوآ السلآم مرت عليهم وحده وحده عشآن تسلم .. جلست بكل ثقه وجراءه ام يوسف : كيفك يابنتي هنآدي : بخير عسآك بخير .. أنتي ياخالتي كيف صحتك ام يوسف : الحمدلله بخير .. كيف أخوآتك هنآدي : كلهم بصحه وعآفيه .. بعد السؤال عن الحال والاحآديث الرسميه دخلت غدير غدير : أهلين هنوده .. أخبارك هنآدي : بخير انتي كيفك صايره ماتنشافين أبد غدير : لاهيه بدنيتي ... صارت هنآدي تضيفهم بعدهآ استأذنت ورآحت للمطبخ ام يوسف تهمس : مشاء الله عليهآ مملوحه ام محمد : اي والله ياخالتي ملامحهآ ناعمه مره غدير بلقافه : ليش تتهآمسون عنهآ اكيد ببالكم شي ام يوسف ابتسمت : ياليت يصير اللي ببالي مريم بشك : كأن فهمت اللي براسك يمه ام يوسف : أووش لآحد يسمعكم بالبيت نتفاهم بآلمطبخ دخلت متوتره وأخذت لها كأسة مويه تشربها هنآدي بتأفف : اعوذ بالله أكلتني بعيونهآ رغد وبيدهآ صحون : مين هذي ؟ هنآدي بصوت وآطي : أم زوجك ياحظي وربي أكلتني بعيونهآ اخترعت كذبه عشآن اجي هنآ واغتك من نظرآتهآ شهد ابتسمت : أكيد ملاحظة شي مشاءالله عندهآ قوة انتباه فظيعه هنادي : على ويش ياحظي مافي شي يجذبهآ فيني رغد تدقهآ بكتفهآ : ماتدرين عن تفكير الحريم " طلت بشهد وضحكوآ " هنآدي عقدت حوآجبهآ مافهمت قصدهآ قالت بحده : إتلهوآ باللي انتم فيه أبرك {هــنــآدي } ويش تقصد رغد بكلامهآ ؟.. معقوله اللي في بالي يكون صح .. لالا اعوذ بالله ان شاء اله تكون افكاري كلها خطاء وماتصدق حسبي الله عليك يارغد شوشتيني .. انا خلقه ما احب اهل مآجد بأستثناء غدير تدخل القلب وتنحب أمــآ البقيه ينحط عليهم أكس بالخط العريض " سكتت شوي وبعدهآ تصادمت افكارهآ " يعني يمكن مــآجــد ... لآآآآ يارب مايصير بكون تحت رحمته هو بدون شي حاقد ويدور أي زله علي ... أنتحر لو يصير اللي في بالي ... آآآه يارب سترك يارب استر علي واجعل كيد الكائدين في نحورهم .. يآآآرب شهد : هنوده وين رحتي؟ رغد تضحك : تفكر بكلامي والله شكل الفكره عجبتهآ هنادي عصبت : هيه هيه انتبهي لكلامك شهد استغربت ثوران هنادي بالسرعه هذي : ماقالت شي يستاهل كل هذا التعصيب هنادي تحط اصباعه على راس رغد : شيلي الافكار الغبيه هذي من راسك رغد تدفها : اقول طسي عند الحريم وفكينا الشرهه علي اكلم وحدها عقلها ضارب هنادي زآدت اعصابها: ليش شايفتني مجنونه قدامك رغد بدت تعصب منها صرت على اسنانها وهي متمالكه نفسها : هنادي أوت بليز ترى افوت لك بمزآجي انقهرت من رغد واسلوبهآ معهآ دايم بالأخير يطلعونهآ الغلطآنــه .. رجعت عندهم بالغرفه ام يوسف : تعالي حبيبتي ارتآحي هنادي : مرتاحه ياخالتي .. تبين اجيب لك شي ام يوسف : لا ياحبيبتي مابي الا راحتك ... حمرت خدودهآ من كلام ام يوسف ::: ::: ببيت أبو مهآ كانوآ يتآبعون فلم ملوآ من جلستهم والطفش اللي طآغي عليهم سمر : ايش رايكم نطلب ابوي نروح المزرعه نغير جو ريم عبجتهآ الفكره :والله فكره ونقول لعمآتي وبناتهم عشان نتونس سحر بتأفف : بالحر هذا نروح المزرعه تبونا نصير فحم سمر : يابنت كلها يومين ونرجع ريم بهدوء : سحورتي ايش فيك زعلانه .. لك يومين واخلاقك بطرف خشمك سحر ردت بدون نفس : متضايقه سمر : وأيش مضايقك سحر طلت فيهم وبنظره حاره : كل شي مضايقني حتى الهواء اللي أتنفسه ريم استغربت كلامها سحر بحياتها ماكان كلامها فض بالصوره هذي .. مطت كلمتها : ختى الهواء اللي تتنفسيه سحر : أوووف .. الحين ليش تكلموني شايفيني متضايقه اتركوني بحالي سمر : احنا نبي نخليك نروقين سحر كشرت بوجه سمر : شكرا أحد شكيت لكم الحال سمر وريم : لا سحر : طيب خلاص بطلوآ لقافه ... قامت والضيقه باينه عليهآ ورآحت لغرفتهآ وسكرت الباب بقوه ريم : أكيد صاير معهآ مشكله سمر قلبت عيونهآ : بسلآمتهآ تحل مشآكلها بنفسهآ بعرف شايفه نفسهآ علينآ ليه ؟! ريم بحده : سمر مايصير تقولي كذآ على أختك سمر رفعت حآجبهآ بحده : لاتكوني عميآء وماتشوفين طريقة كلامهآ وتأففهآ ريم : ماعليش لآزم نتحمل بعض كل انسآن تمر عليه فتره يتضايق فيهآ سمر رجعت تتابع التلفزيون : طيب قفلي على الموضوع بتفرج على الفلم {ريـــم } البيت صآير مشآكل × مشآكل .. ما أدري أيش صاير فينآ كل يوم طالعه مشكله جديده تخربطنآ ماعدنآ نتحمل بعض كل وحده فينآ عندهآ ألف هم وألف مشكله .. وأعصابنآ مشدوده ..نفسي نرجع زي مآ كنآ قبل مهآ تتزوج وشوق وشهد... كآنت مشآكلنا بسيطه وسطحيه ومانستغنى عن بعض ابدآ ونحل مشآكلنآ مع بعض .. الحين كل وحده همهآ الوحيد نفسهآ تباعدنآ وتفرقنآ .. ماحد يسأل بأحد ولا يهتم لأمره .. وين علاقة الأخوه اللي كآنت بيننآ كنا يد وحده ..بس ياريم لآحظي قلتي كآن وكآن فعل مآضي ..الدنيآ تصفعنآ من كل النوآحي مافي أحد مرتآح ... يآترى ويش بقى لي أنآ برجع لسيف وأكمل حيآتي أو أحمل لقب مطلقه... حيآتي كآنت وهم تخيلته وعشت فيه لكن فقت منه على صدمه زلزلت كيآني.. ماني مرتآحه في حيآتي ظنيت اذا جيت عند أهلي برتآح لكن للأسف عذآبي يزيد وأنآ اشوف كل يوم نبعد أكثر عن بعض ... يـــآرب لاتفرقنــآ ودخــل الفرح علينآ تعبنآ من الألــم والــهــمــوم |
يا خاطفي وين ألقى عزتي في زمان المذلة ! ::: ::: ::: بــعـــد مآ أنتهت العزيمه في بيت شهد كآنت الساعه تقريبا 1 نص الليل يوسف : عسى ماتعبتي حبيبتي شهد جلست جنبه وبيدهآ كأسة عصير : شوي مو مره بس أهلك وخوآتي مآ قصروآ يوسف : الحمدلله .. اللي يهمني أنك بخير شهد تعبت كثير بيومهآ في التجهيز والترتيب : انا بروح أنــآم أحس جسمي مكسر يوسف : أجلسي خلينآ نسهر .. وربي مشتآق لك اليوم كنتِ منشغله عني شهد كشرت : بس فيني نوم يوسف ضحك : يعني مآ تقدرين تتحملين وتسهرين شهد بوزت : مــره .. مآكرفت مثلي اليوم يوسف بآسهآ على خدهآ : يعطيك العافيه حبيبتي مآقصرتي .. روحي نآمي شهد: خلاص بطلت بسهر معك ... بس حط على mbc2 يوسف : ابشري .. الحين أحط لك " أنسجم مع الفلم مره .. حس بشي على كتفه لف وشاف شهد نآيمه ورآسهآ على كتفه .. ابتسم وشآلهآ وحطهآ على السرير لحفهآ ونآم جنبهآ ::: ::: ::: اليوم اللي بعده الظهر صحت من نومهآ وأخذت نفس طويل من زمآن مآنآمت زي هذي النومــه المريحه .. تعب المرض اهلكهآ بالأضافه الى تعب السفر .. قامت تروشت بسرعه ولبست بنطلون بني وبلوزه أورنج عاريه وتحت الصدر حزآم بني متوسط الحجم .. جعدت شعرهآ الطويل ورفعته من قدآم ونزلت خصلات بسيطه على وجههآ وبقية الشعر حطته على جنب .. أضافة لمسه خفيفه من الميك أب تعطرت ومشت له وقفت عنده تتأمل ملامحه الحآده حتى في منآمه .. حوآجبه المرسومه ورموشه السوداء الكثيفه .. وأثرالشلخ اللي بخده معطيه ملح جمالي أكثر بالأضافه الى الدقن الامآراتيه اللي معطيته هيبه ملكيه .. مررت يدهآ على خده بخفه شوق بهمس : فهودي .. فهــودي ..