|
. . خآلي صالح انصدم وأخذ بخاطره من خالي سعـــود يقول أبوي ان خآلك صالح كريم ولكنه زعل على خالك سعـــود وأخذ منه موقف لن ينساهـ والقصة باختصار أن خالي سعــــود كان يبحث عن بيت يشتريه في الرياض طبعا خالي صآلح عنده خبر قام خالي صــــالح يبحث عن بيت وسأل زملائه اصحاب العقار ولكن خالي سعــــود ما كان يعجبه شي يقول ابوي لقى خالك سعـــــود بيت وأتفق مع صاحب البيت على الشــــراء طبعا خآلي صــــاح بادر لمساعدة خالي سعـــود وتكفّل بأكثر من نصف قيمة البيت وكتب شيك وسلّمه في يد خالي سعود ولكن قبل اتمام الشراء صاحب البيت غيّر رأيه ورفض بيع البيت خالي سعــــود وجات الفلوس في يده :biggrin: تدرون وين حط فلوسه :biggrin: . . |
. . خالي سعــــــــود بعد ما رفض صاحب البيت بيعه راح وتزوج بالزوجة الثالثة ( أم سلطان ) :biggrin: الخبر كان كــ الصاعقة على رأس ( أم فهد ) :biggrin: وكانت صدمة لخالي صالح لأنه يدرك ان ظروف خالي سعـــود صعبة كيف يتزوج ثالثه والمشكلة انه اعطـــاه فلوس عشان يشتري بيت مو يتزوج وبعد سنة من زواجه جاه ( سلطان ) حبيب قلبي عمره الان 24 فديته وجاه من ام سلطان بنتين :biggrin: طبعا خالي صالح زعــــل وبقوه على خالي سعــــود وعاهد نفسه ان ما يتدخل غي شئونه ولا يعطيه شي :biggrin: سبحان الله على العيشه الضيقه والصعبة اللي عايشها خالي سعـــود إلا انه عايش حياته ومبســوط فيها على الآخر وعلى عيشة الرفاهية والعز اللي عايشها خالي صـــــالح إلا انه عايش مرهق وتعبان ومتوتر الذهن والذات . . |
. . خالي الأصغر ( حمد ) كان ســــاكن في القرية وساكن الى جانب بيت جدتي - الله يرحمها - متزوج وكان عندهـ ذاك الوقت سلمان و صــــالح تحبه جدتي محبة أكثر مما تتصورون وتخاف عليه حتى من ظله دايم يقول لها يمه انا رجال وأبو عيال وترد عليه انت تبقى في عيني صغير يشتغل في وظيفة حكوميه وحالته ميسوره تماما ومقـــاول مشهـــور على مستوى عالي خالي حمد لست اعتبره خالي بل الأخ الأكبر لي غمرنا بحبه ولطفه وكان يلعب معنا حتى في كرة القدم يبادلنا الأحاديث ويشاركنا مشاعرنا . . |
. . خالي حمد سكن الرياض مدة 4 سنوات وهي فترة انتدابه للرياض فترة تواجدهـ أضقت لنا الكثير من السعـــاده خالي حمد روحه شبابية على آخر حد كثيرا ما يصطحبنا معه الى الملاهي :biggrin: اقصد الالعاب الكهربائية ويذهب بنا الى ( الحاير ) وفيها اسطبل خيول وميدان للدبابات كنا نلعب طول ايامنا الى جانبه ويذهب بنا إلى منتزه ومسابح سلطانه كنا نسبح الى جانب خالي وكان يرتب لأهلي وخوالي طلعات برية جميله الله يذكرك بــ ألف خير يا خالي الغالي حمد ويطوّل في عمرك . . |
. . ما زلت أســـرد لكم ذكريات طفولتي بكل تفاصيلها وهي تمثل الواقع وليس ضرب الخيـــال لي عــــودة وتفاصيل موسّعه تقبلو فائق محبتي وودي . . |
. . صبــــــــاح يبعث مع انبثاق فجره الأمل والسرور وأسعـــد الله أيامكم بالمسرات وجمعة مبــــاركة على الجميع 13 - 5 - 1430 هـ . . |
. . اضـــافة الى تواجد خالي خالي صالح وسعود وحمد كانت توجد خالة ابوي الوحيدة ( الجوهرهـ ) الله يرحمها خالتي الجوهرهـ .. أم وجدة وأم جدهـ أعطــاها الله طول العمر وقوة الادراك والفكر عمرهــا ذاك الوقت قارب السبعين ولكن روحهــا لم تتعدى الثلاثين تزورنا باستمرار وتزورهـــا ايضا ابوي سكن عند خالتي يوم يكمل دراسته الجامعية فكانت نعم الخالة ونعم الأم ولد خالتي ( عبداللطيف ) الأكبر عمره مقارب لعمر والدي وكان بينه وبين أبوي أخوّه وصداقة فوق الا معقول خالتي الجوهره ميسورة الحالة عندهـــا قصر رآقي جداً وخادمتين .. اذكر كان عندها جهاز مثل الريموت اذا زرناها تضغط عليه وثواني تجي الخادمة وتطلب منها الشاي والقهوه وهذا الكلام ( قبل ما يطلع الموبايلات ) . . |
. . كان بيت خالتي الجوهره كبير مرهـ كانت تسكنه مع زوجهــا وقد تقدم بهم العمر ويسكنه عبداللطيف وأولادهـ .. وولد خالتي طلال وبنتها ريما وباقي أولاد وبنات خالتي متزوجين ومستقلين في بيوت وعلى مكانة خالتي وتقدّم عمرها إلا أنها والله كانت دائمة الزيارة لنا واكنت تزعل على ابوي وتشيل في خاطرها اذا مر يوم ويومين وما اتصل فيها أو زارهــا كثير من الأوقات تتصل وتقول تراني عازمتكم مع أولادي والوعد مزرعتي أو بيتي وكانت تزورنا في البيت وتجلس معنا وتسولف لنا والله ما نعدها الا الأم اللي ما ولدتنا والقلب الحنون أذكر أنها جاتنا مره من المرات ومعها ذبيحة مطبوخه وأصنــاف الحلوى الله يرحمك با خالتي ويوسع منازلك في الجنه . . |
. . اكتفي بهذا الطرح ولي عــــودة وتفاصيل موسعه ان شاء الله تقبلو خالص ودي وتقديري . . |
| الساعة الآن 04:28 AM. |