|
ياتركي معروف الحموله للجمال الصايجه=اللي حداها لا برك ‘ للحمل قادر له يشيل ما تشيلها يا صاحبي حشو الزّمول الهايجه=والسيل مع مجراه ياتركي اتعرف انه يسيل الجملــــه ( وش على العقبان من دبي الجراده ) |
ترا العقاب الحر ماهمه جراد الفايجه= لان الجراده قلبها من حجمها قلبَ ذليل والا العقاب الكون كله في زمانه دايجه=واليا لقى الصيده تعشاها ولابه مستحيل العبارة ..من تقدم ماتندم.. |
رجِل(ن) على قطع الفيافي والمصاعب ‘ سايجه=تقدّم ‘ ومال الندم مدخل عليها يالعميل اللي تندّم يالخوي ‘ رجِل(ن) تدور اللايجه=اليا اثقلتها احمولها ‘ تلهث ولابه من مقيل الجمله ( ابعد مراويح القطا ) |
ترا الرجل ملزوم يقضي فالزمن حوايجة=لو حاجته عنه ابعدت لابد مايعلن رحيل ولو ينجبر يرحل مراويح القطاة البايجة=يبوج وقته ويتحزم بالسواري والصقيل العبارة (وافق شن طبقة) |
بعض الرجال بفعلها تسرح وتمرح رايجه=والبعض الآخر ليت ياتركي تغطى بالخميل لو ما توافق شن مع طبقه ظهر له عايجه=في عود ماون كل فجر(ن) فوق راسه له صليل العبارة ( طباطيب صيف ) |
طبطاب صيفٍ من درى ياويش هي نتايجه= غير الخِيال اللي نخِيله هو يجي منّه حصيل توقعون الهرش ظهره يشتكي حدايجه=وإلاّ الحليله قلبها ما خاف من فرقى خليل العبارة ( الدنيا مبطي ميّاله ) |
ياراعي العليا ترا الدنيا تحتنا مايجة=هذي عبارة قلتها وانا بقدم لك دليل الناس تشكي في الزمن كلن حسب نهايجة=وكلن بصم ببهامه ان الوقت والدنيا تميل عبارة ( من طول الغيبات جاب الغنايم) |
يا تركي قل الهرج يغني قيل عن سمايجه= ما كل من طوّل غيابه جاب نبعٍ سلسبيل ترى الغنايم في رضى من نرتجي فرايجه= في ساعةٍ يصبح بها طفل المهد شيخٍ جليل العباره ( لا شفت سهيل لا تأمن السيل ) |
اسهيل لامنه طلع ثم غثربت عجايجه=احسب حسابك وانتبه ولاتجي في درب سيل هذا مثل معروف لاتحسبه اشاعة رايجة=لاتامن من السيل الا منها بدت نجمة سهيل عبارة (الضرب في الميت حرام) |
مار البلا كانه حيي ‘ ثم ابرقت فجايجه=ومن ثم بادر ‘ فوق ضرّابه من ترابه يهيل الميت اللي فوق قبره تشتعل سرايجه =تموت عدوانه من اسبابه ‘ولا تشفي غليل العياره ( كأنك يابو زيد ما غزيت ) |
| الساعة الآن 06:44 AM. |