تحرك بعد سكونه وعقد حوآجبه وهو يهمهم شوق طبعة بوسه على جبينه : يالله حبيبي قوم صرنآ الظهر فهد بصوت مبحوح : تعبآآآآن .. خلينى اكمل نومي شوق حطت يدهآ على خده : فهودي يالله قوم خل الكسل عنك أبي افطر معك فهد فتح عيونه ومدد يديه قالت بصوت كسول : كم الساعه شوق : 2 وربع يالله أصحى حبيبي .. أنا بنزل أسوي لنآ أكل فهد بتهديد : ياويلك تدخلين المطبخ والا تتحركين كثير شفتي الدكتور ايش قال شوق ابتسمت له وقالت بغنج : خآيف علي فهد وهو منسدح ضمهآ لصدره : أذا مآ أخاف عليك أخآف على مين شوق مسكته مع خشمه : طيب قوم لا تضيع الموضوع فهد ضحك : ذكيه أسم الله عليك شوق بآسته وبعدت بسرعه عنه ورآحت عند الباب : أستنآآك معك ربع ساعه وياويلك لو ما نزلت فهد يبعد الشرشف عنه أخذ منشفته ومشى بأتجآه قسم الحمآم وانتم بكرآمه : 10 دقايق وأنآ قدآمك نزلت قبله وفتحت ستآير البيت حتى تدخل أشعة الشمس ... تحس بروحهآ ترجع لهآ والتفاؤل يملي حيآتهآ وقفة فهد معهآ وبحالتهآ النفسيه اللي كآنت تعبانه أيآم العمليه خلتهآ تحب الحيآه وتقبل عليهآ بحيويه وتنسى المحطة اللي كآنت فيهآ .. حست بألم خفيف طبعآ كآن بالنسبه لهآ شي طبيعي بعد العمليه الصعبه اللي خضعت لهآ والألم اللي عآنتهآ ... رآحت لغرفه الطعآم وجلست تنتظر وصول فهد .. ميري : مدآم يبي شآي والآ كوفي شوق : لآ كوفي ميري : ايش يبي سندويش ..: سندويش بيض وبدل الكفي سوي لهآ حليب .. وأنتي يآمدآم ناسيه نظآم أكلك شوق بزعل : مليت من البيض .. أبي أغير فهد جلس وطآلعهآ بنظره حآده : شوق تقيدي بجدول الأكل والا بيروح تعبنآ على الفاضي شوق : بس نفسي أغير بيض جبن حليب .. كأني طفل حرآآم ابي شي مقلي مشوي فهد أخذ كآس شاي وقال لميري بحده : لاتسمعين كلامهآ والآ بعاقبكم اللي بالورقه مع ليزآ هو اللي يتنفذ أوكِ ميري ميري : أوكِ سير شوق كشرت : هين يافيد كذا تسوي فيني .. يهون عليك اكون مشتهيه شي وما أكله فهد بدون مايطالع فيها : صحتك أهم ... كلمتي ما اكررها جربي بس تخالفين أوآمري وشوفي أيش العقاب اللي ينتظرك شوق بأستسلام : أمرك في شي بعد فهد وهو كآتم ضحكته من نبرة صوتها عرف انها زعلت: سلامتك كانوا يفطرون فجأه دق جوال فهد .. وكآن المتصل أبوه عرف ان المشاكل على الأبوآب قرر انه يرد عليه فهد : هــلآ .. وعليكم السلآم .. خير في شي ؟!... اليوم !... طيب طيب بنجي مع السلامه شوق : مين ؟! فهد : أبوي يقول لازم نجيه البيت شوق بتردد : انا مابروح فهد : بس لازم تروحين تسلمين على خالتي وماتبيني اني في شي صار شوق : خايفه من أهلك ... سالفه رزآن ماراح تعدي على خير فهد انسدت نفسه عن الأكل : شوق خليك صريحه معي ... كنت ِ شوق قاطعته : اذا بخصوص رزان ارجوك لا تسألني فهد تأكدت شكوكه : يعني كنتِ عــآرفه وسآكته شوق رفعت عيونهآ له : تتوقع بتصدقني لو قلت لك ؟.. اكيد لا راح تفسرها انها غيرة حريم وكره وبيطلع لها اكثر من تفسير ماراح تصدق ان اخوك وزوجتك يكونوا مع بعض وراح تطلعني غلطانه .. عشان كذا فضلت السكوت فهد رفع حاجبه بحده : ماتوقعتك تكتمين شي زي هذا شوق: انا غايتي احافظ عليك كافي عمري اللي ضاع وعمرك انت بعد فكر بنفسك يافهد احنا مو صغار وتفكيري اكبر من أني اخرب حياتي انا وانت بسبب وحده تافه زي رزآن فهد : بس هالشي هو شرف زوجك كيف قدرتي تسكتي عليه شوق قالت بقوه وعيونها تلمع : هذي بنت عمك اللي تزوجتهآ علي شوف أيش سوت ؟! بعدين انا مستوآي مايسمح لي افكر بوحده حقيره زيهآ.. ارجوك يافهد لاتجيب لي طاريها لاني ما اتحمل اسمع اسمها .. خلاص انسآهآ وأفضل انك تطلقها لمصلحتك أولا وتنهي المشاكل ثانيا .. امــآ اذا كآنت لسى تعني لك شي فهذآ شي يخصك وحد مالي حق اتدخل فيه " سكتت وحطت حرتهآ بالأكل اللي قدآمهآ تقطعه بالشوكه وتهز رجلها بتوتر والقهر ممتلك قلبهآ " شوق ( ايه لسى يفكر فيهآ ماهي بعيده يرجعها بعد سوتهآ ..ان شاء الله ربي يفكني منهآ وأرتآح وماترجع له ما اتحمل اشوفهآ تشاركني فيه الصايعه ) " رد عليها صوت بدآخلهآ " ( هذا انتي ياشوق .. ايش اللي حصل وغيرك كذآ تدعين عليها وتقولي عنهآ صايعه عمرك مآ تشمتي بأحد هذي أخرتهآ ) ردت ( انا ما اتشمت فيهآ هذي الحقيقه .. طيبتي ما فادتني بالعكس زآدتني تعب ليش مآ أكون أنآنيه وطماعه .. لازم أتغير عشآن أتعايش مع هذي الحيآه اللي مايعيش فيهآ الا القوي.. لآزم اكون وحش انهش أي أحد يقرب من ممتلكآتي ) وقف وقال : جهزي نفسك العصر راح نروح بيت أبوي شوق وقفت : وين بتروح ؟ فهد يطالع ساعته : بروح للشركه شوي وبعدين ارجع أخذك شوق مشت معه ووصلته لحد الباب : قبل توصل كلمني عشان اتجهز فهد : طيب ..مع السلامــه شوق : في أمــآن الله طلعت غرفتهآ بسرعه وفتحت جوالهآ .. ودقت على تلفون بيتهم |
يا خاطفي وين ألقى عزتي في زمان المذلة ! ::: ::: ::: بهذآ الوقت بالمدينه كآنت رغد بآلمطبخ تسوي لهم شي خفيف يأكلونه .. وبقية البنآت جالسين بالصاله مع مهآ اللي جآت ريم : ايش عندك كل يوم جايتنا ؟! مها كشرت : لايكون ماتبوني أجي هنادي : البيت بيتك خليك من الدفشه ذي اللي مآتعرف تتكلم ريم تمد لسآنهآ : مخليه الكلام الزين لك ياقلبي مها : بس بس بتبدون المهاشوات من الحين ماقلنا ياهنادي .. سمعوآ جرس التلفون قامت سمر تجري له : الــــوو شوق بصوت كله وله وأشتيآق وخآنقتها الدمعه : سموره وحـــشــتـــيــنــي سمر شهقت بصوت عالي : شوقـــه .. كيفك وحشتيني شوق بصوت باكي : والله انتم أكثر سمر قامت تبكي : من زمآن عنك مشتاقه لك مره الله يخليك تعالي المدينه بسرعه شوق : قريب ان شاء الله خلال هالاسبوع بجي .. جوا البنات بسرعه وكل وحده تسحب السمآعه تبي تكلمها .. لكن فازت فيهآ مهآ مها بصراخ : يادووبـــه وينك فجعتينا عليك شوق تضحك من بين بكآهآ : انشغلت شوي ... كيفك انتي ويش مسويه مهآ : بخير قلقتينآ عليك .. ويش اللي شغلك عنآ شوق : اذا جيت اقولك ... المهم اخواتي كيفهم ايش اخر اخباركم والله لكم وحشه احس لي سنين ماشفتكم مها : ايه من لقى احبابه نسى اصحابه .. معذوره ياقلبي شوق : افا عليك انا انساكم مها : اقولك رجوني يبون يكلمونك الله يعينك على الطابور خذي هنادي هنادي تصارخ : شوآآآآقــــه .. لك وحشه ياوحِشــه شوق : انا وحِشــه أوريك هنادي : متى بتجين المدينه شوق : قريب بس انتظروني هنادي توطي صوتها : ترى بحقق معك في شي شاغلني مره شوق بخوف : خير ويش فيك ؟ هنادي : اذا جيتي قلت لك .. يالله خذي دور سحر شوق بلهفه مشتاقه لسحر لها فتره ماكملتها أبد : هلا سحوره سحر انفجرت بالبكاء : شوق محتاجتك .. محتآجتك كثير ... " لما سمعتهآ تبكي بدون أي شعورهآ منهآ رجف قلبهآ وشاركتهآ بكآهآ" .. بعد ما سكتوآ بشوي طلعت شهقه من سحر خلتهآ ترعب شوق شوق بصوت باكي : ايش فيك ياعمري تكلمي وقفتي قلبي ؟ سحر رجعت بتيك بأنهيآر : أبيك محتآجتك لاتخليني لوحدي ... أنآ ضايعه بدونك أنتي وشهد .. ضمتهآ مها تحاول تخفف عنهآ واخذت منهآ السمآعه مهآ : خلاص شوق ماتعرفين دلعهآ بس هي مشتاقه لك كثير شوق كانت ميته بكاء : لا أكيد في شي بقول لفهد نجي بكره اذا يقدر ما اقدر استحمل بُعدكم أكثر مها : على راحتك شوق : رغد فينها ماكلمتها مها : بالمطبخ شوق : طيب بكلم شهد الحين .. باي مها : باي قفلت منهم وكلمت شهد على طول ... أمــآ عند البنات سمر مسكت سحر وجلستها : سحوره في شي يوجعك سحر تمسح دموعها .. هزت راسها بالنفي أجتمعوآ كلهم حولهآ يبون يعرفون أيش خلهآ تبكي ريم تبعدهم : خلوهآ على رآحتهآ لاتضغطون عليهآ ... اذا ارتآحت تقول لنآ " مدت يدهآ لسحر وأخذتهآ للغرفه وقفلت عليهم البآب " ريم جلست قبالهآ على الكرسي : قولي ايش فيك سحر تغطي وجهآ بالشرشف : الله يوفقك ماني ناقصتك طفي النور بنآم .. دق جوآلهآ رفعت وقفلت ورجعت انسدحت ريم : مين اللي أتصل سحر : لينآ مابي أكلمهآ تكفين ريم ارحميني وأطلعي بنآم ريم وقفت وخلتهآ على رآحتهآ لان باين عليهآ ماتبي تتكلم أبدآ ... لكن متأكده انهآ بترجع لهآ وتتكلم حتى تعرف سبب ضيقتهآ بالصاله رغد جلست : ماعرفتي ايش بهآ ؟ ريم بقلة حيله : لا ماتبي تتكلم مها : اقول اجلسوا نبي نأكل ونتقهوى زين ابي اعدل مزآآجي ::: ::: بالرياض الساعه 5 العصر جهزت نفسهآ ونزلت بسرعه لأنــه ينتظرهآ بالسياره شوق : سلآم فهد : وعليكم السلآم شوق : كلمت اهلك فهد : لا بس راح نوصل على الموعد اللي قاله أبوي شوق بخوف : ماني متطمنه يافهد .. قلبي يقول حيصير شي فهد : وساوس وتروح ياحبي شوق سكتت وبعدها : طيب رزآن ايش بتسسوي بموضوعها فهد بحده : لاتعكرين مزآجي بسيرتهآ .. شوق ندمت انها تكلمت عنهآ وبالأخص انه عصب عليها : أسفه فهد حس أنه مخنوق وشغل المسجل وصدى الصوت يتردد بزوآيآ السياره مع ألحآن خفيفه |
يا خاطفي وين ألقى عزتي في زمان المذلة ! ::: ::: ::: وأنتَظرِك .. وأنتَظرِك .. ويصيح الشوق في قلبي .! أمانة قلّي وش عذرك؟ إذا طالت مسافة: أُمنياتك .. أُغنياتك .. صمتك وحبرك ! أمانه بس وش عذرك؟ أو وش اللي بس ينتظرك شموعك ليه؟ دموعك ليه ؟ وغرام احلى مواعيدك |تعلّق في شراع التيه ! ودقايق هم تنتظرك أمانهبس وش عذرك؟ وش يفيدك إنتظارَك؟ وانت ليلك ماتوانى : يطعنك / يحبس نهارَك .! وش يفيدك إنتظارك ؟ وأنت همّك إن تأخر " إعتذر لكْ " ثم بلا إحساس زارك شوق تطفي المسجل : لاعاد تشغل اشعار زي كذآ فهد عقد حوآجبه بأستغراب : ليش ماعجبك ؟ شوق لفت على جهة الشباك على يمينها وماردت عليه تحس بألم في قلبهآ يذكرهآ بأشياء ترفض ذكرآهآ فهد بحده :أظن اني أكلمك شوق بطولة بال : أيه ماعجبني فهد سكت وركز بعيونه على الطريق وسآد الصمت بينهم بعد فترة بسيطه وصلوآ لقصر أبو رياض تشآئم فهد لمآ شاف سيارآت أعمآمه وقسم الضيوف مفتوح عرف أنه بيعآني معهم لكنه تذكر من هو .. وكيف يقدر يسكتهم بكلمه وحده مــنــه .. أبتسم وبدآخله ضحكه شيطآنيه كل وآحد مشى للمكآن اللي يبيه دخلت شوق عند أم رياض وندى وسلمت عليهم ندى : أهب عليكم تسافرون وماتقولون لأحد شوق ابتسمت لندى : طلع الشغل فجأه ام رياض : وكيف فهد عسآه بخير شوق : الحمدلله بخير ندى : أهم شي قلبه كيف ؟ شوق : لا الحمدلله احسن بكثير ندى ارتآحت : اللهم لك الحمد ديري بالك عليه زين دآم العله رزآنوه بعيده عنكم ام رياض بنظره وصوت حاد : ندى .. اسكتي ندى نزلت راسها : ماكنت اقصد " رفعت راسها وبصوت عالي قالت " مو بكيفي أكرهآ أووف شوق ضحكت : بس هي بنت عمك :: :: بآلمجلس تنحنح قبل يدخل .. أخذ نفس طويل وأستجمع كل قوته دخل وقال بصوته الحآد الجبلي : السلآم عليكم وقفوآ كل اللي بآلمجلس : وعليكم السلآم فهد سلم على ابوه وبقية اعمآمه .. وجلس جنب أخوه هزآع والمجلس كآن فيه أبوه + ابو رزآن + أخو رزآن + اثنين من أعمآمه بالأضآفه لهزآع + رياض فهد شآف نظرآت عمه له كآنت شرآريه : كيف الحال الكل عدآ أبو رزآن : بخير ابو رزآن: من وين يجي الخير وأنت ضارب بنتي لين موّت اللي ببطنهآ فهد رفع حآجبه وميل فمه.. حط رجل على رجل: قلت مآت اللي ببطنهآ ؟ ابو رزآن بصوت حآقد: ويش القلب اللي جوآك حجر مآ يحس فهد بنفس النبره : مخلي الأحسآس لك يابو قلب كبير ابو رياض بحده : فــــــــهـــــد أحتــرم عمك فهد ضحك بسخريه : أحترمه .. اذا هو مآ أحترم نفسه كيف أحترمه ابو رزآن صرخ عليه : صدق انك ماتربيت " قال بنبرة ساخره " وأشره تكون متربي يآ ولد الجدآويه فهد أحتدت ملامحه وحمرت عيونه : ثمن كلامك أحسن أسوي شي مايطيبلك أبو رزآن : مآقلت شي .. هذي الحقيقه لولا أن أبوك لملم السالفه وتزوج أمك يوم حملت فيك كآن يمديك مجهول النسب او مختلطه عليك بسبب علاقآت أمك الصايعه فهد وقف وصرخ بكل صوته : أبلع لسآنك أحسن لك كآنت صدمه للكل لأن الموضوع هذآ مآحد يعرفه الا ابو رياض وزوجته وأبو رزآن اللي سآعده ذيك الفتره رياض كآن مصدوم من الكلام اللي يسمعه ... مآتوقع هالشي أبدآ : ويش قاعد تقول ياعمي ابو رزآن: هذي الحقيقه اللي خبوهآ عنكم فهد حملت فيه أمـه يوم غلطت مع ابوك وهي مآهي متزوجه .. وبشهرهآ السابع تزوجهآ أبوك بسبب ضغط أبوهآ عليه وأخترعنآ قصه زوآج ابوك بالسر عشآن مايشكون بشي...وجآبت لنآ اللي تشوفه قدآمك الحين هجم عليه فهد وأنقض عليه وبدأ يضرب فيه والكل يحآولون بفكونه عن أبو رزآن فهد : والله لآ أوريك ياكلب .. زآد الطينه بله أخو رزآن اللي أنقض على فهد عشآن يدآفع عن ابوه وصآرت حرب طآحنه بينهم والبقيه يفكوونهم لكنه مآقدروآ عليهم الا بالقوه مسك هزآع وريآض فهد وبعدوه عن عمهم فهد : روح أسئل بنتك ليش ضربتهآ ... على بآلك مآ أدري عن افكارك ومحاولاتك معهآ عشآن أكتب شي بأسمهآ تحسبني غبي يآ...... ابو ريآض صرخ بصوت عالي : بـــــــــــس عيب اللي تسوونــه فهد يتنفس بسرعــه قال وهو معصب : بنتك ورقة طلاقهآ رآح توصلهآ ابو رزآن : مايشرفني ولد الصايعه يكون زوج بنتي الله وحده يعلم انت ولد صالح والا ولد غيره ... تحرر فهد من يد أخوآنه لكنهم كتفوه بسرعه وبعدوآ عمهم عنه فهد : والله لآ أوريك يامنحط .. بعد عن أخوآنه وأبوه ورآح يركض للقسم الدآخلي عشآن يأخذ شوق .. وكآن أبوه ورياض وهزآع يلحقونه فهد دف الباب برجوله وكآن يصرخ زي المجنون : شـــــــــوووووق لبست عبايتهآ بسرعه وطلعوآ مرعوبين على صوت فهد وصوت ابوه اللي يهآوش ورآه أم رياض بخوف : خير خير عسى مآ شر فهد يتنفس بسرعه ويرمي شمآغه على كتفه : يالله ياشوق ابوه : تطلق بنت عمك رآح اتبرى منك فهد لف عليه وقال بحده : مآني بحآجتك أنت أب بالأسم مايهمني كنت ولدك وألا ولد غيرك ضمت ندى أمهآ وهو تشوف أبوهآ وفهد في حاله من الهيجآن والأعصاب اللآمعقوله امآ شوق تطالعهم بصدمه لدرجة نهآ نست تغطي وجههآ ابوه : رآح تنفذ كلامي لو على قص رقبتك كافي انك متزوج لي وحده من الشارع مآيندرى ويش ورآهآ ولا بعد كآن ماضيهآ أسود زيهآ كآنت هذي الكلمآت في نزولهآ مثل الصاعقه حلت على الجميع ... كل العيون تعلقت بشوق اللي وآقفه جنب أم رياض .. مئآت الأسئله دآرت في بالهم عن سبب رفض أبو رياض زوآج فهد من شوق لكنه فرض رآيه وتزوجهآ ولا أهتم له .. الحين عرفوآ السبب جمآلهآ خرآفي كآنت مثل البلسم تدآوي بطيبتهآ وكلامهآ وأخلآقهآ .. مآكآنوآ يعرفون الحقيقه التي تكمن خلف هذآ القنآع .. نزلت دمعتهآ الحاره بهدوء تحرق خدهآ وترسم مجرى لبقية الدموع ... كلهم مصدومين أم رياض قالت بصوت عالي : ويش صار لك ياصالح أكيد منت في عقلك |
يا خاطفي وين ألقى عزتي في زمان المذلة ! ::: ::: ::: ابورياض : أسئلوه هو يجآوبكم فهد رمى شمآغه وهو يطالع بأبوه بحقد ..عيونه شوي تطلع من مكآنهآ: شوق اللي تقول أنهآ بنت شوآرع أشرف من بنت أخوك الخآينه .. شوق اللي تشوفهآ قدآمك أنآ اللي دمرت حيآتهآ .. ولدك هو اللي خطفهآ يابورياض .. ولدك هو بصم في حيآتهآ بصمه عآرعليهآ وعلى أهلهآ.. عرفت الحين ليه تزوجتهآ يابورياض؟!.. مآحس ألآ بكف على خده... ألجم الجميع عن الكلام فهد رفع حاجبه وبنظره أرجفت ابوه اللي مد يده عليه : برآفو عليك يابورياض بس تأكد انها بترجع اضعاف .. لف على شوق اللي ركضت له وطلعت معه بسرعه للسياره سمعوآ صوت الفرآمل لانه دعس بكل قوته عشان يطلع من المكان اللي يخنقه ويعذبه ... انفتحت جروحه من جديد كل ماقال انه نسى ماعاد للماضي ذكر ترجع الدفاتر القديمه تنفتح ندى جلست تبكي وصرخت على ابوها : حرآآم عليك يبه .. أنت ظآآلــــم ظـــــــآلــــــــم وطلعت غرفتها تجري وصوت بكآهآ مزعج جدآ ام رياض بنظره ندم : الله يسامحك يابورياض ..من يومك ماتحبه ولا تعطف عليه الله يسامحك هزعع طلع غرفته بهدوء وتأثير الصدمه مآزآل مستمر معه وقفل على نفسه غرفتهآ وهو مو مستوعب اللي صار بهذه الليله :: :: بآلسيآره يسمع صوت أنينهآ المكبوت .. وشهقاتها العليله ..علــة الروح اصعب من علة الألــم .. يحس بحراره تسري بجسمه وقلبه بدأت تضعف نبضآته ماعاد يقدر يميز الطريق يشوفه مثل السراب .. مشى باقصى سرعته لأقرب مستشفى ...وقف عند باب المستشفى شوق رفعت راسها وهي تبكي : فهد ... فـــهــد ويش صار لك حط يده على صدره وهو يتنفس بصعوبه وصوت صدره أرعبها .. نزلت بسرعه وقامت تبكي وتصارخ جوا الممرضين واسعفوه بوقت قياسي شوق كانت بالطوارئ منهاره تماما حاولوا يهدونهآ لكن الأمل ميؤس منه شوق تبكي وتدعي : حسبي الله ونعم الوكيل فيهم .. أحرقوآ قلبي عليه .. الله ينتقم منهم كانت تبكي وتبكي ..نفسيتها متدهوره جدآ وحالتها الصحيه تتأثر بالنفسيه لأنهآ ماتشافت تمآمآ وممكن تأثر سلبيا عليها .. بعد ربع ساعه جآهآ الدكتور شوق بصوت باكي: كيف فهد الحين الدكتور : لازم ندخله العنايه المركزه ونرآقب حالته في أحتمآل كبير ترجع الجلطه عشان كذى لازم نعطيه أبر مضآده .. واذا تبين نحوله على مستشفى حكومي نبدأ بالأجراءت الحين شوق تبكي : مو لازم مستعدين ندفع أي مبلغ بس ترجع صحته ويتشافى الدكتور أبتسم لها ومشى قدآمهآ: ممكن توقعين على أورآق التنويم الخاصه بزوجك عشآن نبدأ الفحوصات والاشعه شوق تمشي معه : أوقع على أي شي ...بس المهم عندي فهد الدكتور : تطمني يا اختي مآفي ألا الخير ::: ::: بآلمدينه يوسف : يالله ياشهد تأخرت على العمل وانتي بتروحي بيت أهلك شهد تلبس عبايتهآ :شوفي خلصت اصبر دقايق سمعوآ دق الباب ورآح يوسف يفتحه لقى عبدالله جاي يوسف : هلآ والله عبيد .. حيآآك عبدالله : كأنك بتطلع ؟! يوسف : ايه بروح العمل عبدالله : اجل اجيك يوم ثاني يوسف بشك : خير بك شي ؟ عبدالله : لابس طفشان قلت أجيك .. دام عندك عمل نخليهآ بكره يوسف : اللي يريحك بس ترى استناك عبدالله ضحك : طيب .. طلعوآ مع بعض للشارع وبعد دقايق جت شهد ركبت السيآره وعيونهآ على عبدالله الي كآن متغير وزآيد وزنه شهد ( مشآء الله متغير مره ... حتى صاير اطول من يوسف ) دخل يوسف شهد : أيش كآن يبغى ؟ يوسف : طفشان وجاي عندي بس قلت عندي عمل شهد قالت : متغير هالعبدالله .. سبحآن مغير الأحوال رغد نحفت واتبهذلت وهو السعآده باينه على عيونه يوسف قال بحده : أذكري الله شهد بتافف : لا اله الا الله يوسف : ماتوقعت يطلع هذا الكلام منك شهد طلت بيوسف : يعني ماتبين أقآرن بينه وبين رغد المسكينه اللي عآيشه بهم وغم من طلع بحيآتهآ مره ثانيه .. ليته مآت جد ولارجع وخربط كيآنهآ يوسف نفخ عليهآ : لاتدعين عليه ترآهآ خويي ومآ أرضآهآ عليه بيننآ عشرة عمر شهد بنفس نبرة يوسف : وتدآفع عنه كمآن انت أكثر وآحد تعرف ايش قد رغد عآنت بحيآتهآ وبعدك وآقف معه .. قلوبكم ميته يوسف يتمآلك اعصابه : لاحول ولاقوة الا بالله شهد انتي غاويه نكد شهد تلف على الجهه الثانيه : انا ماقلت الا الصدق والا بهذآ الزمن ماللصدق مكآن يوسف : خلاص يابنت الناس شهد بقهر : خلك بصفه لا أوصيك يوسف يضرب الدركسون بقوه : وبعدين معك شهد عصبت : لآتصرخ عليا انت صاير لاتطاق يوسف : لا ياشيخه مين اللي صاير لا يطآق شهد بغرور : أكيد انت مو أنآ يوسف يصر على اسنانه : يارب صبرني "ورفع صوته أكثر " صبــرنــــي شهد شهقت :يصبرك !.. هذي أخرتهآ ماعدت تستحملني يوسف : شوفي ايش تقولين ماعدت اتحملك صايره تنرفزيني شهد بصوت باكي : زين أنك قلت لي " كآن توه وآقف عند بيت أهلهآ فتحت الباب وأنفجرت بالبكآء ".. لاتفكر ترجع لي سآآمــع "صكت الباب بقوه وطلعت لبيت أهلهآ وهو مشى بسرعه وأتجه لشغله وطنشهآ أول مآدخلت كآنت تبكي فتحت لهآ ريم الباب وأنصدمت لمآ نزلت لثمتهآ وشافت دموعهآ ريم شهقت بخوف : شهد أيش بك ؟! شهد دخلت ورمت شنطتهآ على المدخل ودخلت الصاله تبكي مهآ بخوف : خير ليش تبكين ؟ شهد جلست ودموعهآ تنزل بصمت : ولاشي هنآدي : كيف ولاشي وانتي تبكين شهد عصبت : قلت مآفيني شي غصب هو سمر وقفت بعيد عنهآ وقالت : اكيد متهاوشه مع محروسهآ شهد طلت فيهآ بنظره حآده :أنكتمي سحر توقف : رآيحه لغرفتي رغد : طيب أجلسي معنآ ترى الجمعه ماتنفوت سحر ترآجعت : طيب بجلس هديت شهد وصاروآ يسولفون حتى ينسون أي مشكله يعآنون منهآ ::: ::: ::: ببيت سيف الكل مصدومين من الكلام اللي يسمعوه من سآميه أمهآ تبكي مصدومه : كيف قدرتي تسوين كذآ سآميه منهآره : كله بسبب كوثر انآ مالي ذنب مسكهآ سيف وخنقهآ وقال بحده : مآلك ذنب " أعطآهآ كف " مستحيل أسآمحك أمهآ شدتهآ مع شعرهآ :الحين تقولين الحكآيه من البدآيه ساميه تبكي : والله بقول بس ارحموني انآ ندمت وتبت سيف صرخ عليهآ وهو في قمة غضبه : ندمتي !!.. الحين ندمتي وين قلبك يوم تتفقين مع الكلبه كوثر وتساعدينهآ سآميه تسمك يد سيف وتبكي : الله يخليك سآمحني انآ ندمت وتبت أن الله غفور رحيم سيف يبعد يده عنهآ : أسآمحــك على أنك دمرتي حيآتي وخربتوآ بيتي ...تعتقدين ريم بتسآمحك أو أنآ على اللي سوتوه ؟! سآميه أنهآرت بالبكي وطآحت على ركبهآ: ويش اسوي بنفسي عشان تصدقوني امها صرخت عليها ودموعهآ على خدها : تدلينآ على مكآن السحر ساميه وبعينهآ نظرة ترجي : والله بقولكم سيف يجلس ويطآلعهآ بنظرآت احرقتهآ : الحين.."صرخ عليهآ " ..ســــآآآمعــــــــــه |
يا خاطفي وين ألقى عزتي في زمان المذلة ! ::: ::: ::: ببيت أبو مهآ جلست هنآدي جنب ريم اللي باين عليهآ الشرود : تفكرين بمين ؟ ريم ابتسمت لهآ : بآلــي خــآلـــي هنآدي غمزت لهآ : جـــد خآلي والا مع سيف أفندي حست بغصه لما جآء ذكره خنقتهآ الدمعه وكآتمه حسرتهآ بدوآخلهآ قالت بصوت ممزوج بشوية حده : لاتجبين طآريه .. انسدحت وحطت راسهآ على فخذ رغد اللي صارت تلعب بشعرهآ وتمسح عليه ريم غمضت عيونهآ وهي مستمتعه بحركه رغد : رغوده فاكره لما اجي ابكي من حفل الأمهآت وتمسحي علي زي هاللحظة ؟ رغد ابتسمت بصفاء على الذكرى اللي مرت على بالهآ : يس اذكر تموتين من البكاء وخشمك يصير زي التفاحه ريم : تصدقين رغد لمستك فيهآ حنآن غريب رغد ضحكة ضحكه تجدد فيهآ الأمل وصفآء دمهآ من اي هم أومشاعر دخآنيه قد تّغــبــر عليهآ حيآتهآ بسببهآ : فاقد الشي لا يعطيه هنآدي شآفت شهد أنتبهت لشهد اللي كل شوي تطلع جوالهآ وتشيك عليه : شو صاير جايتنا تبكي وكل شوي تطالعي بجوالك شهد بتعب وآضح عليهآ : انتظر اتصال هنـآدي : مــيــ..."جآت رنيم ومسكت يد هنآدي بترجي " رنيم : حالتو هيآ نلعب "خالتو هيا نلعب " هنادي كشرت وقالت بزعل : مافيني رنومتي خليها وقت ثاني رنيم بعصبيه : لآآآآآآآ " وصارت تبكي هنآدي وقفت وشآلتهآ عشان تسكت ورآحوآ للصاله تلعبهآ بلاستيشن عشان تهدأ مهآ دخلت معصبه : مشاء الله جالسين هنآ ومحد يسآعدني تبون كل شي جآهز لعيونكم سحر بتأفف : يعني نجي نساعدك مهآ تتخصر : أيه أنسه سحر أنآ محتاجة مساعدتكم سحر وقفت ورآحة للمطبخ عشآن تفتك من أزعآج مهآ ولحقتهآ ريم مهآ : وانتي رغيد رغد : بتكلم مع شهد دآمكم مشغولين بالعشاء ... طلعت مهآ وخلتهم رغد قربت من شهد وسحبت جوآلهآ من يدهآ : امممم شو صاير بعد شهد جلست وحطت يدهآ على بطنهآ : تهآوشنآ رغد ابتسمت عرفت من شكل شهد أن في سوء تفاهم بينهم : والسبب ؟ شهد قالت بنبرة عصبيه وحقد : اللي مايتسمى " سكتت شوي وبعدهآ قالت " عبيد رغد عقدت حوآجبهآ بأستغراب : عبدالله شهد رفعت عيونهآ وطآلعت رغد : أيه عبدالله .. من جد أنقهرت يوسف متحيز له بشكل مو طبيعي رغد وكأنهآ تضايقت : مايسوى تتهاوشين معه عشان عبدالله كبري عقلك شوي ياشهد شهد تهز رجلهآ : ايش يقول يارب صبرني .." شوي وتبكي " انا يدعي الله يصبره عليا... والله ما أرجع له لو يموت يجرح ولا يبالي رغد ماسكه ضحكتهآ : الحين زعلانه عشان قال الله يصبرني ؟ شهد بقهر : أيـــــوه .. تخيلي يارغد " وقامت تبكي ضمتها رغد لصدرها وهي ماسكه نفسها عن الضحك عشان ما ترفع ضغطها زياده " رغد : ماعليش ياروحي حقك علي ... احيان لما نعصب مانعرف أيش نقول شهد تمسح دموعها : مايشوفني تعبانه وحامل وقرفانه وايش بعد بالليل يكذب علي احبك وأموت عليك ما أتخيلك بعيده عني لحظة .. والله ان الرجال نصابين ثم نصابين غايتهم شي واحد وبس رغد أنفجرت ضحك ماقدرت تمسك نفسهآ : ههههههههه آآآه بطني خلاص يرحم اهلك ما اتحمل شهد عصبت : حتى انتي يارغد ؟ رغد تتكلم بصوت مقطع : ماتشوفي نفسك كيف تتكلمي باين انك حاقده شهد ترفع يدها للسماء : يارب تذوقها اللي اذوقه رغد : اتزوج ايه اتهاوش مع زوجي لا شهد قبل تتكلم دق جوالهآ وكان بيد رغد اللي صرخت :(حبي ) يتصل بك .. خذي ردي شهد بعنآد : ماراح أرد رغد تسحب الجوال : طيب أنآ أوريك ...الـــو يوسف : سلآم رغد ابتسمت لشهد اللي فتحت عيونهآ على الأخير : وعليكم السلآم هلا والله يوسف : هلآ فيك .. كيفك؟ رغد : مو بخير يوسف : أفآآ ليش مو بخير رغد : انت وشهد جننتوني كل يوم متهآوشين أيش صاير لكم يوسف : أسئلي شهد هي تقولك رغد ضحكت : ماقصرت قالت السالفه البايخه كلهآ يوسف : أجل بايخه والله طلعيت الوصف المناسب لهآ رغد : اممم تقول انك متحيز لـــ"لحقت نفسهآ وسكتت "..أقول بتموتني بعيونه كلمهآ أحسن ..رمت الجوال ورآحت جري للمطبخ عشآن تنسى اللي صار شهد (حسبي الله عليك يارغيد أيش صار لو طنشته ومارديت "اخذت الجوال وردت : خير يوسف كشر عرف أنهآ معصبه: الخير بوجهك شهد : وبعدين يوسف : ولا قبلين .. ترى بمرك جهزي نفسك شهد : شكلك مآسمعت أيش قلت لك بالسياره يوسف : لا والله مآسمعت عيدي بالله شهد ارتفع ضغطهآ : على أمرك أعيد لك .. لاتفكر ترجع لي يوسف بحده: أيش يعني ذا الكلام ؟ شهد : اللي فهمته يوسف : والله ياشهد لو ماتتركي عنآدك رآح أخليك تندمين شهد : ماراح أندم صدقني يوسف : أجل تأكدي أن الثانيه رآح تجي عليك شهد عصبت : هذا اللي أنت فالح فيه خساره اني أحب وآحد مثلك " قفلت الخط بوجهه وأغلقته مره وحده عشان مايدق عليهآ أمــآ يوسف طالع الجوال وهو منصدم من كلامها وأنهآ قفلت بوجهه يوسف : طيب ياشهد إن مآخليتك تجين لي بنفسك ما أكون يوسف |
يا خاطفي وين ألقى عزتي في زمان المذلة ! ::: ::: ::: الســآعــه 1 بتوقيت الرياض بدأ يستعيد وعيه يشوف اللي حوله سرآب مآعآد يميز شي أبدا ميز نبرتهآ البآكيه : فــهـــد .. الحمدلله على سـلآمتك يحس بلسآنه ثقيل وبدت تتضح الرؤيه له بالتدريج كانت جالسه على الكرسي اللي جنبه واول ما لمحته صحى قربت منه حطت يدهآ على جبينه وبعدت شعره شوق تبكي : فهد طمني أيش تحس فيه ؟ فهد غمض عيونه وهو يتذكر كل اللي صار في بيت أبوه :قلبي .. قـــلـــبـــي يــألمــنــي شوق بحرقه : الله ينتقم منهم.. مآخلوك في حآلك ايش يبغوآ منك بعد كآن ينطق أهآت موجعــه وأعصآبه لم تتحمل قوة الألم التي تحملتهآ سنين طوآل: أيش صار لي ؟ شوق تمرر يدهآ على خده : لا تتكلم ياحبي أنت مآتتحمل أي مجهود فهد غمض عيونه بألم وضغط على يدهآ : تعـــبـــآن .. آآآه يــآشوق شوق زآدت دموعهآ وحطت رآسهآ على صدره اللي مليآن أجهزه لنبضآت القلب وغيره : عسى الألم في عدوك فهد : أذا مــت ....قاطعته بحده شوق ودموعهآ على خدهآ : لاتقول تموت عسى يومي قبل يومك " ضمته وصارت تشآهق في البكاء مآتتحمل أي تعب زيآده وشوفته طآيح قدآم عيونهآ تألمهآ فهد فتح عيونه وضغط على يدهآ : لآتبكين شوق كآنت تبكي بصوت عالي يزيد عليه ألمه : كيف مآ ابكي ... متى بنرتآح ؟! فهد يلف رآسه على الجهه الثآنيه : الله كريم شوق رآحت تغسل وجههآ وتبعد عنه أثر الدموع رجعت وشآفته كأنه متخدر ونآيم قربت منه : فهد !! مآرد عليهآ رآحت جلسة على الأريكه وأخذت المصحف تقرأ فيه حتى تهدأ وتستريح .. وبين كل فتره وفتره ترفع عيونهآ تتأمله من بعيد وهي تشوف تجآعيد الالم مرتسمه على جبينه وتذرفت دمعتهآ بصمت عذآبي وأنين نفسي مُرِيبْ خلصت جزئين كآمله من المصحف .. ورفعت يدهآ وهي تردد بينهى وبين نفسهآ وكلهآ يقين صآدق في الأستجآبه (اللهم إنى أسألك رحمة من عندك تهدى بها قلبي، وتجمع بها شملي، وتلم بها شعثي، وتردبها الفتن عني، وتصلح بها ديني، وتحفظ بها غائبي، وترفع بها شاهدي، وتزكى بها عملي،وتبيض بها وجهي، وتلهمنى بها رشدى،اللهم اعطنى إيماناً صادقاً ويقيناً ليس بعده كفر، ورحمة أنال بها شرف كرامتك فىالدنيا والآخرة،الأنبياء، اللهم إنى أنزل بك حاجتي وإن ضعف رأيى وقلت حيلتي وقصر عملي وافتقرت إلىرحمتك، فأسألك يا كافى الأمور ويا شافي الصدور كما تجير بين البحور أن تجيرني منعذاب السعير ومن دعوة الثبور ومن فتنة القبور،آللهم أشف لي زوجي وقّــر عيني به يآ أكرم الأكرمين ) سمعت صوت جوالهآ بسرعه طلعت وردت عشآن ما يزعجه الصوت شوق : هلآ مهآوي مهآ خآفت من نبرة صوت شوق المبحوحه : شوآقه ويش فيك ؟ شوق مآدرت عليه وتحاول تكتم عبترهآ طلعت من الغرفه والجوال بيدهآ تسمع أسئلة مهآ لكن مآ ترد عليهآ سمعت مهآ صوت شهقاتهآ : شوق خوفتيني أيش صاير لك ؟ شوق بصوت متقطع : فــ...ــهــ..ــد مهآ بصدمه : فهد .. ايش فيه ؟! تكلمي بسرعه شوق : تعب مره .. والحين معه بالمستشفى مهآ : أيش اللي تعبه ؟! شوق : مشآكل مع أهله وأرهق نفسه كثير ... مهآوي أنآ خايفه عليه قلبه مآيتحمل الزعل مها توآسيه : ماعليه ياقلبي خليك جنبه وربي يقومه بالسلامه شوق تبكي : أحس بغربه .. ووحده تقتلني مهآ تأثرت بكلامهآ : ياقلبي عليك أنتِ ايش تسوي لازم تتحملين هذآ زوجك بتعيشين معه بأي مكآن شوق : جلستنآ بالرياض أكبر غلط ماجآنآ من ورآهآ الا المشاكل مهآ : هدي نفسك الحين وأستغفري ربك أعرفك قويه وهذي الأشياء ماتهزك ياشوقه شوق كلمت بكآهآ : مليت من بُعدي عــنــكم مشتآقه لكم ... مرت عليآ أيام ظنيت اني بموت وأنآ ماشفتكم ولا ودعتكم مها قبضهآ قلبهآ تعرف شوق مآ تقول شي بدون سبب : شوآقه فيك شي أنتي .. أحسك مخبيه شي عني ؟ شوق سكتت وأكتفت بالبكاء وبعدهآ صرفت معهآ على أساس أنهآ بتروح للدكترو تسأله عن فهد عشان تتهرب من اسئلتها :: :: بآلمدينه قالت مهآ لخوآتهآ عن كلام شوق رغد : الله يقومه بالسلامه شهد عقدت حوآجبهآ : مآ تلآحظون أن المصايب تجينآ من كل النوآحي سحر : أستغفري ربك هذآ كله مقدر ومكتوب علينآ شهد تطالع ببطنهآ البارزه : على قولتك مقدر ومكتوب مهآ : أقول شهد منتي نآويه ترجعين لزوجك شهد رفعت حآجبهآ بحده ومليت فمهآ على جنب : مها الله يوفقك لآتجبين لي سيرته هنآدي تنسدح على التكآيه اللي جنبهآ : وين اللي تحبه وميته علي كله طلع خرطي شهد نفخت عليهآ : أنتي ويش دخلك سبحآن الله تموتين لو مآ تتلقفين هنآدي : الشرهه علي اللي أسولف مع بزر مثلك شهد بسخريه : أموت على عقلك الملحوس ريم تضايقت منهم : لااله الا الله تموتون لو ماتتهاوشون أووف بس مهآ: ريلاكسنج قيلر .. سحر دق جوآلهآ وقآمت لغرفتهآ بآلغرفه سحر : هلا لينآ لينآ بزعل : ليش تحقريني هآآه ؟!.. ويش سويت لك مآتوقعتك كذآ ياسحر ... عشان شي تآفه زي كذآ تطنشيني ولاتردين على مكالمتي سحر بطولة بال : متضايقه ومابي أكلمك وأعصب ونتزآعل لينا : عصبي علي وهآوشي بس مو تطنشين حتى مسجآتي ماتردين عليهآ سحر بتأفف: أنتي عارفه له لينآ بحده : يعني بنقطع علاقتنآ عشآن وآحد خبل مثل معآذ سحر : لينآ انتي من سنه تلمحين لي عن أخوك وأنآ افوت لك بكيفي وبينت لك أني أكره بس أنتي وريم دآيم تتغآمزون وكملهآ حضرته لمآ ضافني وصار يكذب علي لينا : ويش ذنبه المسكين ؟ سحر : ذنبه أنه حبني .. فهميه أني مآ أحبه ولا أطيقه... ورآفضة طلبه لي رفض قاطع مستحيل أترآجع في قراري لينا تحآول تهدي نفسهآ : طيب بقوله بس أنتي لآتعصبين ولاتخلطين الموآضيع ببعض أنآ غير ومعآذوه غير سمعتي سحر : ليون أنتي صديقتي وغاليه علي بس حركة أخوك جننتني مآتوقعته وقح لذي الدرجه لينآ : بس هو يحبك وربي يموت فيك سحر بحده : ما تفهمين أنتي .. قلت لك أكره مآ أطيقه دخلي ذي الفكره برآسه الله يخليك .. خليه يشوف نصيبه مع غيري لينآ : بقوله الله يكون بعوني بس كذآ راح يتحطم فكري فيه ياسحر أنتي جربتي الحب وجربتي كيف العذاب لما تحبي أحد مآيحبك ولا يبيك يرضيك يصير في معآذ كذآ سحر ببرود : أيه يرضيني خليه يذوق المَــر اللي جربته لينآ : يآآآه قلبك مرآآ قآسي وأنآني سحر : كذآ علمتني الحيآه لينآ وصلت حدهآ من سحر وكلامهآ : طيب بقفل الحين باي سحر : سلمي على أخوك وفهميه اللي قلت لك .. بآآيــو قفلت الجوال وتنفست نفس طويل وتحس بلذه لكن مآ تدري أيش سببهآ ... أبتسمت بلئم سحر تلم شعرهآ وترفعه : مآلي ومآل الحب خليه يذوق اللي ذقته قال يحبني قال .. رآحت للمرآيه تعدل شكلهآ وتحط روج وتتعطر فجأه حست بتأنيب الضمير ( ويش صار لك ياسحر عمرك مآتمنيتي العذآب لأحد ... ليش تخلينه يدفع ثمن غلطتك ) سحر تركز بشكلهآ في المرآيآ : لايحن قلبك للحب ياسحر الوآحد مآ ينقرص مرتين رجعت عــنــد خوآتهآ في الصآله :: :: ليليّ ألَمٍ ~ صُبحيّ ألَمٍ ~ يُوٍميُ ألَمٍ ~ قلبيْ ألَمٍ ~ مَآلهّ حُدوٍوٍوٍوٍوٍوٍدْ . . . ! وٍينُ مَآ أرٍوٍحّ تبقىّ | آلجروٍح ‘ وآلذكرٍيآتْ } وٍ آحيآإ ألَـًـَمٍ ~ إنتْ " آلرٍبيْعٍ " وإنتٍ | آلفصول ‘ وٍإنتْ آلحنآإنُ لوٍ مآ تعوٍوٍوٍوٍوٍوٍد . . . ! اليوم اللي بعــده العصر وتحديدآ بأحدى مستشفيآت العآصمــه السعوديه طول الليل سهرآنــه خآيفه يحتآج شي.. مر الوقت بدون مآتحس وغفت على الأريكه اللي كآنت جآلسه عليهآ تقرأ قرآن ... صحى من نومــه الطويل بفعل المسكنآت مآيدري من وين يبتدي ولوين ينتهي ...شآفهآ مآيلهآ ونآيمه شوفتهآ خلت قلبه يحن عليهآ وأحسآسه بالحقد على أبوه اللي جرحهآ بالكلام ... بسببه الكل أحتقرهآ وتكلم عليهآ ..جبرهآ على الالــم والعذآب رضت بنصيبهآ لكن زمآنهآ مافيه أمــآن فهد ( ويش بقى بعد تفقده حتى الحظ ردي معك وهذي المسكينه معك تعاني مآ أرتاحت في دنيآهآ وانت زدت عذآبهآ أضعآف أضعآف .. لازم تفكر يافهد كيف تبعدهآ عنك عشآن ترتآح في حيآتهآ ...وين فهد الأول فهد اللي كآن يلقى لكل شي حل .. الأيام جآيه وكفيله بأنهآ تثبت لهم من أنآ .. حتى أنتي يآشوق بتنضمين لهم ) مآكآنت مرتآحه بنومتهآ أبدآ فتحت عيونهآ بتكآسل ورقبتهآ تعورهآ لأن طريقة نومهآ عشوآئيه .. نزلت طرحتهآ وطلت بسرير فهد وشآفته صآحي ..وقفت ومشت له شوق بابتسآمه : صبآح الخير فهد : صبآح النور ... مسكت يده وبعيونهآ لمعة فرح وهي تشوف الشحوب فارق ملآمحه شوق : كيف قلبك ألحين |
يا خاطفي وين ألقى عزتي في زمان المذلة ! ::: ::: ::: فهد بآس كفهآ وأبتسم لهآ : الحمدلله ... أحس رجعت زي قبل شوق جلست على طرف السرير ولفت يدهآ على كتفه : بآين على وجهك أنك متحسن فهد : أن شاء الله الدكتور يكتب لي خروج أذآ جآء تعرفين مآ أتحمل جلسة المستشفيآت شوق: يارب في البيت ترتآح أكثر قآطعهم صوت جوآلهآ .. وكآن عمهآ متصل يتطمن على فهد بعد مآقالت له مهآ عن اللي صار شوق أبتسم : لا الحمدلله ياعمي تحسن كثير ... تبي تكلمه بنفسك .. أوكي فهد أخذ الجوال منهآ : هلآ والله بأبو مهآ أبو مهآ : كيفك ياولدي ؟ فهد : بخير عسآك بخير أبو مهآ: بشرني عن صحتك فهد : الحمدلله على كل حآل .. أنت كيفك ياعمي وكيف الأهل ابو مهآ : بخير ينتظرون جيتكم المدينه فهد أبتسم : قريب أن شاء الله بجيب شوق وعدتهآ من فتره أجيبهآ أبو مهآ : اجل ننتظركم مشتآقين لكم فهد : تسلم ياعم ... أبو مهآ : قدآمك العافيه ياولدي وأنتبه لنفسك ولبنتنآ معك فهد : لآتوصيني على عيوني ... قآمت تصرف نفسهآ لأنهآ انحرجت من نظرآته لهآ وهو يكلم عمهآ دخل بعد ربع سآعه الدكتور وكشف عليه وكتب له خروج بمآ ان حالته أستقرت العصر رمت نفسهآ بتعب على وسآدتهآ البيضاء النآعمه غمضت عيونهآ تبي تنسى او تتنآسى طيفه الذي لم يفارق خيآلهآ وصوته الذي يسكن اضلآعهآ أنقلبت على يسآرهآ وفتحت درج كمودينتهآ وطلعت دفترهآ الخآص فيهآ مسكت القلم تبي تكتب محتآجه تفرغ الطآقه اللي فيهآ على الورق بوآسطة الحبر .. توقفت لمآ سمعت نغمة جوآلهآ ريم كشرت : مو وقته أبدآ .. الحين أنسى اللي بكتبه ..لفت على جوالهآ وشآفت الرقم أنصدمت حست أن نبضهآ توقف والدم تجمد دآخل عروقهآ ... قلبهآ هوآ الى أسفل تزلزل كيآنهآ الرقيق رمت جوالهآ على السرير وعيونهآ عليه الى توقفت نغمته ... مآهي مستوعبه بعد أسبوعين دق عليهآ .. رجع دق مره ثانيه صارت ترتجف ومتردده أنهآ ترد عليه وتكلمه هو طلقهآ ولا سأل عليهآ من فتره ..توه تذكرهآ وصار يسأل عنهآ مسكت جوآلهآ وتحس بغصه تخنقهآ كانهآ تايه عند مفرق الطُرق ولا تعلم أين الطريق الصحيح ... تشجعت وردت ريم : الـــو سيف : أخيرآ رديتي ريم مآتدري ويش تقول لكنهآ أتقنت الجفاء في هذه اللحظة : ويش تبي ؟! سيف : قبل كل شي سلآم ريم : وعليكم السلآم سيف : كيفك ؟ ريم : الحمدلله بألف الف الف خير سيف : عسآه دوم يارب ريم : ويش بغيت ؟! سيف : أبي أتكلم معك بخصوصنآ ريم : أي خصوص مآفي شي يخصنآ أحنآ أنتهينآ سيف أستغرب حدتهآ في الكلام خصوصا جفافهآ معه : ريم ترى بعدك زوجتي والعدة مآ أنتهت وأنآ أبي أرجعّــك ريم : بس أنا مابي أرجع لك كرهت حيآتي معك مآ كأني زوجتك كأني خآدمه لك أشوف طلباتك وألبيهآ لك سيف : بس أنآ أحبك ريم عصبت : بعد تقول أحبك ... أنت مآتعرف الحب هذآك أول أصدقك كنت مخدوعه فيك أمآ الحين عرفتك وعرف الحيآه معك وأنآ مستغنيه عنهآ ما أبيهآ سيف أنجن من كلامهآ وقال بحده : أني وآعيه للي تقولينه ؟! ريم تصر على أسنآنهآ وتحآرب دموعهآ التي أوشكت على الأنهمآر : طبعآ وآعيه ريم المغفله ماعادت فيه .. خلاص ياسيف أفهمني ما أبيك أتركني أعيش حيآتي بدونك سيف : ريم هذي أول عتَبهَ توآجهنآ في الحيآه ومآقدرتي تتحمليهآ مآيصير كذآ ريم غمضت عيونهآ : أنآ أنصدمت فيك .. أنصدمت بكذبك علي وين وعودك لي مآشفت منهآ ولا شي ..أنآ مانسيت نظرآتك وتأففك من أقترابي منك كل هذي جرحت قلبي وماعندي أستعدآد أشوف ذيك النظرآت بعيونك سيف : وأذا قلت لك مبررآتي ريم بحده : وفر على نفسك التعب لأنك مهمآ قلت من اسباب مآراح تشفع لك تحمل الكلام اللي يسمعه وقلبه يتألم في دآخله أول مره يحس بنبرتهآ الجديه والوضوح أكيد فكرت زين الفتره اللي تركهآ فيهآ مآيقدر يلومهآ حآس بشعورهآ لكن مآهو بيده النفور منهآ يحبهآ ويموت فيهآ لكن الظروف كآنت أقوى منه ومنهآ سيف : أرجوك فكري زين وأنآ بستنآك العمر كله ... مع السلآمه قفل الخط وتركهآ في صرآع دآمي مع دموعهآ والوجع الذي سكن فؤآدهآ .. كآنت مهآ دآخله للغرفه تدور شنطتهآ شآفت ريم تبكي وتشهق مهآ : ياساتر .. ايش اللي بكآك ريم تشهق : مآفي شي خليني بروحي مهآ جآت جنبهآ ومسحت على شعرهآ : حبيبي قولي أيش فيك يمكن اقــ... ريم صرخت عليهآ ودموعهآ على خدهآ : قلت مافي شي أتركـــيــــنــي عقدت حوآجبهآ بأستغراب وطلعت من الغرفه وسكرت الباب شآفت سمر بتدخل الغرفه مهآ : لاتدخلين ريم تبكي ومعصبه والله غير تزعلك أبعدي عن الغرفه سمر بتأفف : ياربي كل وحده تبكي من جهه ويش ذآ من جد عنآء مهآ ضحكت ولفت أكتآف سمر وأشرت على الصاله : قدآمي يالله بندور شي نشتغل سمر بحمآس :أيش رايك نسوي محشي .. مشتهيته مهآ تهز كتوفهآ : مدري بس يالله نسوي ليش لا ومشوآ للمطبخ يجهزون الأغراض ويبدون يطبخون |
يا خاطفي وين ألقى عزتي في زمان المذلة ! ::: ::: ::: في أحدى مرآكز المبآحث في المدينه جآء بعد مآ خلص الشغل اللي عنده ورمى نفسه جنب صديقه هلكآن أشتغل عن ثلاث أيآم في سآعتين عبدالله : خير ويش فيك تتأفف يوسف : أعوذ بالله أهلكوني وقع حط شوف كرهت رتبتي عبدالله ضحك : غيرك يتمنى يصير ملازم وأنت تتأفف أحمد ربك ياخي يوسف: الحمدلله ... ويش اخر علومك كيف زوجتك وولدك ؟! عبدالله سكر الجريده اللي كآن يقرآهآ وصب ليوسف قهوه : مآشي حالهم .. انت كيفك مع شهد من زمآن ماقلت لي اخبارك يوسف تغير وجهه : ابد عايشين عبدالله أنتبه ليوسف والضيقه اللي طرت عليه: أفــآآآ علام وجهك تغير يوسف : من التعب اللي تعبته عبدالله مآ مشت عليه تصريفته : لآتلف وتدور قول اللي عندك .. صاير بينكم مشاكل يوسف يشرب فنجآنه : تبي الصراحه أيه ... رآحت عند أهلهآ مالهآ شهر رآجعه طفشت والله ياعبدالله الزوآج هم وغثاء عبدالله: لاوالله من قال هم وغثاء شوف أنآ مبسوط ومرتآح مع أمل يوسف : بس امل مآهي زي شهد عبدالله : قول الصدق سعيد مع شهد والا ....." وسكت " يوسف تنهد وطلع بكت دخآنه وبدأ يدخن : أممم لا والله سعيد معهآ بس الله يهديهآ صايره تزعل على طول مدري ويش اسوي لهآ بس هالمره مابي أراضيهآ رآح أأدبهآ بطريقتي عبدالله ضحك : ويش قلت ترى الرجال فينآ تروح علومه مع زوجته وتعلمني بعلومك يايوسف قول الكلام ذآ لغيري يوسف طل فيه بنظرآت قويه : ويش تقصد هآآآه اني عديم شخصيه ؟ عبدالله : لا ... بس القلب ومآيهوى انت تحبهآ وماتقدر على فرقآهآ أنصحتك روح رضآهآ ولا تنسى أنهآ حامل ترى الفتره ذي لاتأخذ على خاطرك منهآ البنت تتغير لأنهآ تكون مضغوطه يوسف : مشاء الله صاير دكتور وانآ مدري عبدالله : أحــــم بس ويش رايك بفلسفتي يوسف : زي وجهك هههههههههههه عبدالله يقلب عيونه : وجهي حلو يعني فلسفتي حلوه يوسف يدقه بكوعه : مآخذ مقلب قوي بنفسك هجدنآ وأنآ أخوك :: :: نرجع لبيت أبو مهآ نزلت هنآدي عند عبير عشان تضيع طفش .. كآنوآ يسولفون مع بعض عبير : شوفي هنوده كل شي يخص مآجد هآتيه عندي أخآف أخوآتك لاسمح الله يشوفونه ويسوون لك هرجه ... تعرفين انا بغرفه لوحدي والاب لحالي مو زيك هنآدي تفكر : معك حق تخيلي تشوفه مها والا رغد يمــــــه قسم غير يسوونِ شآورمآ عبير : هههههههه أمــآ عاد .. المهم كل المقاطع والاشياء اللي تخصه جيبيهآ لي عشان أخبيهآ سرير فيه من ورى درج مكآن خطير مايطري في بال أحد هنآدي بشك : وينه بشوفه بعدوآ السرير وورتهآ مكآنه هنآدي : أبوكِ يالفله اللي صممه شكله متعقد من المخابي السريه عبير : وازيدك بعد تحت في زي الدرج تنزلينه مكآن روعـــه هنآدي : تدرين بشوف سريري لايكون فيه زيك .. بس بجيب لك بكره المقاطع على فلاش مومري بس الله يوفقك ياعبوره انتبهي له لو يضيع الفلاش نضيع ورآهآ هذآ النووي اللي عندنآ ضد مآجدوه الكلب عبير : أفآ عليك ِ ياهنوده أحطه بعيوني أنآ .. اعتمدي علي هنآدي : اجل تم بكره يكون كل شي عندك ... وعلى فكره ترى بأخذك النور طفشآنه مره نروح نلفلف ونتعشى عبير : أخآف نوآف يرفض هنادي : ويش خصه فيك استأذني من ابوك هو وليك اخوك ذا متسلط بشكل الله يعينك عليه عبير : متى بتروحين انتي ؟ هنآدي : بكره العشاء .. جهزي نفسك من الحين سمعتي ! عبير : ابشري من عيوني هنآدي تطالع ساعتهآ : يالله تأخرت الحين مهآوي تسولي سالفه اذا طفشتي اطلعي عندنآ عبير : أوكي اذا فضيت وخلصت أشغالي جيتكم هنآدي لبست عبايتهآ وطلعت للبيت وبالدرج شآفت رغد نآزله هنآدي بلقافه : وين رآيحه ؟! رغد : بروح مشوار عندك مآنع هنآدي : دربك خضر بس لا تتأخري رغد بسخريه : حآضر أي اوآمر ثانيه هنآدي : سلامتك .. بايو ركبت السيآره ورآحت للصيدليه تجيب لشهد أدويه وكريمآت... بالرجعه طرى على بالهآ فجأه تذكرت كل تفاصيله الدقيقه .. قلبت في جوالهآ بعض رسايله اللي لآزالت محتفظه فيهآ زفرت آآه عليله من صدرهآ ما اقدراسامحغيابهو اعديّه ! جرحْ( الغياببلاسبب ) صعب يشفى .. ! صعب يشفى .. ! صعب يشفى .. ! رجعت للبيت والحزن مكتسيهآ أعطت شهد أغرآضهآ ودخلت الغرفه تفكر باللي أسر قلبهآ وتفكيرهآ ... تنآجي نفسهآ بهدوء وتنآقش الجروح ببرود ... قتلهآ ومشى في جنآزتهآ وصفته بآلقآتل البآرد ... ذبلت ورودهآ في فصل ربيعهآ مآلقت دفآهآ وقت شتآهآ دخلت عليهآ شهد وشآفتهآ ضآمه الخدآديه الصغيره على صدرهآ وسرحآنه شهد : أمممم تفكرين بمين ؟! رغد ترمي الخدآديه ورآهآ : فيــك شهد أبتسمت على جنب : علي !!.. بمين بالله ؟ رغد بنظرآت مُثلجــه : قلت فيك ليه مآتصدقين شهد جلست قبآلهآ : أشوفك بعيونك غير كذآ ... كأنك تذكرتي "وسكتت مآقدرت تكمل كلامهآ " رغد ضحكت كآنت ردة فعل عكسيه وغير متوقعه منهآ .. عقدت شهد حوآجبه مستغربه منهآ شهد : حشى أنجنيتي رغد من بين ضحكآتكهآ نزلت دمعه على خدهآ بهدوء ورقه : مــعــذوره "شهقت وخبت وجههآ " لـــو أنــ..ــجـنـ...ـيــت شهد بردت ملامحهآ وعضت شفايفهآ قآمت وجلست جنبهآ وحضنتهآ :لاتتعبين عمرك ..مآمليتي من التعب والحزن رغد بعدت يديهآ عن وجههآ ودموعهآ منتشره على خدودهآ: تعبت والله العظيم تعبت ... ليش الفرح مآيجينآ حيآتي كومــة أحزآن ومصايب شهد تحآول تخفف عنهآ : هذآ قدرك لازم تتعايشين مع الوضع رغد بنبره طويله : مـــــآآقـــــدرت شهد : كذآ ماتقدرين تكملين حيآتك الأمل حلو خلي عندك أمل كبير رغد مسكت يد شهد بترجي : قوليلي ويش سويت أنآ عشآن يصير فيني كذآ ... ليه عشنآ بدون أمهآت وقلتنآ الحب ...أنآ تهت بالعتمه ياشهد مآلقيت بدنيتي غير الغرابــه والجروح شهد ضمتهآ لصدرهآ مآقدرت تتكلم أكثر كلام رغد يذكرهآ بأشياء تتمنى تنسآهآ ... كلهم كسيرين مآ جبرتهم السنين والأيآم بمرورهآ بغرفه ثآنيه كآنت عيونهآ على التلفزيون وذهنهآ شآرد لأبعد مدى .. بيدهآ ورقه قطعهآ وخلتهآ شرآئح صغيره جدآ سمر : ريومه ليش مسويه بالورقه كذآ ريم طنشتهآ وماردت عليهآ .. دخل أبو مهآ وسلم عليهم .. جلس معهم بالغرفه هنآدي : كيفك يابو مهآ ابو مهآ : الحمدلله بخير .. وين شهد ورغد ؟ مهآ: بغرفتهم يبه .. ابو مهآ : أقول يابوك ترى شوق بيجون خلال هالاسبوع كلهم : صــــدق ابو مهآ : ايه كلمتهآ وكلمت فهد .. يقولون بيجون بس يتعافي زوجهآ هنآدي بفرحه : وآآآآآآو ونــآسه أبو مهآ أنتبه لريم لان الزعل باين عليهآ : ريم علامك مكشره يابنتي ريم ابتسمت لأبوهآ : طفشانه ... تعشيت يبه وألا أحط لك عشاء ابو مهآ : ياليت تحطين شي خفيف توي حسيت بالجوع ريم توقف : يخسي الجوع الحين أسوي الأكله اللي تحبهآ .. طلعت ورآحت للمطبخ ابو ها بحزن : مسكينه ذي البنت مآتهنت بحيآتهآ مهآ : هذا أمر الله يابوي .. مآتدري يمكن خيره لهآ أبو مهآ : وشهد ليه مآتبي ترجع لبيتهآ كل يوم جايتنآ مايصير كذآ مهآ : ويش نسوي عنيده واللي برآسهآ تسويه ترى بنآتك يبه جننوآ الرجال عقلهم ابو مهآ يضحك : وانتي بعد ليه ماتروحين بيتك مهآ : تدري ان بندر عنده أنتدآب لتبوك كلها اسبوع وبرجع لبيتي سمر : الله يصبرنآ اسبوع والله طويل سحر : هههههههه تبين الفكه سمور سمر بتأفف : تبون الصدق أيه أزعجتنآ حتى النوم تحاسبنآ عليه مآصآرت مهآ تقرصهآ : كل هذا بقلبك علي أهب عليك أبو مهآ : الله يوفقكم ويبلغني فيكم قبل مآ أموت وأتطمن على كل وحده مع زوجهآ مهآ من قلبهآ : آمين ولك طولة العمر ابو مهآ : اقول يابنآت أنتبهوآ لريم انآ ملاحظ انهآ تعبانه كلموهآ مهآ : وأنت بعد يبه لآزم تكلمهآ هي تسمع كلامك حنآ ماتترك لنا فرصه نكلمهآ ابو مهآ : يصير خير لي جلسه معهآ هي وشهد |
يا خاطفي وين ألقى عزتي في زمان المذلة ! ::: ::: ::: بمكآن مجهول وسط المدينه ...: بشر ويش صآر على أتفاقنآ ...: كل خير بأذن الله ... بس مآ تنسى وعدك لي ...: افا عليك انآ عند كلمتي بس تنفذ شرطي مآ يصير الآ اللي يرضيك ...: زين .. بس عندس سؤال ويش تبي منهآ بالضبط ...: شي خآص انت عليك تنفذ وأنآ علي الباقي ...: بس أنآ أخاف عليهآ ...ويش يضمن لي أنك مآ تأذيهآ ...: لاتفتح أبواب انت موبقدهآ كل اللي ابيه تنفذ هآلشرط وبــس ولا تكثر أسئلتك ...: بكيفك .. انا مآ وافقت الا عشان مصلحتي أولا وأخيرآ ...: أممم طيب ماقلت ويش خطتك ؟! ...: شوف خطتي تنفع وألا مآتنفع اليوم اللي بعــده بآلرياض ببيت ابو رياض كآنوآ على طآولة الغداء يتغدون ام رياض : يابو رياض مادريت ان فهد بآلمستشفى ابو رياض رفع راسه وبنظره حاده : ألا دريت هزآع بخوف : علامه يمه لايكون فيه شي ؟ ام رياض وعيونها على زوجها : تعب شوي روح يمه زور اخوك مايصير تتركونه ماحد يروح له ابو رياض بحده : وين يروح ؟ ام رياض : يزور اخوه ابو رياض بتهديد وبنبره مخيفه : لو تروح مآتلوم ألا نفسك سمعت هزآع تاهت نظرآته بن أمه وأبوه وألتزم الصمت ام رياض : حرآم عليك ياصالح مايجوز اللي تسويه هذي فيها صلة رحم ابو رياض : أنآ مآعندي ولد اسمه فهد سمعتي ولاعاد تجيبين لي سيرته فاهمه ام رياض بحده : كيف تقول ماعندك ولد هذا من صلبك والا نسيت أبو رياض اعطهآ نظره شرآريه : ماتفهمين يامره .. قلت لك لاتجيبين سيرة ندى وقفت : الحمدلله هزآع وقف معهآ : انا طالع توصون شي ابو رياض : وين بتروح ؟ هزآع : العيال رايحين كوفي ودقوآ علي بروح عندهم أبو ريآض : الله معك وانتي ياندى ما تغديتي كملي غدآك ندى : الحمدلله شبعت .. بطلع اخذ لي غفوه .. مشت بسرعه وهي طالعه مع الدرج ( آآآآهـ يبه صدمتني فيك .. كل يوم دآئرة صدمتي تتوسع اكثر بأقرب الناس لي ) أمـــآ بالنسبه لهزآع ركب سيآرته وأتصل على فهد هزآع : السلآم عليكم فهد : وعليكم السلآم يآهلآ بهزآع هزآع : كيفك ؟ فهد : الحمدلله بخير أنت كيفك هزآع : بخير .. كيف صحتك فهد : الحمدلله تمآم هزآع : وينك بالمستشفى ؟! فهد : لآ طلعت الصبح .. في بيتي الحين هزآع : اللي بمزرعتك فهد استغراب سؤاله : ايه اللي بمزرعتي .. ليه تسأل ؟ هزآع : لأني بجيك محتآج شي أجيبه معي ؟ فهد : سلآمتك .. انتظرك هزآع : زين أنآ بالطريق .. سلام قفل الجوال منه وطالع شوق بنظرآت مستغربه شوق : خير فهودي ويش في ؟ فهد : هزآع بيجي شوق أبتسمت : صدق أجل بنزل المطبخ اسوي حلى سريع على بال مايوصل فهد : غريبه أول مره هزآع يكلمني ويجيني شوق توقف : حبيبي أنتم أخوآن ومهما صار تبقى الاخوه أقوى رآبطه فهد يهز كتوفه : بس أول مره يسويهآ شوق : يالله قوم خذ شور عشآن تتنشط وأنآ بروح اسوي حلى فهد : طيب بعد نص سآعه ونزل ينتظر وصول أخوه .. وهو كآشخ وأبعد شحوب المرض والالم عنه وبدأ يسترجع صحته شآفته وآقف عند البآب الزجآجي اللي يودي للمزرعه وجآت ورآهآ شوق : أيش تشوف ؟ فهد وعيونه مركزهآ على الخيل : أشوف الخيول شوق شبكت يدهآ بيده : حلو منظرهآ فهد لف عليها : اي والله صدقتي سمعوآ صوت بوري برى الفيلآ وطلعت شوق الدور الثاني وتركت فهد يستقبل أخوه فهد : هلا هزآع نورت المزرعه بجيتك هزآع يسلم عليه : منوره فيك .. الحمدلله وجهك يبشر بالخير فهد : تفضل أرتآح هزآع جلس يسولف مع فهد ويسأله عن صحته بعدهآ فهد : أحس عندك شي بتقوله هزآع : لآ أبد بس جآي اتطمن عليك واشوف أخبآرك بعد اللي صار فهد : الحمدلله زي ماتشوفني بخير ونآوي بكره اسافر للمدينه هزآع ابتسم : ايه دآر الحبايب فهد ضحك : يووه نسيت ان زوجتك هنآك هزآع يغمز له : ويش رايك اخليك مرسال الحب فهد أنطلقت ضحكآته : على اخر عمري اصير مرسال لك هزآع : ترآني أخوك ماني غريب |
| الساعة الآن 05:41 AM. |